Kolose 3:24 - Iaai Bible 1901 (New Caledonia)

²⁴ anyin ae khanʼ öbun a öbun e he ka hu hwaban ûnyi ge Than, wale jekhöû: ke öbun e bi athnyabainy Than Keriso.

Kolose 3:24 ပူးပေါင်းရင်းမြစ်များ

Genese 15:1

HWABAN ta je ûnyi e ame o thö hofuc ho Iehova kö Aberama hnyi hna omanenâ, haingen, ka habe, Aberama lö, ca ot: inya ang becâm, me troban hobi köu ae ti gan hmâ.

Ta je Vejec 11:18

Ame bi huliwa iyawo hnen at ae kong: Ke haba at ame ta hwakecin ae wisa me hu hwaban ae hnathu.

Mataio 10:41

Haba at ame kap perofeta hnyi ien perofeta, me ame he ka hu kâu hwaban perofeta; ke haba at ame kap at ae so hwakecin hnyi ien at ae so hwakecin, me ame he ka hu hwaban at ae so hwakecin.

Mataio 5:12

Senyin dʼ öbun me hobâ: anyin ae gan hmâ hwaböbun ethö hnyi drany; anyin a helâe adre me ovecâ ta je perofeta a bân.

Mataio 5:46

Anyin öbun e ne betenge ge tavat adre me betenge gabun, me, ieû hwaban köbun? hawa, a ca ânyâ helâe ta je telona?

Mataio 6:16

Ke haba khaca, öbun ka he ka ânyâ ca han, ca helâ bi me man tavat thoi hnyok ae hmak hnyimakodra: anyin adre me okongoâ je hnyimakodra me me manen dut ka tavat a adre me ca han. E hnathu inya oge me ba köbun, ka habe, Adre hia but kap hwabödra.

Mataio 6:5

Ke öbun ka he ka hic, e so öbun e ca helâ me tavat thoi hnyok: anyin e senem kodra he ka tot me hic hnyi ta je sunago me vheden ta je gethen, me me haisoi ödra hnen tavat. E hnathu inya oge me ha köbun, adre hia but kap hwabödra.

Luka 14:14

ke adre me he ka ohnahici u; anyin ae ca hu gadra ûnyi he ka bi hwaban hmetu köu: anyin adre me he ka bi hwaban köu hnyi ûen möt hmetu a tavat ae wisa hwakecidra.

Luka 6:35

Ke betenge ju ge je iwahnaihmiony möbun, me mâdrâ thö so, me mē ham, ke ca ûnykûme bi; ke ame he ka gan hmâ hwaban köbun, ke öbun e he ka je lakon Beönua: anyin a e menyik kodra hia adre me ca ole bi, me tavat minya ae kong.

Ioane 12:26

A ne ke at ame he ka bi atök, e so e ame he hotuk; ke haba dok o ge me he ka laba hnyin, me ame he minya atök ka laba eling: a ne he ke at ka bi atök ame he Cica ka ogânâ e.

Ta je huliwa 20:32

Ke walang ang inya oge me hnʼ öbun dut ka Khong, me hofucin anyin ibetengiö baû, at ae khana he ka up öbun goranyai, me ham köbun jekhoû mʼ ödra hia adre okabâ.

Roma 1:1

INYA Paulo athnyabai Iesu Keriso, adre me hawâ hnân aposetolo, kʼ adre ûca hobi kâu ûthumetu ae so anyin Khong,

Roma 14:18

Anyin a Khong ame senyin ka at ame bi athnyaba kö Iesu Keriso hnyi ûnyi eling, ke ame haisoâ minya hnen at.

I. Korinito 11:23

Anyin oge me hna köbun waleji hnok hna kap ûnyi ge Than, waleji hnen Than Iesu hna hom areto hnyi lit adre alecuâ e hnyin;

I. Korinito 3:8

Ke khaca thibi at ame tā me at ame hû: kʼ ame he ka ve hu hwaban ae ûcû ka hnyi anyidru huliwa.

I. Korinito 7:22

Anyin a haba at adre me hawa hnyi Than, ke tiga athnyaba, me adre me wia e me at he baû anyin Than: helâe minya haba at adre hawâ, ke at he baû, me adre me wia e me athnyabainy Keriso.

Galatia 1:10

Anyin a walang ang, hawa, oge me huliwan at, hawa, Khong ke hawa, inya oge me elâm he ka osenyinâ at? anyin oge ne labö osenyinâ at, mʼ iny ca athnyabai Keriso bi.

Efeso 6:6

ca huliwa bi hnyi hwenenöu, helâ me tavat adre me osenyinâ at; ke so bi helâ me je athnyabainy Keriso, tavat adre me ânyâ weny Khong ûnyi eû hnyi hnyok;

Efeso 6:8

ke e khanʼ öta a haba ûnyi ae so ame ânyâ ke at, wale e ame he ka hu ûnyi ge Than, a ne athnyaba ke a ne at he baû.

Kolose 2:18

Ca he ke at ka ovhelâ hwaböbunhnen beöûhnyûkongi öbun, me hic ka ta je angela, ame nâ ta je hna omanenâ kâu bi, ame ohobâ bâûâ hnen ûnykûmenen unyin,

Heberu 10:35

Anyin a wale, ca degec bi tang hwegi öbun, wale ae hu hwaban ae gan hmâ hnyin.

Heberu 11:6

ke a ne ba labageju, me pason he ka osenyinâ e: anyin a haba at ame hakekenyâ Khong, me hamen he ka labageju, ka habe, ka e bi, ke e ame he ka bi hwaban ka tavat adre me elâm hwegiâ e.

Heberu 9:15

Ke anyin a wale, e thibi at ûsoköu hnyi ûhihinyköu ae teb ûnyi me me he tavat adre hawâ ka kap hna ha bânâ wale jekhoû ame ca ba balua, anyin ae hu mok hnân bi hwaban ta je hna hanyâûâ hmelen ûhihinyköu a bân.

I. Peteru 1:4

ka hnyi weûhûneny ame ca he bi ka bobot ke ba hnyikongon, kʼ ame ca aû but, wale adre me ip hnyi drany hnân hobi köbun,

II. Peteru 1:1

INYA Simona Peteru athnyaba me aposetolo anyi Iesu Keriso, oge me sihnalimen ka tavat ae hu gadra labageju ae ûnyi hnathu helâ mʼ öhmun hnyi hwakecin ae wisa unyin Khonguta me At ûhomeli a Iesu Keriso:

Juda 1:1

INYA Juda athnyabai Iesu Keriso, liamekeiny me Iakobo, oge me set ka tavat adre hawʼ ödra, me laoûnykûminy Khong a Kamen, tavat adre tuʼ ödra hobi kö Iesu Keriso:

Rutha 2:12

E so Iehova ame bi hwaban ânyâm huliwa, me e so ame he Iehova Khongu Isaraela he ka ti bi hwaban köu, wale at a u je he jem he ka laba hmelen li labenyin.