Kolose 2:18 - Iaai Bible 1901 (New Caledonia)

¹⁸ Ca he ke at ka ovhelâ hwaböbunhnen beöûhnyûkongi öbun, me hic ka ta je angela, ame nâ ta je hna omanenâ kâu bi, ame ohobâ bâûâ hnen ûnykûmenen unyin,

Kolose 2:18 ပူးပေါင်းရင်းမြစ်များ

Genese 3:13

Haba Iehova Khong ame ha ka momo, ka habe, Ie ûnyi ang u je ânyâ? Haingen momo, ka habe, hnen on hna iyawö nya, mʼ oge me han.

Jobu 38:2

Ia olidrâ ûhnenamö Ge ta je hofuc ae ba wâhmakhmeto hnyin?

Isaia 57:9

Ke u je hom wakaco ka than, me osehia ânyâm je ûnyi ae bo so, ke u je kunâ ânyâm je uthumetu sâkâû ai, me ohnyikânâi u bi ke ne o but hnyi hedis.

Ezekiela 13:3

Walang hna ha hnen Than Iehova, ka habe, Ekölö ge je perofeta ae monu, tavat adre me hnu hoton ta je hnyekudra bi, ke ba ûnyi adre me wâ!

Daniela 11:38

Ke e ame he ka ogânâ khongon je hnabâ hnyi hnen e: ke e ame he ka ogânâ ke khong ae ca khana lakamen, ge gol me sileva, me je veto ae ûnyi hnathu, me je ûnyi ae senem.

Numera 25:18

anyin adre me oveci öbun hnyi hnödra hna bi joniny, waleji adre bi jönibun hnyi ûnyi anyi Peora me ûnyi anyi Kozebi, a nokon thaniny Midiana, a hanidra, waleji adre hlingâ hnyi bong bongon mok ae cap can ûnyi anyi Peora.

Mataio 24:24

Anyin ame he ka o je Keriso thoi, me je perofeta thoi, me adre me he ka omanenâ ta je haten ae gan, me ta je ûnyi hnân lâiâ, mʼ adre me he ka omono tavat adre me ûca a ne ca pason.

Roma 1:25

anyin a adre me wia thö hnathu anyin Khong me me thoi bi, me khudrung me huliwa ka ke ûnyi adre op, kʼ at hna bi At a Up ödra, wale a hnân haisoâ nyiele balua. Amen.

Roma 16:18

Anyin a haba tavat helâe, me adre me ca bi athnyabainy Tuhöta Iesu Keriso, ke ka je hnyekudra bi, ke adre me omonoâ je hnyekon tavat ae ca khanʼ ödra ta je ûnyi, hnen hofuc ae menyik me ûtakû.

I. Korinito 13:4

Haba ibetengiö, me at ae lingvec, me menyik; e ca at ame ihunyinköu bi ibetengiö; e ca at ame hobelöu bi ibetengiö, kʼ ame ca bi gan bi,

I. Korinito 3:3

anyin a öbun tiga aten unyin: anyin a e unyibun ihunyinköu me iwatretra, hawa, ca aten unyin bi öbun, kʼ öbun e he helâ me hwakecin at bi?

I. Korinito 4:18

E bi gan dut keihen gabun helâke oge me ca he ka o köbun.

I. Korinito 4:6

Hnyat me lakeiny lö, oge hia but oûco ta je ûnyi e könya me Apolo hobi köbun; mʼ öbun e he ka nâ ûnyi gahmu he ka ca onua bi ta je ûnyi adre sihnalimen: me me ca he ka bi gan ke at gabun ka ke at hon ke at.

I. Korinito 8:1

KE haba ta je ûnyi adre hudo ka ta je hnatheat: E khanʼ öta a öta hia ate me wâ ûnykûme. Haba wâ ûnykûme ame obigânâ, ke haba ibetengiö ame okahwâ.

I. Korinito 9:24

E ca khanʼ öbun a haba tavat adre me wadring hnyi ûölogot, me adre me tha wadring hia, ke khaca thibi at ame he ka hok hwaban? E Wadring thʼ öbun helâe, mʼ öbun e he ka hu.

II. Korinito 11:3

Ke inya oge me ot, wâ e nye okongoâ je hnyekubun ûnyi hnyi hwakecin ae wisa me kalaöt unyi Keriso, helâ me hna iyawo Eva ge on hnen anyin tang iyawo.

II. Korinito 12:20

Anyin a oge me ot, wâ oge nye o but köbun me ō ʼbun a ca helâ me hnok hna wek, ke wâ öbun nye ö nya a ca helâ me webun; wâ e nye hu ihunyinköu, me wathethot, me iwatretra, me bi fuco, me ûhaiö, me imediököu;

Efeso 4:17

Anyin a wale inya oge me ha me ohnatho ge Than, a öbun e ca he hmetu ka he helâ me Aten ke je hnyei, tavat adre me he hoton je hnyekudra ae ba onyen,

Efeso 5:6

Ca he ke at ka omonu öbun ge ta je hofuc adre hlo: anyin a ûnyi hnyi ta je ûnyi helâe ame o but tang hmonyin anyin Khong ka tavat adre me ca ûling.

Deuteronomi 29:29

E unyi Iehova Khonguta ta je ûnyi ae iyong: ke haba ta je ûnyi ae manen, me e unyita me lakuta nyiele balua, mʼ ate me he ka ânyâ ta je hofucin hia hnanyibu ang.

Filipi 3:14

me wadring hwege ka hnyi haten he ka hu hwaban hna hawo nya ûnyi ethö ge Khong, ûnyi ge Keriso Iesu.

Kolose 2:23

Haba ta je ûnyi e, ame beometâ thoiâ hnyi hmi baû, me he ka hnyikânâ, me ovecâ unyin bi; ke ca ûnyi hnathu bi hnân hom ûhnyûkongoâ unyin.

Kolose 2:4

Wale thibi hnok hna ha, wâ e nye he ke at ka iyâûʼ öbun ge je hofuc ûhahnyok.

Kolose 2:8

Wâ eâu, wâ e nye he ke at ka sei öbun hnen anyin bemetâ, me tang iyawo hnân omono, hoton hofuc vejec anyin at, me je hna ûne anyin hmeledrany a bân, ke ca hoton bi Keriso:

I. Timoteo 1:7

ke wedra he ka ûnö hnanyibu, kʼ adre me ca wâ ûnykûme hnödra hna ha, me bongon ta je ûnyi adre me ha hwegiâ.

I. Timoteo 4:1

KE ame ha manenâ hnen Hanu, ka habe, ame he keihen ka hna degecâ labageju, hnyi je ûen a biliny, adre me he ka löng ta je hanu adre me omono me ta je hna ûnö anyin je demoni,

II. Peteru 2:14

a unöngötö je emaködra ge bi ûnyi monu, ke ca khanʼ ödra bi he ka menâ mâdrâ hulo; ke adre me iyawâ tavat adre me ca tethmâ bi; ke haba je hnyekudra, me khenen hnyi hwakecin behnyekon; ödra je hnyat ha hnaûhangoâ;

I. Ioane 2:26

Oge hia but sihnalimen ta je ûnyi e köbun ge tavat adre beomonu öbun.

Hna Omanenâ 12:9

Me adre me obâ but drakona ae gan, wale on adrem, adre hwenyi ien Diabolo, me Satana, at ame omonoâ hmeledrany hia thithö; adre obâ but ka hnyi hmeledrany, ke adre tha obâ e me anyin ta je angela.

Hna Omanenâ 13:14

Ke e ame iyawâ tavat adre me labâ hmeledrany ge ta je haten adre hna kâu he ka ânyâ hnyi hnyimakan meno; ame ha ka tavat hnyi hmeledrany, a adre me he ka theatâ me me we meno, waleji ae hu aat ge hele vat, kʼ ame möt.

Hna Omanenâ 13:8

Ke ame he ka khudrung ju kâu ödra hia adre me laba eang hmeledrany, waleji tavat adre ca set je iödra hnyi tusiny möt anyin Arenio waleji adre hlingâ hwân hnyi hna bi taben hmeledrany.

Hna Omanenâ 19:10

Me oge me ta ju hnyi hmelen li can he ka khudrung kâu. Ke haingen könya, ka habe, Ohe, u ma ca ânyâ: anyin a iny athnyaba möu me je liamekeiny möu, tavat adre hom hna ohnathu Iesu: khudrung ka Khong: anyin a haba hna ohnathu Iesu me wale hanon hna operofeta.

Hna Omanenâ 3:11

Oge me he ka ie o: kât hmâ ju hnâm hna hu, wâ e nye he ke at ka hûgûnâ ânyâm korona.