Kolose 3:15 - Iaai Bible 1901 (New Caledonia)

¹⁵ Ke so ame he ûsoköu anyin Keriso ka muso je hnyekubun, waleji adre hawʼ öbun ka hnyin hnyi unyin a khaca: ke oleâ bala ju öbun.

Kolose 3:15 ပူးပေါင်းရင်းမြစ်များ

Salamo 100:4

Didro ka hnyi homagouleny me ole, Me ka hnyi je hnyeuleny me ogânâ: Oleâ ju kâu, me haisoâ thö ien.

Salamo 107:22

Ke so adre me he ka hudo je hudiny ole, Me ha anyin ta je huliwa me khumöngö.

Salamo 116:17

Oge me he ka hudo köu hudiny ole, Me hawâ iö Iehova.

Salamo 29:11

Ame he Iehova ka ham hwege ka lakeiny; Ame he Iehova ka ohnahicâ lakeiny ge ûsoköu.

Isaia 26:3

U ma he bi ka tuö hnyi hnahic ie bekhot at ame tethmâ hnyok unyâm: anyin a e ame labageju köu.

Isaia 27:5

Ke walang khaca, e so e ame kât tang hwegiök, me me ûsoköu mönya.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 57:19

Inya oge me op wan esongot: habe, Hnahic, hnahic ka at hnyi dok ae sâkâû, me kâu hnyi dok ae hakekeny, haingö Iehova; ke oge me he ka omelo e.

Jona 2:9

Ke oge me he bi nya ka bi hut köu me hwan ole; Oge me he ka thamuâ anyik khöbi. Haba ûhomeli ûnyi ga Iehova.

Ioane 14:27

Oge me ip hnahic unyibun; oge me ham köbun anyik hnahic: oge me ca ham köbun helâ me hna ham hnen hmeledrany. Ca hlohlo je hnyekubun, ke ca ot bi.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Roma 1:21

anyin a khanʼ ödra but Khong, ke adre me ca ogânâ bi, e me ûcû me Khong, ke adre me ca oleâ minya bi; ke adre me omonoâ je ûnykûmenödra, me ölidrâ je hnyekudra ae kong.

Roma 14:17

anyin a haba dokhon Khong, me ca he ka hnyi han me ic, ke so bi hwakecin ae wisa, me hnahic, me senyin hnyi Hanu Kap.

Roma 15:13

E so e he Khongon geju ka ounöngöti öbun ge senyin me hnahic hnyi labageju, me me gan anyibun geju hnen man maniny Hanu Kap.

Roma 5:1

ANYIN a wale, adre me haiwisʼ öta hnen labageju, ke so ate me ûsoköu me Khong a deny Tuhöta Iesu Keriso;

I. Korinito 10:17

anyin a öta se hia, ke khaca thibi areto me khaca unyin: anyin a öta hia ate me ve hu ûnyi hnyi areto a khaca.

I. Korinito 7:15

Ke a ne hna degecâ hnen at ame ca labageju, hna but e ka he but: anyin ame ca laba hwenbâ ke liamekeiny ame ne ke haniny hnyi ûnyi a helâe: ke haba Khong ame hawʼ öta ka hnyi ûsoköu.

II. Korinito 4:15

Anyin a hobi köbun ta je ûnyi hia, me me se hia but ole hnân ogânâ Khong, hnen ibetengiö hna osehia hnen tavat ae se hia.

II. Korinito 9:11

ame otreni öbun ge omjeû hnyi ta je ûnyi hia, mʼ öbun e hnyi ham gânâ but, wale hnân okûâ ole ka Khong ûnyi gahmun.

Efeso 4:16

ûnyi gan unyin hia adre tretrao wia, me ûhûjâköuâ wia, hnen onyen ta je hna hûjö hia, hoton huliwa hnyi tulutiny je ke keihen unyin, me ame gan tot unyin, mʼ adre me op e göranyai hnyi ibetengiö.

Efeso 4:4

Khaca thibi unyin, ke khaca thibi Hanu, helâ me hnödra hna hawʼ öbun hnyi geju a khaca waleji adre hawʼ öbun ka hnyin;

Efeso 5:1

ANYIN a wale hnu ju öbun hoton Khong, helâ me je wanakat a oûnykûminy;

Efeso 5:20

ke ole bala ju ta je ûnyi hia ka Khong hnyi ien Tuhöta Iesu Keriso;

Kolose 1:12

ate me ole ka Kamen, waleji at a oûcû öta he ka hnyi hu jekhoû unyin wakap hnyi melam:

Kolose 2:7

ke bi wân dut me up öbun goranyai unyin, ke ohmâ ju anyibun labaʼ geju, helâ me hna nʼ öbun, ke ti ole gan hmâ.

Kolose 3:17

Ke haba ta je ûnyi hia öbun e ânyâ hnyi hofuc me huliwa, me ânyâ hia thö hnyi ien Than Iesu, ke oleâ ka Khong a Kamen deny e.

I. Thesalonika 5:18

oleâ ju ta je ûnyi hia thithö, anyin a wale weny Khong köbun ge Keriso Iesu.

I. Timoteo 2:1

ANYIN a wale, inya oge me nʼ öbun a bân, ka habe, adre me he ka sumâtâ, me hijö, me khöû, me ole, hobi kâu tavat hia thithö;

I. Timoteo 6:12

Vâtâ thö vat ae so anyin labageju, kât hmâ ju möt ame ca ba balua, waleji adre me hawʼ u kâu, me hnâm hna haimemenâ so hnyi hnyimakan tavat ohnatho ae se.

Heberu 13:15

Anyin a wale e so ate me hudo bala hudiny ogânâ Khong a deny e, wale wan ta je esongodita ame hâiâ ien.

Hna Omanenâ 7:12

me ha, ka habe, Amen: Hobi kâu Khonguta hna haisoâ, me hmanenang, me metâ, me ole, me hna ogânâ, me man, me hwege nyiele nyiele balua. Amen.