Levitiko 1:2 - Iaai Bible 1901 (New Caledonia)

² Ha thö ka lakon Isaraela, ka habe, E ka he ke at gabun ka bi hut ko Iehova, me öbun e he ka bi hut ûnyi hnyi je meno, wale je kau, me hnahat mamoe.

Levitiko 1:2 ပူးပေါင်းရင်းမြစ်များ

Genese 4:3

Ke hwaban ke ta je bong, haba Kaina ame hom ke troban kânâ hnân hut kö Iehova.

Genese 4:5

kʼ ame ca oûnyihnathu Kaina me anyin hut. Me Kaina ame hmönyin gan hmâ, me khöt ut hnyimakan.

I. Man Ûlabainy Je Than. 16:29

Ham dö kö Iehova hmanenang ae ûcû ka hnyi ien: Hom dö ke hut, me o ka hnyi hnyimakan: Khudrung kö Iehova hnyi mec ae kap.

Ezera 3:5

ke hwaban e, e bala bi hudiny leû, me je tehi a teb ûnyi, me je bijeû ae kap adre thu anyi Iehova hia, me je hut adre ka hamödra hudo kö Iehova.

Esodo 20:24

U me he ka ânyâ hobi könya ke taben hut a kânâ, ke u me he ka hudo hon ânyâm je hut adre le, me ânyâm je hudiny ûsoköu, me halem je mamoe, me halem je kau: haba hnyi je dok hia oge me he ka oûnykûmeâ iök hnyin oge me he ka o köu me ohnahici u.

Numera 15:3

ke öbun ka he ka bi hut a an ge meic kö Iehova, ame ne hudiny leû, ame ne hudiny thamuö khöbi, ame ne hudiny ibetengiö, ame ne hnyi anyibun je bijeû adre thu, me me bo so kö Iehova, ame ne kau, ame ne mamoe:

Numera 5:15

me hamen baga he ka hom âiân ka at bihut, kʼ ame he ka hom anyin hut hobi kâu e, a tap salawa bali a khaca omer; kʼ ame ca he ka hû e ge wakaco; kʼ ame ca be ka bi libanu ka hnyin; anyin a hudiny ciâ eling me hudiny oûnykûmeâ, hnân oûnykûmeâ hulö.

Numera 7:15

ke khaca nak bolok, ke khaca mamoe baga, ke khaca nokon mamoe baga a khaca hunainy hnân hudiny leû;

Mareko 7:11

ke haingöbun, ka habe, Haba at ame he ka ha ka kamen me hinyen, ka habe, Haba anyik ta je ûnyi hnân hom hadruo u, me, Korabana, walang bongon, Adre me ham ka Khong;

Roma 12:1

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

Roma 12:6

E hu but gata je hna ham bâûâ ae ve bongon bi hoton ibetengiö baû adre ham köta, a ne hnân operofeta, e so e ânyâ hoton kahmen labageju:

Efeso 5:2

ke he bala hnyi ibetengiö, helâ me Keriso ame betenge köbun, ame ka ham e hobi köta, hnân hut, ke hut adre hlingâ, wale ûnyi ae bo so ka Khong.