Kolose 2:8 - Iaai Bible 1901 (New Caledonia)

⁸ Wâ eâu, wâ e nye he ke at ka sei öbun hnen anyin bemetâ, me tang iyawo hnân omono, hoton hofuc vejec anyin at, me je hna ûne anyin hmeledrany a bân, ke ca hoton bi Keriso:

Kolose 2:8 ပူးပေါင်းရင်းမြစ်များ

Khumöng Hwanyi Solomona. 2:15

Kât do hobi kötin ta je alope, wale je alope ae ûhnyûkong wale adre okongoâ je vine; Anyin ame vhong anyitin je vine.

Jeremia 29:8

Anyin a walang hna ha hnö Iehova tuhan sabaoth, Khongu Isaraela, ka habe, E so he ka ca omonu öbun ge anyibun je perofeta a ödra unyibun, me anyibun tavat bi khong, ke ca long öbun ka ta je bwi, waleji adre bwo hobi köbun.

Mataio 10:17

Ke wâ eâu tavat: anyin adre me he ka hnʼ öbun dut ka tavat ûhnei, ke adre me he ka kuc öbun hnyi umödra ta je sunago;

Mataio 16:6

Haba Iesu ame ha ködrin, ka habe, O ʼbun âu ge leven anyin ta je Faresaio me ta je Sadukaio.

Mataio 7:15

O ʼban âu ge ta je perofeta thoi, adre me o but köbun, kʼ adre me khavâ je ûkhaûiny mamoe, ke eû hnyi hnyidrin je luko ae ûhûlû hmonyin.

Ta je huliwa 17:18

Me ame ivinö me keihen hnyat bemetâ a latö Epikureo, me hnyat Setoiko. Haingen keihen ka habe, Ieû ame he ka ha hnen at ang ame fuc bebehu? Ke haingen keihen, ka habe, Haba e, me helâ me at ame omanenâ ta je khong kanyua: anyin a e ame kheti Iesu ke möt hmetu.

Ta je huliwa 17:32

Adre me long möt hmetu ûnyi hnyi hna mok, me haba keihen adre me hiâ; ke haingen keihen, ka habe, Ohmun e he ka ling u hmetu ge ûnyi e hnyi ke ûen.

Roma 16:17

Inya oge me sumat Öbun hnyat me lakeiny, möbun e wâhmakhmetu ödra ju, waleji a tavat adre me okûâ imouköu me hnân öthöâ, wale ta je hwakecin ae ca ûcû bi me hnobun hna ûne: ke ûsâkâû mödrae

I. Korinito 10:12

Anyin a wale haba at ame ûnykûme a e ame tethmâ, wâ eâu, e nye û but.

I. Korinito 8:9

Ke wâ wia ju, wâ e nye ohaûâ tavat ae sēnyin hnen maniny je hnyekubun.

II. Korinito 10:5

ame hagutâ ta je ûnykûme me ta je ûnyi hia ae görany ame ûö bi ûnyi ûcon wâhmakhmetoâ anyin Khong, me hom hwenbâ ta je ûnykûme hia, me me long hoton Keriso;

Galatia 1:14

ke oge me nua tot ehac hnyi hmi anyin at Juda hon tavat ae se hnyi anyik dö unyin aten ik hnyei, anyin e gan hmâ hnok hna kong hnyekunâ ta je hwakecin lakamök.

Galatia 4:3

Helâe minya öta, waleji kʼ öta tiga je wanakat, me adre me musi öta hnyi je hna ûne a bân anyin hmeledrany:

Galatia 4:9

ke e khanʼ öbun Khong walang ang, ke khana Khong öbun, me ieû gabun öbun e hwio hmetu ka hnyi ta je ûnyi a â bân, ke sënyin, ke ca ûnyi hnathu, wale ame webun hmetu he ka hwenbâ kâu?

Galatia 5:15

Ke öbun e ne ûhûlû, me ûönöbunköu, ö ʼbun âu, wâ öbun nye he ka ûohiöbunköu.

Efeso 2:2

waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling;

Efeso 4:20

Ke öbun e ca ûne unyi Keriso be ka helâe;

Efeso 5:6

Ca he ke at ka omonu öbun ge ta je hofuc adre hlo: anyin a ûnyi hnyi ta je ûnyi helâe ame o but tang hmonyin anyin Khong ka tavat adre me ca ûling.

Deuteronomi 6:12

awe, wâ eâu, wâ u nye hnying Iehova at ame hum u ûheny hnyi hnyei Aigupito, ûnyi hnyi hnyaba ae ûthaluo.

Filipi 3:2

Wâ eâu ta je kuli, wâ eâu tavat adre me ânyâ monu, wâ eâu katatom:

Kolose 2:18

Ca he ke at ka ovhelâ hwaböbunhnen beöûhnyûkongi öbun, me hic ka ta je angela, ame nâ ta je hna omanenâ kâu bi, ame ohobâ bâûâ hnen ûnykûmenen unyin,

Kolose 2:20

Öbun e ne tha mokcu me Keriso ûnyi hnyi hna ûne a bân anyin hmeledrany, anyin a ieû, öbun e long hmetu hoton je hna hûna, helâke öbun e möt ka hnyi hmeledrany, ka habe,

Kolose 2:22

(ame he ka hia ta je ûnyi e, at ka mâdrâ), helâ me je hna hûna me je hna ûnö hnen at?

Kolose 2:23

Haba ta je ûnyi e, ame beometâ thoiâ hnyi hmi baû, me he ka hnyikânâ, me ovecâ unyin bi; ke ca ûnyi hnathu bi hnân hom ûhnyûkongoâ unyin.

I. Timoteo 6:20

Timoteo lö, tuö wia ju ta je ûnyi adre me hna but köu, me ûsâkâûö me ta je hofuc ae bi gan, me ta je ivinö, wale adre me ha thoiâ, ka habe, bemetâ;

II. Timoteo 3:13

Ke haba tavat adre me ânyâ hwakecin ae kong, me tavat iyawo, adre me he ka kong tot bala, adre me omonoâ, me adre me ka omonu ödra bi.

Heberu 13:9

E so adre me ca hom monu öbun hnen ta je hna ûne ae se hia me ve bongon: anyin ae so adre me he ka otethmâ hnyok hnyi ibe-tengiö baû; ca hnen ta je jeû waleji ae ba troban ka tavat adre me vheno ta je ûnyi e.

Heberu 3:12

Öbun âu hnyat me lakeiny lö, wâ e nye hu eû hnyin ke at gabun hnyok ae kong me ca labageju, ame oûsâkâûʼ öbun me Khong ae möt:

I. Peteru 1:18

anyin ae khanʼ öbun a gʼ adre ca ûco anyibun möt hwaban ta je ûnyi ame he ka bobot, wale sileva me gol, ûnyi hnyi hwakecibun ae monu a nʼ öbun hnen lakamöbun;

II. Peteru 3:17

Anyin a wale hnyat a oûnykûmik lö, ö ʼbun âu, anyin ae khanʼ öbun dut ehac wâ öbun nye ta hnyi hnobun hna tet hmâ e, e ka lili öbun ge monu anyin tavat ae monu.

II. Ioane 1:8

Ō ʼbun aû, wâ e nye hia but gabun ta je ûnyi öhmun e hia but huliwan, ke so öbun e kap hwaban ae unöngöt.