Kolose 2:12 - Iaai Bible 1901 (New Caledonia)

¹² ke adre me tha konâm më hnyi hna bapataiso, wale adre tha omeli öbun hmetu më ge labageju ka hnyi huliwa anyin Khong, waleji at ame omelö hmetu e ûnyi hnyi hna mok.

Kolose 2:12 ပူးပေါင်းရင်းမြစ်များ

Luka 17:5

Haba je aposetolo ödrin e ha ka Than, ka habe, Bi hanen ju anyihmun labageju.

Ta je huliwa 14:27

Ke ödru me o but, me ödru me ûkhacaköuâ ekalesia, me omanenâ ta je ûnyi hia thithö ame tha ânyâ mödru Khong, waleji a gʼ ame khöng hwanumen labageju ka Aten ta je hnyei. Ke e beû bi hnödru hna tha laba me laten.

Ta je huliwa 2:24

kʼ ame omelö hmetu thö e, me thang ut ta je toiny mok; anyin ae ca khana unyi eling he ka ohmâ e.

Ta je huliwa 2:32

Haba Khong ame omelö hmetu Iesu, ke ohmun hia ang je hnyat ohnatho.

Roma 4:24

ke hobi köta minya, wale adre me he ka ha ûnyi eling köta, ate ne labageju kâu, waleji at a omeli Iesu a Tuhöta hmetu thö ûheny hnyi hna mok,

Roma 7:4

Hnyat me lakeiny mönya lo, helâe minya öbun, Öbun e mok ut ka hnyi hnanyibu hnen unyin Keriso; me öbun e he ka ihok me ke at, waleji adre omelö hmetu ûheny hnyi hna mok, mate me he ka wa wan ka Khong.

I. Korinito 12:13

Anyin adre bapataisoi öta hia hnân unyin a khaca ûnyi ge Hanu a khaca, a ne at Juda a ne at Heleni, a ne aten hwenbâ, a ne at adre hna bâûâ; ke adre kunʼ öta hia ka ijem ûnyi hnyi Hanu a khaca.

I. Korinito 15:20

Ke so bi adre hia but omeli Keriso hmetu thö ûheny hnyi hua mok, ke e at a bân ka möt ge tavat adre me mokut.

Galatia 3:27

Anyin a haba öbun hia, adre bapataisoâ ka Keriso, me öbun e khaû öbun ge Keriso.

Efeso 2:8

anyin adre hia but omeli öbun hnen ibetengiö baû a deny labageju; ke habe e, me ca ûnyi gabun: ke bwihlany anyin Khong:

Efeso 3:17

me me he Keriso ka laba eû hnyi je hnyekubun hnen labageju; me me he ka hu iwânibun me taben hnyi ibetengiö,

Efeso 3:7

waleji adre wiö nya hnân athnyabainy hoton bwihlany wale ibetengiö baû anyin Khong a ham könya hoton huliwainy maniny man.

Efeso 4:5

khaca thibi Than, ke khaca thibi labageju, ke khaca thibi bapataiso,

Efeso 5:14

Anyin a wale, e ame ha, ka habe, Hmak dö, u at ame mokut, ke tot hmetu thö ûhem hnyi hna mok, me ame he Keriso ka omelami u.

Filipi 1:29

anyin adre hia but ham köbun ge Keriso, ca he ka hake labageju thibi kâu, ke so minya he ka vec can e:

Kolose 1:29

ke wale hnok minya hna huliwa ka hnyin, kʼ oge me ûjöng hmonyin hoton anyin huliwa, wale ame hwege huliwa eû hnyi hnyik.

Kolose 2:13

Ke haba öbun waleji öbun e mok hnyi hwakecin ae kong, me ca peritomonâ je unyibun, e ame omeli öbun tha öbun më, ke e ame ohia anyita ta je hulo hia;

Heberu 12:2

me ō Iesu at ame hwân me obekhötâ labageju, waleji at ame hokhnyokâ satauro, kʼ ame ca oûnyihnathoâ hmehma, ûnyi hnyi senyin adre me ip hnyi hnyimakan, ke e ame laba ju hnyi ke keihen metân theron anyin Khong.

Heberu 6:2

ke bongon bapataiso, ke hna ip hnyam, me möt hmetu ûnyi hnyi hna mok, me hna owisa nyiele balua.

I. Peteru 3:21

wale thibi e hnyi ûhoûcû ae hnathu at ame omeli öbun minya walang ang, a bapataiso, ca ûnyi bi ge hna hneû degecâ ikikiny unyin, ke so bi he ka hnö ge ûnykûm sa ae so ka Khong hnen möt hmetu a Iesu Keriso;