Kolose 3:1 - Iaai Bible 1901 (New Caledonia)

¹ ANYIN a wale, adre ne hia but tha omeli öbun hmetu me Keriso, elâm dʼ öbun ta je ûnyi ethö, wale dok ame laba hnyin Keriso hnyi ke keihen a metân Khong.

Kolose 3:1 ပူးပေါင်းရင်းမြစ်များ

Salamo 110:1

HAINGÖ Iehova ka tuhok, ka habe, Laba ju hnyi ke keihök a metök, Ke ne o but oge me he ka wia ta je iwahnaihmiöny möu me hnân taben li cam.

Salamo 16:11

U me he ka omamenâ könya gethen deny möt: E unöngötö senyin hnyi hnyimâkâm; Ke e hnyi hnyamâm a metâm ta je ûnyi hnân osenyinâ nyiele balua.

Ta je Vejec 15:24

Ame ölö goranyai gethen deny möt, ka tavat ae metâ, Me me kec ge hedis eû.

At Khet 10:2

E bi hnyekon at ae metâ hnyi ke keihen a metân, ke e bi hnyekon at ae monu hnyi ke keihen a meny.

Mataio 22:44

Ame ha Than ka Tuhok, ka habe, Laba ju hnyi ke keihen a metök Ke ne o but oge me he ka ip ta je iwahnaihmiony möu hmelen li cam?

Mataio 26:64

Haingö Iesu ame ha kâu, ka habe, U me ha e: ke inya oge me ka köbun, ka habe, Nyiele öbun e he ka wâ Nokon at ame laba hnyi ke keihen maniny man a metân, kʼ ame he ka o hnyi ûlâiny drany.

Mataio 6:20

ke so bi ip ju hobi köbun tang omjeû ethö hnyi drany, dok ae ba nokon walelaba me viiny he ka an, ke ba minya at venöu ame he ka kia me venâu:

Mataio 6:33

Ke böbun he ka elâm dokhon dökhu, me hwakecin ae wisa; ke adre me he minya ka ham köbun ta je ûnyi e.

Mareko 12:36

Ke ame ha Davita ûnyi ge Hanu Kap, ka habe, Haingen Than ka Tuhok, ka habe, Laba ju hnyi ke keihök a metök, Ke ne o but oge me wia je iwahnaihmiony möu, me hnân taben li hnyeûcam.

Mareko 14:62

Haingö Iesu ame ha, ka habe, Inya ang: ke öbun e he ka wâ Nokon at ame laba hnyi ke keihen metân man ame tha he me ta je ûlâiny drany.

Mareko 16:19

A hia but ha ködrin Than, me adre me kap dö e hnyi drany ai me ip e hnyi ke keihen metân Khong.

Luka 12:33

Ûco thö anyibun ta je ûnyi me ham hnân ibetengiö; ânyâ ju je tang mone ae nâk hobi köbun, wale tang omjeû hnyi drany ame ca ba balua bi, ame ca hakekenyâ at ae venöu, kʼ ame ca okongoâ minya bi hnen nokon walelaba.

Luka 20:42

Anyin a haingö Davita hnyi tusi Salamo, ka habe, Ame ha Than ka Tuhok, ka habe, Laba ju hnyi ke keihök a metök,

Luka 22:69

ke hwân dö ang ke ne o but nyiele, ame he Nokon at ka laba hnyi ke keihen a metân man maniny Khong.

Ta je huliwa 2:34

Anyin a ca ölö ka hnyi drany Davita: ke e ame ha, ka habe Haingen Than ka Tuhok, ka habe, Laba ju hnyi ke keihen a metök,

Ta je huliwa 7:55

Ke e a unöngötö ge Hanu Kap, kʼ ame wâ hmâ drany, me wâ hmanenanginy Khong, me Iesu ame tot hnyi ke keihen a metân Khong,

Roma 8:34

ke ie at ame he ka ohnaûhangoâ? Hamen Keriso, at ame mok me möt hmetu ûheny hnyi hna mok, e but hnyi ke keihen metân Khong, kʼ ame khöû hobi köta.

Roma 8:6

Anyin a haba behnyok ka unyin, me, wale mok; ke haba behnyok ka hanu, me, wale möt, me hnahic:

II. Korinito 4:18

ke öhmun e ca wâ hmâ ta je ûnyi ae manen, ke so bi ta je ûnyi ae ca manen bi: anyin a haba ta je ûnyi ae manen me e hu obiny; ke haba ta je ûnyi a ca manen bi, me nyiele balua.

Efeso 4:10

Ke haba at ame utut, me wale thibi e at ame ölö ethö hon ta je drany hia, me me he ka ounöngötâ hia.)

Efeso 5:22

Omomo lö, long ju hoton laöiöbun, helâ me ka Than.

Kolose 2:20

Öbun e ne tha mokcu me Keriso ûnyi hnyi hna ûne a bân anyin hmeledrany, anyin a ieû, öbun e long hmetu hoton je hna hûna, helâke öbun e möt ka hnyi hmeledrany, ka habe,

Kolose 3:2

Hnyok dʼ öbun ka ta je ûnyi ethö, ke ca ka ta je ûnyi eang hmeledrany.

Heberu 1:13

Ke ie angela e ame ha gan hnyi je ûen hia, ka habe, Laba ju hnyi ke keihen a metök, Ke ne o but oge me he ka wia ta je iwahnaihmiony möu me hnân taben li cam?

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Heberu 10:12

ke haba e, hwaban hnen hna hudo hut a khaca can ta je hulo nyiele balua, me e ame laba ju hnyi ke keihen metân Khong;

Heberu 12:2

me ō Iesu at ame hwân me obekhötâ labageju, waleji at ame hokhnyokâ satauro, kʼ ame ca oûnyihnathoâ hmehma, ûnyi hnyi senyin adre me ip hnyi hnyimakan, ke e ame laba ju hnyi ke keihen metân theron anyin Khong.

Heberu 8:1

KE walang hing onyen ta je hofuc öhmun e ha, ka habe, E hu but gata at bihut ae nua helâe, waleji at ame laba hnyi ke keihen metân theron anyin Beönua hnyi drany, at huliwa hnyi dok ae kap,

I. Peteru 3:22

wale hnyi ke keihen a metân Khong, ke a ölö hnyi drany ai: ke ame löng hoton hnen ta je angela, me tavat musi, me ta je man.