Kolose 3:25 - Iaai Bible 1901 (New Caledonia)

²⁵ Anyin a haba at ae ca wisa, ame he ka hu hwaban hwakecin ae ca wisa: ke ba hna wâhmakhmetoâ bi tavat.

Kolose 3:25 ပူးပေါင်းရင်းမြစ်များ

II. Samuela 14:14

Anyin a bongon bi at he ka mok, me helâ me köiö adre hingâlâ hnyikânâi, waleji adre me ca he hmetu ka ûkhöûnâ; ke haba khaca Khong ame ca hlingâ at, ke e ame bi deny, me me ca hia gan at adre me obâ.

II. Man Ûlabainy Je Than. 19:7

Anyin a wale outö Iehova ju öbun: wâ eaû ke ânyâ thö: anyin ae ba monu unyi Iehova Khongutin, ke e ame ca wâhmakhmetoâ at, kʼ ame ca kap hwaban.

Jobu 34:19

Awe, hawa ge at ame ca wâhmakhmetoâ je than, Me ca oûnyihnatho at ae tren omjeû hon at ae theduoc; Anyin a huliwa anyin li hnyamen ödra hia.

Jobu 37:24

Anyin a wale ame outen e ge tavat: Ke ame ca wâ hmâ tavat adre me hnyokâ wisa.

Levitiko 19:15

Ca he öbun ka ânyâ hwali hnyi owisa: u me ca he ka wâhmakhmetoâ at ae ba ta ûnyi, me ogânâ at ae tren omjeû: ke hamâm he ka owisa at ame laba hakekenyi u hnyi wisa.

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Luka 20:21

Ke adre me hnö e, ka habe, At ûne lö, e khanʼ öhmun dut a u me ha me ûnö wisa, ke u je ca wâhmakhmeto at, ke u me nâ hnatho gethen deny Khong:

Ta je huliwa 10:34

Haba Peteru ame ba hofuc, ka habe, E hnathu oge me wâ ûnykûme a haba Khong ame ca wâhmakhmeto tavat:

Roma 2:11

anyin a Khong ame ca bi haten tavat.

II. Korinito 5:10

Anyin adre me he ka omanenʼ öta hia hnyi hnyimakan taben owisa anyi Keriso; mʼ ate me he ka ve kap ta je ûnyi ate ânyâ hnyi unyin, hoton hna ve ânyâ, ame ne so, ame ne kong.

Efeso 6:8

ke e khanʼ öta a haba ûnyi ae so ame ânyâ ke at, wale e ame he ka hu ûnyi ge Than, a ne athnyaba ke a ne at he baû.

Efeso 6:9

Ke haba öbun je than, ânyâ helâe minya ju öbun ködra, ca ooti ödra: anyin ae khanʼ öbun a ethö hnyi drany tha Tuhöbun mʼ ödra, ke e ame ca wâhmakhmetoâ bi tavat.

Deuteronomi 1:17

Ca he öbun ka wâhmakhmetoâ hnyi ûhnei; e so öbun e löng wia hofuc hwan at ae gan me at ae ûhnyûkong; ca he öbun ka ot hnyi hnyimakan at; anyin a ûnyi ge Khong hna owisa: ke haba ûnyi ae hmak köbun, öbun e he ka hom könya mʼinye löng dö.

Deuteronomi 10:17

Anyin a haba Iehova Khongubun, me Khongon je khong, me Thaniny je than, e Khong ae gan, me man, me hnân outen, kʼ ame ca wâhmakhmetoâ at, kʼ ame ca kap hwaban.

Kolose 4:1

JE than lö, ham dö ka je athnyabaibun ûnyi ae wisa me ûcû; anyin ae khanʼ öbun ae hu Tuhöbun ethö hnyi drany.

I. Thesalonika 4:6

me me ca he ke at ka hanyâûâ, me okongoâ liamekeiny më hnyi ke ûnyi: anyin a Than at ame bi hwaban hnyi ta je ûnyi eling, helâji me hnöhmun hna ha ehac, me hna sihwegi Öbun wia.

II. Thesalonika. 1:6

ame ne ûnyi ae wisa ka Khong he ka bi hwaban vec ka tavat adre me oveci öbun,

Filemona 1:18

Ke ame ne hia but okongu u hnyi ke ûnyi, ke hu ânyâm ûnyi gan, hna but ûnyi e könya;

Heberu 2:2

Anyin a ne hmâ but hofuc adre ha a deny ta je angela, ke adre bi hwaban, e me ûcû ka tayat adre me hanyâûâ hnanyibu, me ca ûling;

I. Peteru 1:17

Ke öbun e ne hawâ Kamen, wale at ame ca wâhmakhmetoâ tavat, me at ame ve hnö tavat helâ me huliwa anyin ke at me ke at, awe, ot ju hnyi ûen öbun e tiga laba atkanyaua:

Juda 1:16

Ödra tavat ulit, me tavat fuc, adre me he hoton ta je wedra ae kong (ke ame fufuc je hnyimödra) kʼ adre me ogânâ at me me hu troban bi kodra.