Levitiko 1:3 - Iaai Bible 1901 (New Caledonia)

³ Ame ne hut adre le ûnyi hyni hnahat kau anyin hut, hamen he ka hudo baga ae ba hnyikongon: e ame he ka hudo e hnyi hwanumen uma ûkhacaköu, mʼ adre me kap soâ e hnyi hnyimakö Iehova.

Levitiko 1:3 ပူးပေါင်းရင်းမြစ်များ

Genese 22:13

Me Aberahama ame bwele me wâ, ke wâ bi, e hnyi hoton ke mamoe baga, ame vhet li faoiny hnyi hnyot: ke Aberahama ame he me hom mamoe baga, me hudo biju hnân hut adre le, me hwaban nokon.

Genese 22:2

Ke e ame ha, ka habe, Hom dö nokom, a nokom a khaca, at u me betenge gan, jia Isaaka, me he thö ka hnyi hnyei Moria; me hudo thö e me hnân hut adre le, hon ke bucen oge me he ka ha köu.

Genese 22:8

Ke Aberahama ame thu, ka habe, Nökuk, hamen Khong he ka penapena hobi kâu bi ke nokon mamoe hnân hut adre le: me ödru me tha he.

Genese 8:20

Ke Noa ame otilâ ke taben hnân bi hut kö Iehova; me hom ûnyi hnyi ta je meno hia a vak can ae bo so, me ta je meno hia ame gâ ae bo so, me hudo ta je hut adre le hon taben hut.

II. Man Ûlabainy Je Than. 29:32

Ke haba ûseiny je hudiny leû, wale a hom hnen ûkhacaköu, me sevente je bolok, me wan haded je mamoe baga, me tu haded je nokon mamoe: ödrin hia e hnân hudiny leû kö Iehova.

II. Man Ûlabainy Je Than. 35:12

Me ödrin e hom je hudiny leû me ham hoton jekhon je lap anyin je lakamen tavat, he ka hudo kö Iehova, hoton hna sihnalimen hnyi tusi anyi Mose. Ke ödrin e ânyâ helâe minya ka je bolok.

Salamo 110:3

Haba lakem adre me he ka hudo me hnyekudra bi hnyi bonginy manâm man; Hnyi ta je hmanenang ae kap ûnyi hnyi tangen hnökuiny haolany, E bi unyâm dân hauiny ânyâm hidröu,

Salamo 40:8

Khonguk lö, oge me senyin he ka ânyâ wem; Eke, eû hnyi hnyekuk ânyâm hnanyibu.

Esodo 12:5

Haba nokon mamoe hobi köbun ame he ka ba kongon, ke baga a khaca hunainy: öbun e he ka hom ûnyi hnyi je mamoe, ame ne je got:

Esodo 24:5

Ke e ame kunâ wahidröu a je lakon Isaraela, mʼ odrin e hudo ta je hut adre le, me hudo kö Iehova je kau hnân hudiny ûsoköu.

Esodo 29:18

Ke u me he ka tha le hia mamoe baga hon taben hut; wale hut hnân le kö Iehova: wale hut ae bo so, me hut a le ge meic kö Iehova.

Esodo 29:4

Ke haba Arona me je lakon u me he ka hum ödrin ka hnyi hwanumen uma hnân ûkhaeaköu, ke u me he ka osûʼ ödrin ge köiö.

Esodo 29:42

Haba hut adre le ame he ka e bala hnyi anyibun je dö hnyi hwanumen uma ûkhacaköu hnyi hnyimakö Iehova: ke oge me he ka iouny möbun eling, me fuc köu eling.

Esodo 32:6

Ke adre me vesâ hnyi hnyomakatu kong, me hudo je hut adre le, me hom je hudiny ûsoköu; me ame laba ju tavat he ka han me ic, me adre me todrö he ka mat.

Esodo 35:21

Ke a o but tavat wale a ûjöngi odrin hnen je hnyekudrin, me tavat a ohmehmelʼ odrin hnen hanudrin, mʼ odrin e hom ta je bwihlany hobi kö Iehova, hnân hobi kâu huliwa huyi uma ûkhacaköu, me hobi kâu je huliwainy hia, me hobi kâu je ûkhaû ae kap.

Esodo 35:29

Haba lakon Isaraela adre hom bwihlany ibetengiö kö Iehova; obaga me omomo a ohmehmelʼ ödra hnen je hnyekudra, adre me ve hom hnân ta je huliwa hia, waleji Iehova ame hûna he ka ânyâ, a deny Mose.

Esodo 35:5

Öbun e he ka bi bwihlany unyibun hobi kö Iehova: haba tavat adre me hnyokâ me weny, me, hamödra he ka hom, wale bwihlany hobi kö Iehova; a gol, me sileva, me bras;

Esodo 36:3

ke ödrin e kap ta je bwihlany hia ûnyi ga Mose, waleji hnen lakon Isaraela hna hom hobi kâu huliwa hnyi dok ae kap, he ka huliwan. Ke adre me hom bala je bwihlany ibetengiö hnyi je hnyomakatu.

Esodo 38:1

KE e ame tibet taben hut hnân leû, a utö öhum: thabûng ta kubit ibeûen, ke thabûng kubit ulaûen, ke tha ûcû je hwenoiny a vak; ke kun ta kubit ibeûen goranyai.

Isaia 1:11

Haingö Iehova, ka habe, Hnân eû könya anyibun ta je hut ae se hia? oge unöngötö ge je hudiny leû a je mamoe baga, me pipikhenyainy je meno adre hat; ke oge me ca senyin ge dren ta je bolok, me lakon mamoe, me je got baga.

Ezekiela 20:40

Anyin a hnyi hon anyik bucen ae kap, hon bucen dok ae gorany hnyi Isaraela, haingen Than Iehova, ame he ka bi athnyabaik eling hnyi hnyei hnen lap anyi Isaraela hia, a ödra hia thithö; oge me he ka köp ödra eling, ke oge me he ka elâm eling anyibun je bwihlany, me je hudiny anyibun wan a bân, me anyibun ta je ûnyi hia ae kap.

Ezekiela 40:39

Ke haba hnyi poretikoiny homagöule, me hu lo li laulau hnyi lo li ke keihen, hnân hlingâ e ta je hudiny leû me hudiny hulo me hudiny monu.

Levitiko 1:10

Ke ame ne ûnyi hnyi je hnahat meno, ame ne mamoe, ame ne got, anyin hut, hnân hut adre le; me e ame he ka hudo baga ae ba hnyikongon.

Levitiko 14:10

Ke haba hnyi bong a eitiny e ame he ka hom li nokon mamoe baga ae ba hnyikongon, ke khaca nokon mamoe momo a khaca hunainy ae ba hnyikongon, me kun ta omer salawa hnân hudiny han, adre uhaniken me wakaco, me khaca loga wakaco,

Levitiko 16:7

Ke e ame he ka hom li got, me ip ödru hnyi hnyimakö Iehova, hnyi hwanumen uma hnân ûkhacaköu.

Levitiko 17:4

kʼ ame ca hom e ka hnyi hwanumen uma ûkhacaköu, he ka hudo e kö Iehova hnyi hnyimakan uma mano anyi Iehova: ame he ka joniny at eling dra; kʼ ame hingâlâ dra; kʼ adre me he ka subâ degecâ at eling ûnyi hnyi iny hnyei:

Levitiko 17:8

Ke u me he ka ha ködra, ka habe, Haba at Isaraela hia, ame ne aten ke je hnyei ame laba kanyua unyibun, at ame hudo hudiny leû, ame ne ke hut,

Levitiko 17:9

kʼ ame ca he ka hnyi hwanumen uma ûkhacaköu he ka hudo e kö Iehova, me adre me he ka subâ degecâ at eling ûnyi hnyi iny hnyei.

Levitiko 23:12

Ke hnyi bong eling, öbun e hajijingâ thi hwit hnyin, me öbun e he ka hudo mamoe baga a khaca hunainy ae ba hnyikongon hnân hudiny leû kö Iehova.

Levitiko 23:18

Ke öbun e he ka tha hudo me areto je mamoe a seven ae ba hnyikongon a khaca hunainy, me khaca nak bolok, me lo li mamoe baga, wale hnân hudiny leû kö Iehova, tha e me hudiny han, me hudiny ic, hut a an ge meic, ae bo so kö Iehova.

Levitiko 3:1

KE ame ne hudiny ole anyin hut, ame ne he ka hudo ûnyi hyni hnahat meno, ame ne baga, ame ne momo, me hamen he ka hudo at ae ba hnyikongon hnyi hnyimakö Iehova.

Levitiko 4:15

Ke ame he wahingatiny ûkhacaköu ka ip je hnyamödrin hon ban bolok hnyi hnyimakö Iehova: ke adre me he ka hlingâ bolok hnyi hnyimakö Iehova.

Levitiko 4:23

ke adre me ne omanenâ kâu anyin monu, waleji e ame hulö hnyin, me e ame he ka hom hnân anyin hut got baga ae ba hnyikongon:

Levitiko 4:3

ame ne he at bihut adre hû ka hanyâûâ, me hom hulö hon tavat; me e ame he ka hudo, can monu e ame ânyâ, ke nak bolok ae ba hnyikongon, kö Iehova, hnân hudiny hulö.

Levitiko 4:32

Ke ame ne hom nokon mamoe hnân anyin hut a hudiny hulö, hamen he ka hom momo ae ba hnyikongon.

Levitiko 5:15

A ne he ke at ka ânyâ monu, ke ca khana, hnyi ta je ûnyi ae kap ga Iehova; me e ame he ka hom kö Iehova hudiny hulö, a mamoe baga ae ba hnyikongon ûnyi hnyi hnahat mamoe, hoton hnâm hna tuluto kâu je sekel sileva, helâ me sekeliny dok kap, hnân hudiny hulö:

Levitiko 5:18

Ke e ame he ka hom ka at bihut mamoe baga ae ba hnyikongon ûnyi hnyi hnahat mamoe, helâ me hnâm hna tuluto kâu, hnân hudiny monu: ke ame he at bihut ka bi hwaban anyin möt, can anyin monu, ke ca khana bi kʼ adre me he ka hna e.

Levitiko 6:2

A ne ke at ame ânyâ monu, me hanyâûâ hnanyibu anyi Iehova, me iyawö ka at ame laba hakekenyâ ge ûnyi ame hna kâu he ha tuö, ame ne ge ûhihinyköu, ame ne ûnyi adre hûgûnâ, ame ne ovecâ ke at;

Levitiko 6:8

Ke Iehova ame ha kö Mose, ka habe,

Levitiko 7:16

Ke ame ne khöbi, ame ne hudiny ibetengiö anyin hut, me adre me he ka han e hnyi bong adre hudo hnyin anyin hut: ke bong nyi adre me he ka an kolon:

Levitiko 8:18

Ke e ame hom mamoe baga a hudiny leû: ke Arona me lakon odrin e ip je hnyamödrin hon ban mamoe baga.

Levitiko 8:21

Ke e ame hneû tang tiny ge köiö, me je can; ke Mose ame tha le hia mamoe baga hon taben hut, wale hut adre le hnân bo so, me hut a an hnen meic kö Iehova: helâ me Iehova ame hûna kö Mose.

Levitiko 9:2

ke haingen kö Arona, ka habe, Hom dö ke nak bolok hnân hudiny hulö, me mamoe baga ae ba hnyikongon, hnân hudiny leû, me hudo li meno e hnyi hnyimakö Iehova.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Malaki 1:14

Ke e ka mok at iyawö, at ae hu baga hnyi haleny hnahat mamoe, ke e ame bi khöbi, me hudo at ae kong ka Than; anyin a iny than ae gan hmâ, haingö Iehova tuhan sabaoth, ke hnân outen iök unyin je Hnyei.

Numera 15:3

ke öbun ka he ka bi hut a an ge meic kö Iehova, ame ne hudiny leû, ame ne hudiny thamuö khöbi, ame ne hudiny ibetengiö, ame ne hnyi anyibun je bijeû adre thu, me me bo so kö Iehova, ame ne kau, ame ne mamoe:

Numera 15:8

Ke u ka he ka penapena bolok hnân hudiny leû, ame ne hudiny thamuö khöbi, ame ne hudiny ole kö Iehova:

Numera 19:2

Walang bongon hnanyibu a hûna Iehova, ka habe, Ha thö ka lakon Isaraela, mʼ adre me he ka hom köu ke kau ae dra hia me ba hnyikongon, at adre tiga ca ip hon ûnyi hnân ûhûkâlaköuâ:

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Numera 23:27

Ke Balaka ame ha kö Balaama, ka habe, Aiö u, mʼ inye he ka hum u ka hnyi ke dok; kʼ ame ne so ka Khong, me u ma he ka hângʼ ödra eling hobi könya.

Numera 23:3

Ke haba Balaama ame ha kö Balaka, ka habe, U me he ka tot hnyi ânyâm hut, ke oge me he ka he but; me ame ne he la Iehova he ka ûkhanö mönya: ke haba hofuc e ame he ka omanenâ könya me oge me he bi nya ka thumeta u. Ke e ame he ka hnyi dok ae görany.

Numera 23:30

Ke Balaka ame ânyâ hoton hna ha hnö Balaama, me hudo hon je taben hut ûsa khaca bolok, me khaca mamoe baga.

Numera 28:11

Ke haba hnyi hnyimakan anyibun je tehi me öbun e he ka hudo hudiny leû kö Iehova: a lo li nak bolok, ke khaca mamoe baga, ke seven ta lakon mamoe baga ae ba hnyikongon, a khaca hunainy;

Numera 28:19

ke öbun e he ka hudo hut a an ge meic, a hudiny leû kö Iehova; wale lo li nak bolok, ke khaca mamoe baga, ke seven je lakon mamoe a khaca hunainy: a je meno ae ba hnyikongudrin:

Numera 28:31

Öbun e he ka hudo e a tha e me hudiny leû ae hmâ, me hudiny han a hanen (a je meno ae ba hnyikongon) tha e me je hudiny ic a hanen e.

Numera 29:13

ke öbun e he ka hudo hudiny leû, hut a an ge meic ae bo so kö Iehova; a thötin je nak bolok, ke lo li mamoe baga, ke fortin lakon mamoe baga a khaca hunainy; a je meno ae ba hnyikongon:

Numera 29:2

Ke öbun e he ka hudo hudiny leû ae bo so kö Iehova; a khaca nak bolok, ke khaca mamoe baga, ke seven lakon mamoe baga ae ba hnyikongon a khaca hunainy:

Luka 1:35

Ke haba angela ame thu me ha kâu, ka habe, Ame he ka o köu Hanu Kap, me ame he ka tungi u hnen man maniny Beönua: anyin a wale adre me he ka hwenyi ien at adre me he ka hnokoâ, me kap; a Nokon Khong.

Ioane 1:36

ke e ame ö Iesu ame he, me haingen, ka habe, Wâ bi Arenio anyin Khong!

Ioane 10:7

Haba Iesu ame ha hmetu ködra, ka habe, E hnathu, e hnathu, inya oge me ha köbun, ka habe, Inya ang homagöule hobi kâu ta je mamoe.

Ioane 10:9

Inya ang homagöule, a ne ke at ame didro unyik, e ame he ka möt, me didro me didrut, kʼ ame he ka wâ jeû.

II. Korinito 8:12

Anyin a ne hu hnyok ae weny, adre me he ka kap e hoton hna hu hnen at, ke ca hoton bi hna ca hu gan bi.

II. Korinito 9:7

E so he ka ve ham hoton hna thamuâ eû hnyi hnyok; ca hnyi hnyok ae hmak, me hna muso minya: anyin a Khong ame hnyokâ at ame ham senyinâ.

Efeso 2:18

ke hu but gata hia ûnyi gan gethen ka Kamen ûnyi ge Hanu a khaca.

Efeso 5:27

me me he ka hom kâu bi ekalesia ae hmanenang, ae ba hnyikongon me ca hwehweti me ke ûnyi helâe: ke ame he ka kap me ba hnyikongon.

Deuteronomi 12:27

ke u me he ka hudo ânyâm je hudiny leû, a utiö me dra hon taben hut kö Iehova Khongom; ke adre me he ka hingâlâ dren ânyâm je hut hon taben hut anyi Iehova Khongom, ke u me he ka han utioiny.

Deuteronomi 15:21

Ke ame ne hu hnyikongon, ame ne kong can, ame ne wadröu, ame ne ke hnyikongon ae kong, me u me ca he ka hudo e kö Iehova j Khongom.

Deuteronomi 17:1

U ME ca he ka hudo kö Iehova Khongom ke bolok me mamoe ae hu hnyikongon, kʼ ame ne ca so: anyin a wale hûkötianö Iehova Khongom.

Heberu 7:26

Anyin ae ûcû köta at bihut eling ae, nua, ae kap, ae ba hulo gan, me ba hnyikongon, me ûsâkâûö me tavat adre me anyâ hulo, ke adre öbeönua hon drany;

Heberu 9:14

awe, e ca beönua bi dren Keriso, waleji a hamen hudo e bi, ae ba hnyikongon, ka Khong, ûnyi ge Hanu a e balua bi, he ka obosoâ anyibun ûnykûm sa hnyi ta je huliwa ae mekiny mʼ öbun e he ka huliwa ka Khong ae mötî