Kolose 1:9 - Iaai Bible 1901 (New Caledonia)

⁹ Anyin a wale öhmu me ca menâ hic, me sumat hobi köbun hwân hnyi bong öhme long hnyin, mʼ adre me he ka unöngöt ge hna wâhmakhmetoâ weny, hnyi metâ me wâ ûnykûme hia hnyi Hanu,

Kolose 1:9 ပူးပေါင်းရင်းမြစ်များ

Salamo 119:99

Iny metâ hon tavat hia adre me nö nya; Anyin a inya oge me ûnykûme wia hnâm ta je hna ohnathoâ.

Salamo 143:10

Nö nya thö he ka ânyâ wem; anyin a u thibi Khonguk: E so hanom; su nya ju ka hnyi hnyei iny hwakecin ae wisa.

Ioane 7:17

A ne weny ke at he ka mâdrâ weny, e ame he ka wâhmakhmetoâ hna ûne, a ne ûnyi ge Khong, oge ne ha ka ûnyi bi gak.

Ta je huliwa 12:5

Anyin a wale adre me tuö Peteru hnyin uma ceat: ke haba ekalesia adre me hic ûjöng ka Khong hobi kâu.

Roma 12:2

Ke ca he ka tha hwakecibun me hmeledrany: ke so he ka wiʼ öbun hnen ohâtâ je hnyekubun, me me khanʼ öbun weny Khong ae so, me hnân osenyinâ, me wisa.

I. Korinito 1:5

a gʼ adre otreni öbun ge omjeû ûnyi gan hnyi ta je ûnyi hia, hnyi ta je hofuc hia, me ta je metâ hia:

Efeso 1:8

waleji e ame ham gânâ köta hnyi metâ hia, me wâ wia hia,

Efeso 5:10

ke elâm dʼ öbun ûnyi hnân osenyinâ Than;

Efeso 5:17

Anyin a wale, ca hwen monu bi öbun, ke wâ ûnykûme weny Than.

Efeso 6:6

ca huliwa bi hnyi hwenenöu, helâ me tavat adre me osenyinâ at; ke so bi helâ me je athnyabainy Keriso, tavat adre me ânyâ weny Khong ûnyi eû hnyi hnyok;

Filipi 1:4

kʼ oge me labö sumat me senyin hnyi hijik je hic hia hobi köbun hia,

Kolose 1:6

wale a o köbun; helâ minya ka hmeledrany hia thithö, kʼ ame wa wan me kû tot, helâe minya unyibun, hwân hnyi bong öbun e long me wâhmakhmeto ibetengiö baû anyin Khong hnyi hnathu;

Kolose 3:16

E so e he hofuc hwan Keriso ka laba hmâ hnyi je hnyekubun me metâ hia; ûnöbunköu öbun ju ge ta je salamo, me ta je khumöng, me ta je fehuâ ûnyi hnyi hanu, khumöng dö ka Than me ibetengiö eû hnyi je hnyekubun.

Kolose 4:12

Ame italofa mʼ öbun Epafera a hanöbun athnyabainy Keriso Iesu, at ae hwege hic hobi köbun, mʼ öbun e he ka tot wisa, me kap wia hia weny Khong.

Kolose 4:5

E so öbun e he hnyi metâ unyidra eû hnyou, me oûnyihnathoâ ta je ûen,

I. Thesalonika 1:3

me ca menâ ûnykûme anyibun huliwa hnyi labageju, me huliwa hnyi ibetengiö, me hokhnyok hnyi gejon ka Tuhöta Iesu Keriso hnyi hnyimakan Khong a Kamöta;

I. Thesalonika 5:17

hic dö me ca menâ bi;

II. Thesalonika. 1:11

Waleling mʼ öhmun e hic bala hobi köbun, me me he Khonguta ka haöûcû öbun ka hnyi hna hawʼ öbun kâu, me obekhötâ hneû man ta je weny ae so, me ta je huliwainy labageju;

Filemona 1:4

Inya oge me ole bala ka Khonguk, me haiö u hnyi hijik ta je hic,

Filemona 1:6

me me hu troban ge tha hnyok hnyi ânyâm labageju, hnyi hna wâhmakhmeto ta je ûnyi hia ae so eû hnyi hnyibun ka hnyi Keriso Iesu.

Heberu 10:36

Anyin ae ûnyi hnathu köbun he ka hokhnyok, me me hu gabun hna ha bânâ, öbun ka hia but ânyâ weny Khong.

Heberu 13:21

e so e ame he ka wia wisai öbun hnyi ta je huliwa ae so he ka ânyâ weny, me huliwa eû hnyita, ûnyi hnân kû senyin hnyi hnyimakan, a deny Iesu Keriso; e so e unyin hmanenang nyiele nyiele balua. Amen.

Iakobo 1:5

A ne ke at gabun ae ba metâ gan, me so e ame sumâtâ unyin Khong, at ame ham gânâ ka tavat hia thithö, kʼ ame ca û bi; me adre me he ka ham kâu.

Iakobo 3:17

Ke haba metâ ûnyi ethö wale a bân me ba hnyikongon, kʼ ame ûsoköu, me menyik, me ie löng, kʼ ame unöngöt ge ibetengiö me je wan ae so, ke ba lolo, ke ba iyawâ.

I. Peteru 2:15

Anyin a wale weny Khong, mʼ öbun e he ka ohnyiböâ hwen monu anyin tavat ae ca metâ ge anyibun huliwa ae so:

I. Peteru 4:2

mʼ öbun e ca he hmetu ka möt ka hnyi ta je weny at, hnyi ûen a tiga öbun hnyi unyin, ke so bi ka hnyi weny Khong.

I. Ioane 2:17

Ke haba hmeledrany, me ame be bi ka hia, me ta ge weny ka hnyin: ke ame he ka tethmâ, nyiele balua at ame mâdrâ weny Khong.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

I. Samuela 12:23

Ke haba inya bi, ö iny ca he ka monu kö Iehova, he ka degec hiji öbun: ke oge me he ka nʼ öbun ge gethen ae so me wisa.