Levitiko 1:1 - Iaai Bible 1901 (New Caledonia)

¹ KE haba Iehova ame hao Mose me ha kâu ûnyi hnyi hnyin uma ûkhacaköu, ka habe,

Levitiko 1:1 ပူးပေါင်းရင်းမြစ်များ

II. Je Than 16:13

Me e ame le hudiny leû, me hudiny han, kʼ ame hingâlâ hudiny ic, me e ame dukâiâ dra dren hudiny ole hon taben hut.

II. Man Ûlabainy Je Than. 29:32

Ke haba ûseiny je hudiny leû, wale a hom hnen ûkhacaköu, me sevente je bolok, me wan haded je mamoe baga, me tu haded je nokon mamoe: ödrin hia e hnân hudiny leû kö Iehova.

Esodo 19:3

Ke haba Mose ame ölö thö ka Khong, ke haba Iehova ame hongot kâu ethö hon bucen me ha kâu, ka habe, Walang hofuc u me he ka ha ka lap anyi Jekob, me thumeto lakon Isaraela, ka habe;

Esodo 24:12

Ke Iehova ame ha kö Mose, ka habe, Ölö thö könya hon bucen, me laba eling: ke oge me he ka ham köu li veto ae lau, me hnanyibu me je hna hûna waleji oge sihnalimen, mʼ u me he ka ûne.

Esodo 25:22

Ke oge me he ka iouny möu eling, me ûhnenamö möu ûnyi ethö hon taben ibetengiö, ûnyi hnyi wanben li kerubi hon tang hnân ohnatho, hnyi ta je hofuc oge me he ka hûna köu hobi kâu lakon Isaraela.

Esodo 29:42

Haba hut adre le ame he ka e bala hnyi anyibun je dö hnyi hwanumen uma ûkhacaköu hnyi hnyimakö Iehova: ke oge me he ka iouny möbun eling, me fuc köu eling.

Esodo 3:4

Ke a wâ but Iehova, a e ame saû ka wâ, me haba Khong ame hawâ e ûnyi hnyi ûö ae ûdedö, me ha, ka habe, Mose, Mose lö. Ke haingen, ka habe, Inya ang.

Esodo 33:7

Ke haba hwakeci Mose, me, e ame labö hom uma ûkhacaköu, me otilâ hoton hna hunuma, e ûsâkâûö me hna hunuma, ke e ame hwenyi ien, ka habe, Uma mano hnân ûkhacaköu. Ke haba tavat hia adre me elöm Iehova me adre me he but ka hnyi uma mano a uma ûkhacaköu wale hoton hna hunuma.

Esodo 39:32

Ke adre oumo helâe je huliwa hia hobi kâu uma mano, me uma ûkhacaköu: haba lakon Isaraela adre me ânyâ ta je ûnyi hia, helâ me hna hûna hnö Iehova kö Mose.

Esodo 40:29

Ke e ame ip taben leû hut hnyi hwanumen uma mano a uma ûkhacaköu, me hudo hon e je hut adre le, me hudiny han; helâ me Iehova ame hûna kö Mose.

Levitiko 7:38

waleji hnö Iehova hna hûna kö Mose hon bucen Sinai, hnyi bong e ame hûna ka lakon Isaraela he ka hudo anyidra je hut kö Iehova hnyi hnyebuba Sinai.

Levitiko 9:16

Ke e ame hom hudiny leû, me hudo hoton hnanyibu.

Numera 1:1

HABA Iehova ame ha kö Mose hnyi hnyebuba Sinai, hnyi uma ûkhacakoû, hnyi bong a bâniny tehi a loiny, hnyi huna a loiny hwaban hnödra hna he but ûhedra hnyi hnyei Aigupito, ka habe,

Numera 7:15

ke khaca nak bolok, ke khaca mamoe baga, ke khaca nokon mamoe baga a khaca hunainy hnân hudiny leû;

Numera 7:89

Ke hnyi ûen ame didro Mose ka hnyi uma ûkhacaköu he ka ûhnenamö mē, me e ame löng Hwan ame fuc kâu ûheny thö hon taben ibetengiö wale hon tang ohnatho, ûheny hnyi wanben li kerubi: ke e ame fuc kâu.

Ioane 1:17

Anyin adre ham hnanyibu a deny Mose; ke ibetengiö bâu me hnathu a deny Iesu Keriso.

Deuteronomi 27:6

U me he ka otilâ taben hut kö Iehova Khongom ge je veto ae bekhöt, ke u me he ka hudo hon je hudiny leû kö Iehova Khongom: