Kolose 2:13 - Iaai Bible 1901 (New Caledonia)

¹³ Ke haba öbun waleji öbun e mok hnyi hwakecin ae kong, me ca peritomonâ je unyibun, e ame omeli öbun tha öbun më, ke e ame ohia anyita ta je hulo hia;

Kolose 2:13 ပူးပေါင်းရင်းမြစ်များ

Salamo 119:50

Wale at ame otubweli nya hnyi anyik vec: Anyin a hia but omeli nya hwâm hofuc.

Salamo 32:1

HNAHIC hnen at adre hia but ohia hnen hna hanyâûâ, me tube anyin hulo.

Salamo 71:20

Haba u at ame omanenâ kohmun je vec ae hwege ke se hia, Me u me he ka hmetu ka omeli ohmun, Me hum ohmun hmetu goranyai ûnyi hnyi je dok a diliny hmeledrany.

Isaia 1:18

Haingö Iehova, ka habe, Ai öbun walang ang, ate me he ka tha ûsabö: eja ke ne a ne helâ me dra vec anyibun ta je hulo, me ame he ka hau bi helâ me kiona; ke ame ne dra helâ me dila, me ame he ka helâ me leûnen mamoe.

Isaia 55:7

e so ame he at ae kong ka degec hwakecin, ke so ame he at ae monu ka degec ta je ûnykûmenen: ke so e ame hmetu kö Iehova me me he ka betenge gan; ke so e ame hmetn ka Khonguta, anyin a e ame he ka ti kot degecâ hia.

Jeremia 31:34

ke adre me ca he hmetu ka ve nâ tavat ae hakekeny kodra, me je liamekeiny mödra, me ha, ka habe, Khanʼ öbun dö Iehova: anyin adre me he hia ka khanʼ ödra inya, hwâu ge ta je hoûmonu ke ne o but ka tavat ae beönua, haingö Iehova: anyin oge me he ka hna but hwakecidra ae kong, ke oge me ca be hmetu ka ûnykûme anyidra ta je hulo.

Luka 15:24

anyin a walang nokuk ûheny hnyi hna mok, ka möt hmetu thö; ke a hia, ke wale hmetu thö ang. Me ödrin e hwân he ka senyin.

Luka 15:32

E ka ûcû kötin he ka senyin me hobâ: anyin a walang kem ûheny hnyi hna mok, ke a möt hmetu thö; ke hia, ke wale hmetu thö ang.

Luka 9:60

Ke e ame ha kâu, ka habe, Hna but ta je komok he ka konâm je kokidrin; ke he bi thö u ka khetâ dokhu dokhon Khong.

Ioane 5:21

Anyin a Kamen ame otilâ thö ta je komok me omeli ödra, helâe minya Nokon ame omelö tavat e ame weny.

Ioane 6:63

Haba at ame omelö, me hanu; ke ca ûnyi hnathu bi unyin: haba ta je hofuc oge hia but ha köbun, wale hanu me möt.

Roma 4:17

(helâ me hna sihnalimen, ka habe, Oge hia but wiö u hnân kamen ta je hnyei ae se hia) hnyi hnyimakan Khong, at ame omelö hmetu thö tavat adre mokcu, me hâiâ ta je ûnyi ae ba, helâke me e but ang.

Roma 6:13

ke haba khaca, ca he ka hna je ong outhunyibun ka hnyi hulo hnân omjehen hwakecin ae ca wisa bi; ke ka hnʼ öbun dut ka Khong, helâ me tavat adre me möt hmetu thö ûhedra hnyi hna mok, me je outhunyibun hnân omjehen hwakecin ae wisa ka Khong.

Roma 8:11

Ke a ne laba eû hnyi hnyibun Hanon at ame omeli Iesu hmetu ûnyi hnyi hna mok, ame he minya at ame omeli Keriso Iesu ûnyi hnyi hna mok, ka omelö ta je unyibun ae bobot ûnyi ge Hanon, at ame laba eû hnyi hnyibun.

I. Korinito 15:36

At monu, ame ca he ka möt hnâm hna tä, e ka ca bobot bi:

I. Korinito 15:45

Ke helâ me hna sihnalimen, ka habe, Adre up Adamu at a bân hanu ae möt. Ke Adamu a biliny hanu at a ham möt.

II. Korinito 3:6

waleji at ame oûcû öhmun he ka bi athnyabainy ûhihinyköu a teb ûnyi; ca ge tusi, ke hanu bi: anyin a haba tusi, me at ûhlingö, ke at ûhomeli hanu.

II. Korinito 5:19

waleji, a e unyin Keriso bi Khong, ame öûsoköuâ hmeledrany më, kʼ ame ca ip hnödra je hna hanyâûâ kodra bi, ke ame ham kohmun hofucin ûsoköu.

Efeso 2:1

KE e ame omeli öbun, hnyi ûen öbun e mok can hnobun hna hanyâûâ me hulo,

Efeso 2:11

Anyin a wale ûnykûme ju a öbun Aten ke je hnyei adrem ûnyi hnyi unyin, kʼ adre wenyi öbun, ka habe, Wacaperitom, hnen tavat adre me wenyö, ka habe, Waperitomonâ hnyi unyin, kʼ adre ânyâ ge hnyam;

Efeso 5:14

Anyin a wale, e ame ha, ka habe, Hmak dö, u at ame mokut, ke tot hmetu thö ûhem hnyi hna mok, me ame he Keriso ka omelami u.

Kolose 2:12

ke adre me tha konâm më hnyi hna bapataiso, wale adre tha omeli öbun hmetu më ge labageju ka hnyi huliwa anyin Khong, waleji at ame omelö hmetu e ûnyi hnyi hna mok.

I. Timoteo 5:6

Ke haba momo ame elâm senyin hnyi unyin, me a mokcu bi, ke tiga möt unyin.

I. Timoteo 6:13

Inya oge me hûna köu hnyi hnyimakan Khong at ame tuö möt anyin ta je ûnyi hia thithö, me Keriso Iesu, at ame haimemenâ so hnyi hnyimakö Ponetio Pilato;

Heberu 6:1

ANYIN a wale, e so ate me umo hâiâ hna ûne a bân ge bongon Keriso, mʼ ate me he bi ka hnyi bongon ae bekhöt; ke ca he hmetu bi ka ip taben ietra hnyi ta je huliwa ae mok, ke labageju ka Khong,

Heberu 9:14

awe, e ca beönua bi dren Keriso, waleji a hamen hudo e bi, ae ba hnyikongon, ka Khong, ûnyi ge Hanu a e balua bi, he ka obosoâ anyibun ûnykûm sa hnyi ta je huliwa ae mekiny mʼ öbun e he ka huliwa ka Khong ae mötî

Iakobo 2:17

Ke helâe labageju, e ka ca tha e me huliwa me a ka mok ut.

Iakobo 2:20

At ae monu lö ca bekhanö u ae ûnyi baû bi labageju e ka ba huliwa?

Iakobo 2:26

Anyin a helâke mok ut unyin, e ka ba hanu, me helâe minya labageju, a mok ut e ka ba huliwa.

I. Ioane 2:12

Inya oge me set köbun je wanakat, anyin adre hna degecâ anyibun ta je hulo ûnyi hnyi ien.