Kolose 4:17 - Iaai Bible 1901 (New Caledonia)

¹⁷ Ke ha thö kö Arekipa, ka habe, Wâ eâu hanymâm u je kap ûnyi ge Than, mʼ u me he ka umo thö.

Kolose 4:17 ပူးပေါင်းရင်းမြစ်များ

II. Man Ûlabainy Je Than. 29:11

Lakuk lö, ca oûnyibâûâ walang ang ûnyi ang: anyin a Jehova ame ûcʼ öbun he ka tot hnyi hnyimakan, he ka bi athnyabainy, mʼ öbun e he ka huliwa kâu, me leû uto ae bo so.

Levitiko 10:3

Ke haingö Mose kö Arona, ka habe, haba ûnyi ang waleji ame ha Iehova, ka habe, Ame he ka okabi nya ge tavat adre me hakekeny könya, kʼ adre me he ka oganö nya hnyi hnyimakan tavat hia. Ke haba Arona ame ca fuc.

Numera 18:5

Ke öbun e he ka tuö hanymen hnyi dok ae kap, me hanymen hnyi taben hut: me me ba hmetu bi hmönyin ka lakon Isaraela.

Mataio 25:17

Ke helâe me at a kap lo, e ame ûcû hanen ke lo hmetu.

Ta je huliwa 1:17

Anyin adre tha aû e möhmun, ke adre khene hanymen hnyi huliwa eang.

Ta je huliwa 14:23

Ke ödre hia but otilâ wahingat hobi kodra hnyi ta je ekalesia, ke ödre hic me ânyâ ca han, me ödru me hnʼ ödra but ka Than, at adre me labageju kâu.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

Efeso 4:11

Ke e ame wia keihen he ka bi hanymen aposetolo; keihen he ka perofeta; keihen he ka omanenâ ûthumetu ae so; keihen hnân je pasteur me at ûne;

I. Timoteo 4:14

Ca he ka oûnyibâûâ hnödra hna ham köu, waleji adre ham köu ge hna perofeta me hna ip hnyam hnen wahingat.

I. Timoteo 4:16

ö u eâu bi, me hnâm hna ûne. Tethmâ ju hnyi ta je ûnyi e; anyin a u je ne ânyâ e, me u me he ka omeli u bi, inʼ ödra minya adre me ling u.

I. Timoteo 4:6

U je ne he ka öûnykûmeâ je liamekeiny ge ta je hofuc, me u me he ka at huliwa ae so anyin Keriso Iesu, adre hat hnyi hofucin labageju, me ûne ae so, waleji u je hia but hnu hoton;

I. Timoteo 6:20

Timoteo lö, tuö wia ju ta je ûnyi adre me hna but köu, me ûsâkâûö me ta je hofuc ae bi gan, me ta je ivinö, wale adre me ha thoiâ, ka habe, bemetâ;

II. Timoteo 1:6

Anyin a wale inya oge me oûnykûmi u he ka öubâhlâ bwihlany anyin Khong a e hnyi hnyekom, ge hna ip li hnyamok.

II. Timoteo 2:2

Ke haba ta je ûnyi u je hia but löng ûnyi gak unyin tavat ohnatho ae se hia, ham but ka tavat ae hnathu, ae khanʼ ödra he ka ûne ka keihen minya.

Filemona 1:2

me kö Afia a ke hanihmu, me kö Arekipo at a tha hien möhmu, me ka ekalesia hnyi hnyabam: