Kolose 3:20 - Iaai Bible 1901 (New Caledonia)

²⁰ Je wanakat lö, ve long ju hoton je lakamöbun me lahinyöbun hnyi ta je ûnyi hia, anyin a wale hnân osenyinâ Than.

Kolose 3:20 ပူးပေါင်းရင်းမြစ်များ

Genese 28:7

kʼ ame wâ a gʼ ame löng hoton kamen me hinyen hnö Jekob, me he Padanarama ai:

Esodo 20:12

Ogânâ thö kâmâm me hinyâm me me se hia bongom je bong hnyi hnyei ame he Iehova a Khongom ka ham köu.

Ta je Vejec 20:20

Haba at ame hangâ kamen me hinyen, Me adre me he ka ume anyin lamepa hnyi wanben menekholom.

Ta je Vejec 30:11

E hu dö adre me hangâ kamödra, Me ca haisoâ hinyödra.

Ta je Vejec 30:17

Haba ecmak at ame hlumâ kamen, Ke höcö long hinyen, Me ame he je orebainy hnyigöulen bucen ka ûâ e, Kʼ ame he je lakon aeto ka an e.

Ta je Vejec 6:20

Nokuk lö, tuö ju hna hûna hnen kâmâm, Ke ca degec bi hna ûne hnen hinyâm:

Jeremia 35:8

Ko ohmun e hia but ânyâ hoton hofuc ho Jonadaba nöku Rekaba a kamöhmun hnyi hnen hna hûna hia kohmun, he ka ca ic waina hnyi bonguhmun ta je bong hia, ohmun, me laöiöhmun, me je lakuhmun obaga me wahlu;

Ezekiela 22:7

Ödrin e ca hia but oûnyihnathoâ je kamen me hinyen unyâm; ödrin e hia but seda atkanyua hnyi wanbâm: ödrin e hia but okongoâ at a mokcu kamen, me je safac unyâm.

Levitiko 19:3

Öbun e he ka ve outen je lahinyöbun, me je lakamöbun, me tuö anyik je sabath: Inya Iehova Khongubun.

Malaki 1:6

Haba nokon, me ame ogânâ kamen, ke athnyaba ame ogânâ tuhan: awe, a ne kamen bi nya, me ewa hna oganö nya? ke oge ne than, me ewa eang hna outö nya? haingö Iehova tuhan sabaoth köbun tavat bihut, tavat öbun e hûkötiâ iök. Ke haingöbun, ka habe, Ohmun e hawa ka hûkötiâ iâm?

Mataio 19:19

Ogânâ kâmâm me hinyâm: ke, U me he ka betenge ge at ame laba hakekenyi u helâ me u bi.

Efeso 5:24

Ke haba hwakecin hna long hoton Keriso hnen ekalesia, me so e helâe minya omomo ka laöiödra hnyi ta je ûnyi hia.

Deuteronomi 27:16

Hnaûhangö at ame ca oûnyihnatho kamen me hinyen. Kʼ ame he tavat hia ka ha, ka habe, Amen.

Deuteronomi 5:16

Ogânâ thö kâmâm me hinyâm, helâ me Iehova Khongom ame hûna köu, me me se hia je bongom, mʼ u me so hnyi hnyei Iehova ame ham köu.

Filipi 4:18

Ke hu but gak ta je ûnyi hia ke se hia: ke iny unöngöt dö, anyin oge hia but kap ûnyi ga Epaferodito ta je ûnyi ûnyi gabun, wale bunen ae bo so, wale hut hnân kap, ame osenyinâ Khong.

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

Kolose 3:22

Lathnyaba lö, löng ju hoton tavat a je latuhöbun hnyi unyin; ca huliwa bi wânen at, helâ me tavat adre me osenyinâ at, ke so bi hnyi hnyok ae hnathu, me outen Than:

Tito 2:9

Sihwegiâ thö ta je athnyaba he ka löng hoton latuhödra, me he ka osenyini ödra hnyi ta je ûnyi hia thithö; me ca thu hwan bi;

Heberu 13:21

e so e ame he ka wia wisai öbun hnyi ta je huliwa ae so he ka ânyâ weny, me huliwa eû hnyita, ûnyi hnân kû senyin hnyi hnyimakan, a deny Iesu Keriso; e so e unyin hmanenang nyiele nyiele balua. Amen.

Rutha 3:5

Haingen kâu, ka habe, Oge me he ka ânyâ hia hnâm hna ha kônya.