Kolose 3:4 - Iaai Bible 1901 (New Caledonia)

⁴ E ka he ka manen dut Keriso a melita, mʼ ate me he ka tha manan mē hnyi hmanenang.

Kolose 3:4 ပူးပေါင်းရင်းမြစ်များ

Salamo 17:15

Ke haba inya oge me he ka wâ hnyimâkâm hnyi hwakecin ae wisa: Ame he ka sekuk, iny ka hmak dö a tha helâ möu.

Salamo 73:24

U me he ka su nya ge hnâm hna ûhnenamö, Ke hwaban dö e u me he ka hum nya ka hnyi hmanenang.

Mataio 13:43

Ke haba tavat ae wisa, me adre me he ka hadröngöc helâ me seûno hnyi dökhu dokhon Kamödra. Haba at ae hu li hnyikonyen, long ju.

Luka 17:30

ke ame he ka helâe minya hnyi bong ame he ka manen hnyin Nokon at.

Ioane 11:25

Iesu ame ha kâu, ka habe, Inya ang möt hmetu, me möt minya: haba at ame he ka labageju könya, eja ke ne a ne mokcu, e ame he ka möt:

Ioane 14:3

Ke oge ne he but ka ânyâwia ke dok hobi köbun, oge me he ka o hmetu, me oge me he ka köp öbun könya; me haba dok oge me laba hnyin, mʼ öbun e he ka laba hnyin minya.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 17:24

Cica lö, haba wek, a gʼ me he ka tha ödra mönya bi hnyi hnök, tavat u je hia but ham könya; mʼ adre me be bi ka wâ anyik hmanenang, waleji u je hna könya; anyin a u je hnyok könya kâû adrem kʼ adre tiga ca bi taben hmeledrany.

Ioane 20:31

ke adre hia but sihnalimen ta je ûnyi e me öbun e he bi ka labagejon a Nokon Khong Iesu Keriso: ke ûnyi ge hnobun hna labageju me ame he ka ha möt köbun ûnyi hnyi ien bi.

Ta je huliwa 3:15

ke öbun e hlingâ Thaniny möt; wale hnen Khong hna omelö hmetu ûnyi hnyi hna mok; ke ohmun e ohnathoâ ûnyi e.

Roma 8:18

Anyin a inya oge me wâ, ae ca ûcû ta je vec hnyi ûen ang, he ka oûcoâ hnahic adre me he ka omanenâ köta.

Roma 8:19

Anyin a haba hmeledrany ame halubahingen me ti weny gan hmâ hna omanenâ lakon Khong.

I. Korinito 1:7

wale me me ca hia gabun ke bwihlany; kʼ öbun e halubahingen he ka manen Tuhöta Iesu Keriso;

I. Korinito 15:43

adre me tä hnyi ca so; adre otilâ hmetu hnyi hmanenang: adre tä e hnyi sēnyin; adre otilâ hmetu e hnyi man:

II. Korinito 4:17

Anyin a haba anyihmun vec ae hâhâ, wale ame ie hia, ame huliwan gan hmâ tot hobi kohmun hmanenang ae hmak ke nyiele balua;

Galatia 2:20

Adre hia but tha osatauroi nya me Keriso; ke iny möt bi; ke ca inya hmetu bi, ke Keriso bi at ae möt eû hnyik: ke haba möt oge me melö hnyi unyin, inya oge me melö e hnen labageju ka Nokon Khong, waleji at ame betenge gak, me ka ham e hnân hobi könya.

Filipi 3:21

at ame he ka ohâtâ hmetoâ ta je unyita ae kong, mʼ adre me ûcû me unyin ae hmanenang, hoton man at ae khana he ka hom ûhnyûkongoâ ta je ûnyi hia thithö kâu bi.

I. Thesalonika 4:17

ke haba öta tavat a öta möt, a je kolon, me adre me he ka tha köp öta thö mʼ ödra ka hnyi je ûlâ, he ka ûkhanö me Than ethö hnyi wanben: me ame he ka tha öta me Than nyiele balua.

I. Timoteo 6:14

ka habe, u me he ka tuö hnanyibu, me me ba hnyikongon, me ba hnân haikongoâ, ke ne o but ame manen dut Tuhöta Iesu Keriso:

II. Timoteo 1:1

INYA Paulo, aposetolo anyi Iesu Keriso ûnyi ge weny Khong, hoton hna ha bânâ möt unyin Keriso Iesu,

II. Timoteo 4:8

ke wale bi ang adre ip hobi könya koronainy hwakecin ae wisa, wale ame he ka ham könya hnyi bong eling Than ae wisa, at ame owisa: ke ca hake könya thibi, ke kodra hia thithö minya adre me senyin hnyi hna omanenâ e.

Tito 2:13

me halubahingen geju ae hnahic, me he ka manen dut hmanenanginy Khonguta ae beönua me At omeli öta Iesu Keriso;

Heberu 9:28

helâe minya Keriso, adre me okhaca hudo e he ka vadren ta je hulo anyin tavat ae se hia, me e ame he ka olo manen ka tavat adre me halubahingen e, ke ca ha bi ge hulö, ke hnân omelö.

I. Peteru 1:13

Anyin a wale, hûkâlâ ju wen je hnyekubun, me hmâkâ thö, me ti geju ke ne o but ka hnyi ibetengiö baû wale adre me he ka oâ köbun e ka manen dut Iesu Keriso;

I. Peteru 5:4

Ke e ka manen dut Taben tavat tuö mamoe, me öbun e he ka hu korona ae hmanenang ame ca he ka hia but.

I. Ioane 2:28

Ke walang ang je wanakat lö, laba ju eû hnyi hnyin; me me hu gata hnyok ae hwege, e ka manen dut, mʼ ate me ca he ka hmehma hnyi hnyimakan e ka o but.

I. Ioane 3:2

Hnyat a oûnykûmik lö, öta je lakon Khong walang ang, ke tiga ca manen bi bonguta nyiele. Ke e khanʼ öta, ka habe, e ka manen dut, me ate me he ka helâ më; anyin ate me he ka wâ cicöâ e.

I. Ioane 5:12

Haba at ae hu but gan Nokon, me hu but gan möt; ke haba at ae ca hu gan Nokon Khong me ca hu bi kâu möt.

Juda 1:24

Ke so e unyin at ae khana he ka tuʼ öbun, wâ öbun nye ū but, me omanenʼ öbun ae ba hnyikongon hnyi hnyimakan anyin hmanenang me senyin ae gan,

Hna Omanenâ 2:7

Haba at ae hu hnyikonyen löng ju hna ha hnen Hanu ka ta je ekalesia. Haba at ame ton, me oge me he ka ham köu he ka han ûnyi hnyi ûöiny möt, walethö hnyi Paradaiso anyin Khong.

Hna Omanenâ 22:1

KE e ame omanenâ könya wagewiny köiö möt ae alai helâ me uselat, ame di hnyi theron anyin Khong me Arenio,

Hna Omanenâ 22:14

Hnahic hnen tavat adre me hneû anyidra ta je ûkhaû, me me ûcû kodra he ka he ka hnyi ûöiny möt, me he ka dit ka hnyi je homagöuleiny taun.