Kolose 3:16 - Iaai Bible 1901 (New Caledonia)

¹⁶ E so e he hofuc hwan Keriso ka laba hmâ hnyi je hnyekubun me metâ hia; ûnöbunköu öbun ju ge ta je salamo, me ta je khumöng, me ta je fehuâ ûnyi hnyi hanu, khumöng dö ka Than me ibetengiö eû hnyi je hnyekubun.

Kolose 3:16 ပူးပေါင်းရင်းမြစ်များ

I. Je Than 3:28

Haba at Isaraela hia adre me long hna owisa hnen than; me adre me outen than: anyin adre me wâ a e unyin metâ he ka owisa ûnyi ge Khong.

I. Man Ûlabainy Je Than. 25:7

Ke haba ûseidrin tha ödrin me je liamekeiny mödrin tavat adre nâ he ka khumöng kö Iehova, tavat hia ae metâ, ödrin tu haded ke eite eit.

Nehemia 12:46

Anyin a hnyi ûö Davita ehac me Asafa e hu homakan ka tavat khumöng, me je khumöng hnân oganâ me hnân ole ka Khong.

Jobu 23:12

Oge ca hia but saûâ degecâ hnanyibu ûnyi hnyi li esongodiny; Oge hia but oûnyihnatho hofuc a hwan, hon ök jeû.

Salamo 119:11

Oge hia but hitangen hwâm hofuc eû hnyi hnyekuk, Me inye ca he ka ânyâ hulo köu.

Salamo 119:54

Haba ânyâm je hnanyibu me wale hwanyik je khumöng Hnyi uma oge me laba kanyua hnyin.

Salamo 138:1

OGE me he ka ole köu ge hnyekuk ae bekhot: Oge me he ka khumöng oganö u hnyi hnyimakan ta je khong.

Salamo 28:7

Iehova tang hwegiök me becik; Haba hnyekuk ame labageju kâu, kʼ ame hadruo nya: Anyin a wale ame ti senyin hnyekuk; Ke oge me he ka ogânâ e ge anyik: khumöng.

Salamo 32:7

U thibi hnok hna lubaduöng; u me he ka tuö nya ge vec; U me he ka igigili nya ge je khumönginy ûhomeli. [Sela.

Salamo 71:23

Iny ka khumöngi u, me ame he li esongodik ka senyin gan hmâ; Me hanuk minya, waleji u je omelo.

Ta je Vejec 14:8

Haba metâ anyin at e so, me wale he ka wâ ûnykûme deny gethen: Ke haba hwen monu anyin tavat ae monu, me wale tang iyawo.

Ta je Vejec 18:1

HABA at ame ka hake laba, me ame elâm bi weny, Kʼ ame hmonyin ge metâ hia ae so.

Khumöng Hwanyi Solomona. 1:1

KHUMÖNG ae beönua hwanyi Solomona.

Isaia 10:2

he ka wia at ae theduoc hnyi hna owisa, me ohia wisa ûnyi ge lakeik adre me vec, mʼ adre me söh ta je safac, me hûgûnâ ta je ûnyi anyin tavat ae ba kamödra!

Isaia 26:1

HNYI bong eling adre me he ka sit khumöng ang hnyi hnyei Juda, ka habe, E hu but gata taun ae hwege; e ame he ka otilâ ûhomeli hnân hak me singiny.

Isaia 30:29

Öbun e he ka hu khumöng helâ me hnyi lit hnyi j hna ânyâ bijeû; ke ame he ka senyin hnyok, helâ me at ame hom utkowi he ka he ka hnyi bucen anyi Iehova, ka Kici Isaraela.

Isaia 5:1

INY bekhumöngö ka ti oûnykûmik khûmöng ge oûnykûmik ge iny hnyei: vine. E hu ge oûnykûmik ehac hnyei vine hnyi hutiny kânâ ae hoso:

Jeremia 15:16

Adre me wâ hwâm je hofuc, me oge me an e; ke hnân senyin me hnân hobâ hwâm je hofuc hnyi hnyekuk: anyin adre me hwenyi iök ge iâm, Iehova Khongon sabaoth.

Mataio 26:30

Ke ödrin e hia but hai khumöng me ödrin e he but ka hnyi bucen Elaio.

Luka 2:51

Ke e ame tha he mödru, me o hnyi Nazareta; ke e ame long hotudru: haba hinyen ame ip hmâ hnyi hnyekon ta je ûnyi hia thithö eling.

Ioane 15:7

Öbun e ne laba eû hnyi hnyik, ke hok ta je hofuc ame laba minya hnyi je hnyekubun, öbun e he ka sumâtâ ûnyi öbun e weny, me adre me he ka ânyâ hobi köbun.

Roma 10:17

Awe, adre me labageju ûnyi hnyi hna long, ke adre me long ûnyi hnyi hofuc hwan Keriso.

Roma 15:14

Ke mou but eû hnyi hnyekuk gabun je liamekeiny mönya, a öbun e unöngötö ge hwakecin ae so, ke unöngöt ge metâ hia, ke e khanʼ öbun he ka ûsihwegei öbun köu.

I. Korinito 14:15

Ke ame he ka hawa? Oge me he ka hic ge hanu, ke oge me he ka hic ge hna ûnykûme minya: oge me he ka khumöng ge hanu, ke oge me he ka khumöng ge hna ûnykûme minya.

I. Korinito 14:26

Hnyat me lakeiny lö, ame he ka hawa? Öbun ka ûkhacaköu, öbun e ve hom ke khumöng, me hna sihwege, me hna omanenâ, me hwen ke hnyei, me hna wia. E so he ka ânyâ ta je ûnyi hia hnân okahwa.

Efeso 1:17

me me he Khongon Tuhöta Iesu Keriso, Kamen ae hmanenang, ka ham köbun hanuiny metâ me hna omanenâ, mʼ öbun e he ka wâhmakhmeto e:

Efeso 5:17

Anyin a wale, ca hwen monu bi öbun, ke wâ ûnykûme weny Than.

Efeso 5:19

ke ûhnenamö thʼ Öbun hnyin ta je salamo, me ta je khumöng, me ta je fehuainy hanu, ke khumöng dö me senyin hnyi je hnyekubun ka Than;

Efeso 5:26

me me he ka okâbâ, me ânyâwia ge hna hneû hnyi köiö hnen hofuc,

Kolose 1:28

wale at öhmun e khetâ, me sihwegiâ ka tavat hia thithö, me nʼ odra hia hnyi metâ hia, mʼ öhmun e he ka omanenâ tavat hia thithö ae bekhöt soidra unyin Keriso;

Kolose 1:9

Anyin a wale öhmu me ca menâ hic, me sumat hobi köbun hwân hnyi bong öhme long hnyin, mʼ adre me he ka unöngöt ge hna wâhmakhmetoâ weny, hnyi metâ me wâ ûnykûme hia hnyi Hanu,

Kolose 4:6

E bo öbun e he bala ka fuc me ibetengiö, ame osoâ ge sâlt, me me khanʼ öbun dö hwakecin he ka thu ka tavat.

I. Thesalonika 1:8

Anyin ame hia but lung ûnyi gabun hofuc hwan Than, ca ka at Makedonia me Akaia thibi, ke so bi hnyi ta je dok hia ame lung minya bi anyibun labageju ka Khong; wale me me ca ûnyi hnathu bi öhmun e he ka ha ke hofuc.

I. Thesalonika 4:18

Anyin a wale ûsihwegiöbunköu thö ge ta je hofuc ang.

II. Thesalonika. 3:15

Ke so bi, ca ûnykûme bi kâu helâ me iwahnaihmiöny, ke nâ ju helâ me ke liamekeiny.

I. Timoteo 6:17

Hûna thö ka tavat tren omjeû eang hmeledrany ka habe, Ca he ödra bi ka bi gan, me ca he ka gejon ta je omjeû wale ame ca tethmâ, ke so bi ka Khong ae möt at ame ham köta hia ta je ûnyi hnân osenyini öta;

II. Timoteo 3:15

ke e khanö u ta je hna sihnalimen ae kap, kʼ u tiga mendreng, wale ae khana he ka ometö u ka hnyi möt a deny labageju ka Keriso Iesu.

Tito 3:6

waleji e ame hingâlâ gânâ köta ga Iesu Keriso At a omeli öta;

Iakobo 1:5

A ne ke at gabun ae ba metâ gan, me so e ame sumâtâ unyin Khong, at ame ham gânâ ka tavat hia thithö, kʼ ame ca û bi; me adre me he ka ham kâu.

Iakobo 3:17

Ke haba metâ ûnyi ethö wale a bân me ba hnyikongon, kʼ ame ûsoköu, me menyik, me ie löng, kʼ ame unöngöt ge ibetengiö me je wan ae so, ke ba lolo, ke ba iyawâ.

Iakobo 5:13

Hawa e hu at ame vec unyibun? e so e ame hic. E hu at ame senyin? e so e ame khumöng ogânâ Khong.

I. Ioane 2:14

Oge hia but set köbun je kamen, anyin ae khanʼ öbun at, waleji ûnyi hnyi can. Oge hia but set köbun wahidröu, anyin a öbun hwege, kʼ ame tethmâ eû hnyibun hofuc hwan Khong, ke öbun e tubun hon at ae kong.

I. Ioane 2:24

Ke haba öbun, me so ame laba bala eû hnyi je hnyekubun hofuc öbun e löng hnyi can. Ame ne he ka e bala eû hnyi je hnyekubun hofuc öbun e löng ûnyi hnyi can, me öbun e he ka laba balua bi unyin Nokon me unyin Kamen.

I. Ioane 2:27

Ke haba öbun, me ame tethmâ unyibun hna osûâ waleji öbun e kap ûnyi gan, ke ca ûnyi hnathu köbun ame he ke at ka nʼ öbun; ke haba hnen hna osûâ ame nʼ öbun hnyi ta je ûnyi hia, ke e hnathu e, kʼ ame ca thoi bi, ke helâe, e ame nʼ öbun, ke so öbun e tethmâ hnyin.

II. Ioane 1:2

ûnyi hnyi hnathu ame laba eû hnyita, kʼ ame he ka e unyita nyiele balua:

Hna Omanenâ 14:3

ke adre me khumöngö helâke khumöng a teb ûnyi hnyi hnyimakan theron, ke hnyi hnyimakan je ûnyi ae möt a vak ke wahingat: ke ba at ae khana he ka nâ khumöng e, ke so thibi tavat eling a wan haded ke fâte foa thauzan, tayat adre me ûco ûnyi hnyi hmeledrany.

Hna Omanenâ 15:3

Ke adre me khumöngö khumöng anyi Mose athnyabainy Khong, ke khumöng minya anyin Arenio, ka habe, E gan hmâ ke hnân lâiâ ânyâm ta je huliwa, Than a Khong Ataekhanahia; e wisa me hnathu dem je gethen, u Tuhan ta je dö.

Hna Omanenâ 19:10

Me oge me ta ju hnyi hmelen li can he ka khudrung kâu. Ke haingen könya, ka habe, Ohe, u ma ca ânyâ: anyin a iny athnyaba möu me je liamekeiny möu, tavat adre hom hna ohnathu Iesu: khudrung ka Khong: anyin a haba hna ohnathu Iesu me wale hanon hna operofeta.

Hna Omanenâ 5:9

Ke adre me khumöngö khumöng a teb ûnyi, ka habe, U thibi a u ûcû he ka hom tusi, me khong je hna ohmâ haten: anyin adre hlingö u, ke u je ûco hobi kâu Khong ge drâm tavat ûnyi hnyi ta je tribu hia thithö, me je hwen hnyei, me je hnyei me tavat,