Kolose 2:5 - Iaai Bible 1901 (New Caledonia)

⁵ Eja ke ne a ne hiö nya hnyi unyin, inya unyibun hnyi hanu, kʼ oge me senyinâ me wâ hna laba wia a öbun, me ihwegien anyibun labageju ka Keriso.

Kolose 2:5 ပူးပေါင်းရင်းမြစ်များ

II. Man Ûlabainy Je Than. 29:35

Ke se hia minya je hudiny leû, me pipikhenyainy je hudiny ole, me je hudiny ic hobi kâu je hudiny leû. Ke adre helâe hna penapena ta je huliwainy uma umö Iehova.

Salamo 78:37

Anyin ae ca wisa hnyekudra kâu, Kʼ adre me ca hnathu bi ka hnyi hna ûhihinyköu mē.

Salamo 78:8

Mʼ adre me ca he ka tha ûcû me lakamödra, Waleji dö ae ûjöng me ûkhin fuc; Wale tavat adre me ca penapena ta je hnyekudra, Ke ca hnathu ta je hanudra ka Khong.

Numera 7:11

Ke Iehova ame ha kö Mose, ka habe, Ame he je than ka ve hudo anyidrin je hut hnyi anyidrin bi je bong, hnân okâbâ taben hut.

Ta je huliwa 2:42

Ke adre me tethmâ hnyi hna ûne hnen je aposetolo, me tha hnyok, me susubâ areto me hic.

Ta je huliwa 20:21

me ohnathoâ ka at Juda me at Heleni minya, a e so he ka ietra ka Khong me labageju ka Tuhöta a Iesu Keriso.

I. Korinito 11:34

A ne mekihnânem ke at, me so e ame han hnyi hnyaban; me me ca joniny bi anyibun ûkhacaköu. Ke oge me he ka owisa ke ta je ûnyi, iny ka o but.

I. Korinito 14:40

Ke so bi, ânyâ ta je ûnyi hia hnyi wisa, me hna penapena wia.

I. Korinito 15:58

Anyin a wale, hnyat a oûnykûmik lö, tethmâ ju öbun, ca bwebwet, ke hwege bala thö hnyi huliwa anyin Than, anyin ae khanʼ öbun a gʼ ame ca ûnyi baû anyibun huliwa ka Than.

I. Korinito 16:13

Hmâkâ thʼ öbun, tethmâ ju hnyi labageju, hnyok baga thö, hwege thö.

Kolose 2:1

ANYIN ae wek e me khanʼ öbun ûganiny hnok hna ûjöng hwege hobi köbun, mʼ ödra minya hnyi Laodikea, mʼ ödra hia adre me ca hnyi wâ hnyimakök hnyi unyin;

I. Thesalonika 2:17

Hnyat me lakeiny lö, a hiʼ öhmun unyibun hnyi ûen ae okhulit, hnyi unyin, ke ca hnyi hnyok, öhmun e ti weny gan hmâ he ka iouny mʼ öbun:

I. Thesalonika 3:8

anyin a öhmun e möt ut walang ang, öbun e ne tethmâ unyin Than.

Heberu 3:14

anyin adre me wiʼ öta mʼ ate me lahanen Keriso, öta ka he ka kât hmâ hwakecin anyita labageju hnyi can ke ne o but hnyi obiny:

Heberu 6:19

wale gejon ate me hu, helâ me iuniny hanu, ame hnathu me hmâ ke ame dit eiö hnyin hnyeule adre bi singiny;

I. Peteru 5:9

hwege bala ju öbun ka hagutâ e hnyi anyibun labageju, anyin ae khanʼ öbun a gʼ ame aat dö unyin je liamekeiny möbun eang hmeledrany ta je vec helâe.

Rutha 1:18

Ke a wâ hnen momo a ga hwege hnyekon kâu he ka tha he më, me e ame ca ha hmetu bi hofuc kâu.