Kolose 4:6 - Iaai Bible 1901 (New Caledonia)

⁶ E bo öbun e he bala ka fuc me ibetengiö, ame osoâ ge sâlt, me me khanʼ öbun dö hwakecin he ka thu ka tavat.

Kolose 4:6 ပူးပေါင်းရင်းမြစ်များ

I. Man Ûlabainy Je Than. 16:24

Ha gaga thö anyin hmanenang hnyi wanben ta je hnyei, Me anyin je huliwa hnân lâiâ, hnyi wanben je hnyei hia.

Salamo 105:2

Khumöng dö kâu, khumöng ogânâ e; Uhnenamö ju öbun ge anyin ta je huliwa hnân lâiâ hia.

Salamo 119:13

Oge hia but omanenâ ge li esongodik Ta je hna owisa hia ûnyi hnyi hnyimâm.

Salamo 119:46

Oge me he minya ka ûhnenamö hnyi hnyimakan je than hnâm ta je hna ohnathoâ, Ke oge me ca he ka hmehma.

Salamo 45:2

E nua hmonyin soâm hon lakon tavat; Adre hia but hingâlâ ibetengiö ka hnyi hnyimâm: Anyin a wale a hia but Khong ohnahici u nyiele balua.

Salamo 66:16

Ai öbun, long ju öbun hia öbun e outen Khong, Me oge me he ka aû gaga hnen hna mâdrâ hobi kâu hanuk.

Ta je Vejec 10:21

Haba li esongodiny at ae wisa me ame hān tavat ae se: Ke a mok ut tavat ae monu anyin ae ba hnyekudra.

Ta je Vejec 15:4

Haba bohmen ae wisa, me wale ûöiny möt: Ke haba he ka fuc hwali, me wale hnân oamamâ hnyok.

Ta je Vejec 15:7

Haba li esongodiny at ae metâ, me ame khûkhûâ wâhmakhmeto: Kʼ ame ca hnyi helâe hnyekon at ae monu.

At Khet 10:12

Haba je hofuc hwan hnyimen at ae metâ, me wale tang betenge; ke haba li esongodiny at ae monu me ame he ka utâ e bi.

Ezekiela 43:24

Ke u me he ka ûhakekenyi ödru hnyi hnyimakö Iehova, ke ame he tavat bihut ka khûö sâlt hudru, ke adre me he ka hudi ödru kö Iehova hnân hudiny leû.

Levitiko 2:13

Ke u me he ka sâltâ je hudiny ânyâm han hia; ke so ame ca ba balua sâltiny ûhihinyköu anyin Khongom hnyi ânyâm hudiny han: u me he ka hudo ânyâm je hut hia tha e me sâlt.

Mataio 5:13

Öbun ang sâltiny hmeledrany, ke a ne ba but hinyin sâlt, me adre ma kâmâu he ka öhinyâ hmetu e? e ca so hmetu bi, ke so bi he ka degec me uto ju ge at.

Mareko 9:50

E so sâlt: ke a ne hia but hnân ohinyâ sâlt, öbun e he ka kâmâu ka ohinyâ hmetu e? E so e hu sâlt eû hnyi je hnyekubun, me laba ûsoköu ju öbun.

Luka 4:22

Me: haba ödra hia adre me haisoâ e, kʼ adre me lâiâ ta je ifucin ae so ame khulu but ûnyi hnyi hnyimen: haingödra, ka habe, Hawa, ca nöku Josefa at ang?

Efeso 4:29

Ca he bi ka o ûnyi hnyi je hnyimöbun hofuc ae ikiki, ke so bi hofuc ae so hobi kâu ûen ae ûcû, me me okûâ so ka tavat adre me long.

Deuteronomi 11:19

Ke öbun e be ka nâ hofuc e ka lakubun, me ûhnenamö gan, u ka laba hnyin umâm uma, me he eû hnyi gethen, ke u ka he ka mokut me köûö hmetu bi.

Kolose 3:16

E so e he hofuc hwan Keriso ka laba hmâ hnyi je hnyekubun me metâ hia; ûnöbunköu öbun ju ge ta je salamo, me ta je khumöng, me ta je fehuâ ûnyi hnyi hanu, khumöng dö ka Than me ibetengiö eû hnyi je hnyekubun.

I. Peteru 3:15

ke okabâ ju Keriso eû hnyi je hnyekubun me me Than bi: ke laba penapena bala öbun he ka thu kodra hia tavat adre me hnei öbun ge bongon labageju wale eû hnyibun, ke so bi hnyi menyik me ot;