Kolose 2:2 - Iaai Bible 1901 (New Caledonia)

² mʼ adre me he ka okahwa je hnyekudra, kʼ adre ûhûjâköuâ hnyi betenge, ke hnyi tang omjeû hia wale hna tha kap me wâ ûnykûme, mʼ adre me he ka wâhmakhmeto ûnyi ae iyong anyin Khong, wale Keriso,

Kolose 2:2 ပူးပေါင်းရင်းမြစ်များ

I. Je Than 3:28

Haba at Isaraela hia adre me long hna owisa hnen than; me adre me outen than: anyin adre me wâ a e unyin metâ he ka owisa ûnyi ge Khong.

Salamo 133:1

WÂ bi, e ti so me kese hmönyin He ka tha laba je liamekeiny me ûhnyoköu!

Isaia 32:17

Ke haba troban hwakecin ae wisa, wale ûsoköu, ke haba obiny hwakecin ae wisa wale laba hnahic me laba khötkic nyiele balua.

Isaia 40:1

ÖTUBWELÂ ju öbun, otubwelâ ju öbun lakeik, haingen Khongubun.

Isaia 53:11

E ame he ka wâ ivecin hanon me sekunâ: kʼ ame he athnyabaik ae wisa ka owisa tavat ae se hia ge hnen hna wâhmakhmeto: ke e ame he ka vadren anyidra ta je hulo.

Jeremia 9:24

ke so at ame hobâ he ka hobâ ûnyi ang, a e ame wâhmakhmeto me khana inya, a inya Iehova at ame ânyâ betenge, me owisa, me ûnyi ae ûcû eang hmeledrany: anyin a inya oge me senyin ka ta je ûnyi eling, haingö Iehova.

Mataio 11:25

Hnyi ûen e Iesu ame thu me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ me tavat ae khana wia, ke u je omanenâ bi ka ta je mendreng:

Mataio 11:27

A hia but Cica ham könya ta je ûnyi hia: ke ba ke at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya ame weny Nokon he ka omanenâ kâu.

Mataio 13:11

E ame thu ködrin me ha, ka habe, Adre me ham köbun he ka wâhmakhmetoâ ta je ûnyi ae iyong hnyi dokhon drany, kʼ adre me ca ham bi kodra.

Luka 1:1

ANYIN a haba tavat ae se adre me hwân he ka sihnalimen gaga me omanenâ ta je ûnyi ame hwâdâ köta,

Ioane 10:30

Haba inya me Kamen, me ohmu khaca thibi.

Ioane 10:38

Ke o ge ne mâdrâ, eja ke ne öbun e ca köp nya, kap bi thʼ öbun ta je huliwa: mʼ öbun e he ka wâhmakhmeto me wâ ûnykûme a gʼ ame laba Kamen eû hnyik, ke inya eû hnyin Kamen.

Ioane 16:15

Anyik ta je ûnyi hia anyin Kamen: anyin a wale oge me ha a e ame he ka hom but gak, me omananâ köbun.

Ioane 17:3

Ke walang möt ame ca ba balua, a gʼ adre me he ka wâhmakhmetu u Khong hnathu a khaca thibi, me at u je kunâ, wale Iesu Keriso.

Ioane 5:17

Ke haingö Iesu kodra, ka habe, Ame huliwa Cica ke ne o but hnyi bong ang, ke oge me huliwa bi nya.

Ioane 5:23

me me he tavat hia thithö ka ogânâ Nokon helâ me hnödra hna ogânâ Kamen. Haba at ame ca ogânâ Nokon, me ame ca ogânâ Kamen at a kunâ e.

Ioane 6:69

Ke ohmun e hia but labageju me wâhmakhmeto a u thibi At ae Kap anyin Khong.

Ta je huliwa 4:32

Ke haba ûseiny tavat adre me labageju, adre me tha hnyok me tha ûnykûme: kʼ ame ca ha bi ke at gadra, a ga ka anyin bi ûnyi eling e ame hu; ke ka tha anyidra thibi.

Roma 15:13

E so e he Khongon geju ka ounöngöti öbun ge senyin me hnahic hnyi labageju, me me gan anyibun geju hnen man maniny Hanu Kap.

Roma 16:25

Ogânâ thö at ae khana otethmʼ öbun hoton anyik ûthumetu ae so me hna kheti Iesu Keriso, hoton hna omanenâ ûnyi ae iyong waleji adre me ikhâlâ adrem balua,

Roma 2:4

Hawa u je hociâ omjeû wale hwakecin ae so, me hokhnyok, me lingvec, ke u me ca wâhmakhmetoâ a gʼ ame lili u ka hnyi ietra, hnen hwakecin ae so anyin Khong?

I. Korinito 14:31

Anyin ae khanʼ öbun hia he ka ve perofeta, me me khanʼ ödra hia, me kahwa hia:

I. Korinito 2:12

Ke ate me ca kap bi hanon hmeledrany, ke so bi hanu ûnyi ge Khong; me me khanʼ öta thö ta je ûnyi a ham bâûâ köta Khong.

Galatia 3:28

Ke ba hmetu at Juda, ke ba at Helene, ke ba at hwenbâ, ke ba at he baû, ke ba baga, ke ba momo; anyin a khaca thibi öbun hia unyin Keriso Iesu.

Efeso 1:7

ke hu but gata deny e, hna ûco möt ûnyi ge dren, wale he ka thang ta je hulo, helâ me ûganiny anyin ibetengiö baû,

Efeso 3:16

me me he ka ham köbun, hoton ûganiny anyin hmanenang, he ka ohwegi öbun ge man ûnyi hnyi Hanu hnyin at eû hnyi hnyibun;

Efeso 3:3

waleji ge hnödra hna omanenâ könya ûnyi ae iyong hnen hna omanenâ, helâ me hnok hna bök ka set okhulitâ,

Efeso 6:22

wale at oge me kunâ köbun hnân hobi kâu e, mʼ öbun e he ka wâhmakhmetoâ bonguhmun, me me he ka okahwa je hnyekubun.

Filipi 2:1

ANYIN a wale a ne e unyin Keriso ûökahwa, me otubwelâ hnyi betenge, me tha hnyok unyin Hanu, ame ne ta je ibetengiö ae menyik, me vec betenge,

Filipi 3:8

Eke, e hnathu, inya oge me oûnyibâûâ ta je ûnyi hia thithö ûnyi hnyi ûnuainy hna wâhmakhmetoâ Keriso Iesu a Tuhok: ke can thibi e oge me hna degecâ ta je ûnyi hia thithö, ke oge me ûnykûme me tiren bi ta je ûnyi eling, me inye he ka hu Keriso,

Kolose 1:26

wale ûnyi ae iyong adre ikhâlâ ehac hnyi ta je ûen adrem, me ta je dö hia thithö; ke walang ang, adre hia but omanenâ e ka anyin wakap,

Kolose 1:27

ke e weny Khong he ka omanenâ kodra ûganiny hmanenanginy ûnyi eling ae iyong unyin Aten ke je hnyei, wale Keriso eû hnyi je hnyekubun, a gejuiny hnahic:

Kolose 1:9

Anyin a wale öhmu me ca menâ hic, me sumat hobi köbun hwân hnyi bong öhme long hnyin, mʼ adre me he ka unöngöt ge hna wâhmakhmetoâ weny, hnyi metâ me wâ ûnykûme hia hnyi Hanu,

Kolose 2:19

kʼ ame ca kât hmâ bi Ban, wale at a ûnyi gan unyin hia thithö, adre ûhûjâköuâ hnen ta je outhunyin me toiny, ame hûhûö, a öhûhûö hnen Khong.

Kolose 3:14

ke haba ûnyi ae nua hon ta je ûnyi e, me ibetengiö, wale weny ae ti so.

Kolose 4:3

ke hic minya hobi kohmun me me he Khong ka khong kohmun deny hwan hofuc, he ka ha ûnyi ae iyong anyin Keriso, wale adre cö nya can;

Kolose 4:8

oge hia but kunâ e köbun hobi kâu ûnyi eang, me me khanʼ öbun dö bonguhmun, me me he ka okahwa je hnyekubun;

I. Thesalonika 1:5

a ga ca o köbun anyihmun ûthumetu hnyi hofuc thibi, ke so bi hnyi man minya, me Hanu Kap, me ti kap wia; anyin ae khanʼ öbun hwakecihmun unyibun hobi köbun.

I. Thesalonika 3:2

me öhmun e kunö Timoteo liamekeiny mʼ öhmun, a athnyabainy Khong hnyi ûthumetu ae so anyin Keriso, me me he ka ohmâ me okahwʼ öbun hnyi anyibun labageju;

I. Thesalonika 5:14

Ke öhmun e ûjongi öbun hnyat me lakeiny, he ka sihwegi ödra adre me ca he wisa, nʼ ödra ju ae mat hnyekudra, hadruâ thö tavat ae sënyin, hokhnyokâ beûâ ju tavat hia thithö.

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

Heberu 10:22

e so ate me hakekenyâ ge hnyok ae hnathu ame kât hmâ labageju, ke je hnyekuta adre dukâiâ ûnyi hnyi ûnykûm sa ae kong, ke adre hneû je unyita hnyi köiö ae alai:

Heberu 6:11

Ke e wehmun mʼ öbun e he ka ve omanenâ tang hwege eling ka hnyi gejon ae gan hmâ ke ne o but obiny:

II. Peteru 1:10

Anyin a wale, hnyat me lakeiny lö, hwege thʼ öbun he ka ohwâdâ hna hawʼ öbun, ke hna ûcʼ öbun: anyin a öbun e ne ânyâ balua ta je ûnyi e me öbun e ca he balua ka thö:

II. Peteru 1:3

anyin a e ame hia but ham köta ta je ûnyi hia hnyi möt me hwakecin ae ûcû me Khong, hnen maniny man, ûnyi ge hna wâhmakhmetoâ e, at ame ha öta ge anyin hmanenang me hnyok so;

II. Peteru 3:18

Ke hûhûö thʼ öbun hnyi ibetengiö baû me wâhmakhmetoâ Tuhöta At ûhomeli, a Iesu Keriso. E unyin hmanenang walang ang me nyiele balua. Amen.

I. Ioane 3:19

Hnen e ate me he ka wâhmakhmeto a ûheta hnyi hnathu, kʼ ate me he ka cubec je hnyekuta hnyi hnyimakan,

I. Ioane 5:7

Ke Hanu at ame ohnathö, anyin ae hnathu Hanu.