Levitiko 1:10 - Iaai Bible 1901 (New Caledonia)

¹⁰ Ke ame ne ûnyi hnyi je hnahat meno, ame ne mamoe, ame ne got, anyin hut, hnân hut adre le; me e ame he ka hudo baga ae ba hnyikongon.

Levitiko 1:10 ပူးပေါင်းရင်းမြစ်များ

Genese 4:4

Ke haba Abela, e ame hom ûnyi hnyi hna hat mamoe je lakon a bân me je meno ae pipikhenya. Ke Iehova ame oûnyihnathu Abela me anyin hut:

Genese 8:20

Ke Noa ame otilâ ke taben hnân bi hut kö Iehova; me hom ûnyi hnyi ta je meno hia a vak can ae bo so, me ta je meno hia ame gâ ae bo so, me hudo ta je hut adre le hon taben hut.

Esodo 12:5

Haba nokon mamoe hobi köbun ame he ka ba kongon, ke baga a khaca hunainy: öbun e he ka hom ûnyi hnyi je mamoe, ame ne je got:

Ezekiela 43:22

Ke haba hnyi bong a loiny u me he ka hudo got baga ae ba hnyikongon hnân hudiny hulo; ke adre me he ka obosoâ taben hut, helâ me hna obosoâ e ge bolok.

Levitiko 14:10

Ke haba hnyi bong a eitiny e ame he ka hom li nokon mamoe baga ae ba hnyikongon, ke khaca nokon mamoe momo a khaca hunainy ae ba hnyikongon, me kun ta omer salawa hnân hudiny han, adre uhaniken me wakaco, me khaca loga wakaco,

Levitiko 16:3

Ke walang hwakecin ûdili Arona ka hnyi dok ae kap: e ame he ka hom nak bolok hnân hudiny hulö, me mamoe baga hnân hudiny leû.

Levitiko 16:5

Ke e ame he ka hom ûnyi ge ûkhacaköu anyin lakon Isaraela lo li got baga hnân hudiny hulö, me mamoe baga a khaca hnân hudiny leû.

Levitiko 22:19

hamöbun he ka hudo baga ae ba hnyikongon ûnyi hnyi je bolok, ame ne mamoe, ame ne got, me me he ka kap soi öbun.

Levitiko 23:12

Ke hnyi bong eling, öbun e hajijingâ thi hwit hnyin, me öbun e he ka hudo mamoe baga a khaca hunainy ae ba hnyikongon hnân hudiny leû kö Iehova.

Levitiko 3:1

KE ame ne hudiny ole anyin hut, ame ne he ka hudo ûnyi hyni hnahat meno, ame ne baga, ame ne momo, me hamen he ka hudo at ae ba hnyikongon hnyi hnyimakö Iehova.

Levitiko 4:23

ke adre me ne omanenâ kâu anyin monu, waleji e ame hulö hnyin, me e ame he ka hom hnân anyin hut got baga ae ba hnyikongon:

Levitiko 4:3

ame ne he at bihut adre hû ka hanyâûâ, me hom hulö hon tavat; me e ame he ka hudo, can monu e ame ânyâ, ke nak bolok ae ba hnyikongon, kö Iehova, hnân hudiny hulö.

Levitiko 5:15

A ne he ke at ka ânyâ monu, ke ca khana, hnyi ta je ûnyi ae kap ga Iehova; me e ame he ka hom kö Iehova hudiny hulö, a mamoe baga ae ba hnyikongon ûnyi hnyi hnahat mamoe, hoton hnâm hna tuluto kâu je sekel sileva, helâ me sekeliny dok kap, hnân hudiny hulö:

Levitiko 9:2

ke haingen kö Arona, ka habe, Hom dö ke nak bolok hnân hudiny hulö, me mamoe baga ae ba hnyikongon, hnân hudiny leû, me hudo li meno e hnyi hnyimakö Iehova.

Malaki 1:14

Ke e ka mok at iyawö, at ae hu baga hnyi haleny hnahat mamoe, ke e ame bi khöbi, me hudo at ae kong ka Than; anyin a iny than ae gan hmâ, haingö Iehova tuhan sabaoth, ke hnân outen iök unyin je Hnyei.

Numera 15:5

me tap waina hnân hudiny ic a ke keihen a vakiny hin u me he ka tha penapena me hudiny leû, ame ne ke hut bi, me wale hobi kâu je ve lakon mamoe.

Numera 19:2

Walang bongon hnanyibu a hûna Iehova, ka habe, Ha thö ka lakon Isaraela, mʼ adre me he ka hom köu ke kau ae dra hia me ba hnyikongon, at adre tiga ca ip hon ûnyi hnân ûhûkâlaköuâ:

Numera 6:14

ke e ame he ka hudo anyin hut kö Iehova, a nokon mamoe baga a khaca ae ba hnyikongon, a khaca hunainy, me hnân hudiny leû, ke khaca nokon mamoe momo ae ba hnyikongon, a khaca hunainy, me hnân hudiny hulö, ke khaca mamoe baga ae ba hnyikongon hnân hudiny ole,

Ioane 1:29

Nyi e ame ō Iesu ame he kâu, me haingen, ka habe, Wâ bi Arenio anyin Khong at ame hijen monu anyin hmeledrany!

I. Peteru 1:19

ke so bi ûnyi ge dren Keriso ae gan hwaban, helâ me nokon mamoe ae ba hnyikongon me ba monuiny: