Kolose 1:6 - Iaai Bible 1901 (New Caledonia)

⁶ wale a o köbun; helâ minya ka hmeledrany hia thithö, kʼ ame wa wan me kû tot, helâe minya unyibun, hwân hnyi bong öbun e long me wâhmakhmeto ibetengiö baû anyin Khong hnyi hnathu;

Kolose 1:6 ပူးပေါင်းရင်းမြစ်များ

Salamo 110:3

Haba lakem adre me he ka hudo me hnyekudra bi hnyi bonginy manâm man; Hnyi ta je hmanenang ae kap ûnyi hnyi tangen hnökuiny haolany, E bi unyâm dân hauiny ânyâm hidröu,

Salamo 98:3

E ame hia but ûnykûme anyin ibetengiö me anyin hnathu ka lap anyi Isaraela: A hia but wâ hnen je can hmeledrany hia ûhomeli anyin Khonguta.

Mataio 24:14

Ke adre me he ka khetâ ûthumetuiny dökhu ang hnyi hmeledrany hia hnân ohnatho ka ta je hnyei; me ame he ka o but obiny.

Mataio 28:19

Anyin a wale, he thʼ öbun ka bi latök hnyi ta je hnyei hia thithö, me bapataisoi ödra hnyi ien Kamen, me Nokon, me Hanu Kap:

Mareko 16:15

Ke haingen ködrin, ka habe, He thʼ öbun ka hnyi hmeledrany hia thithö ka khetâ evangelia ka tavat hia adre op.

Mareko 4:8

Ke ame kolu but keihen ka hnyi hon kânâ ae hoso, me kû thö me hlau but, me wa; me ame hu wan dut, ûsa thote, me sikste, me wan haded.

Ioane 15:16

Öbun e ca ûco nya, ke oge me ûcʼ öbun, me otilʼ öbun, mʼ öbun e he ka he me wa, me tet hmâ ju wan gabun: me me he Kamen ka ham köbun ta je ûnyi hia öbun e he ka sumâtâ huyi iök.

Ioane 17:19

Oge me ka okabi nya hobi ködrin, mʼ ödrin e kap bi ödrin hnyi hnathu.

Ioane 4:23

Ke ame he ka o ûen, ke wale but ang, a gʼ ame he ka he tavat adre me hmi hnathu ka hmi ka Kamen hnyi hanu me hnathu: anyin a Kamen ame elâm tavat helâe he ka hmi kâu.

Ta je huliwa 11:18

Ke adre bia but long hofuc e, me adre me laba hnyibû me ogânâ Khong me ha, ka kabe, E hnathu Khong ame ham ietra ka Aten ta je hnyei minya, mʼ adre me möt.

Ta je huliwa 12:24

Ke ame khulelau hofuc hwan Khong me kû gan hmâ.

Ta je huliwa 16:14

Ke ame ling ohmun hnen ke momo Lidia ien, at ame ûcû mano ae udrudrâ hlit, aten taun a Thuataira, at ame hmi ka Khong: ke haba Than ame khong ut hnyekon he ka long ta je hofuc ame ha Paulo.

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

Roma 1:13

Hnyat me lakeiny lö, e wek e me hnyi khanʼ öbun, a iny osehia ûnykûme he ka he köbun, (ke hu hna ovheli nya ke ne o but walang ang), me me hu gak ke je wan ûnyi gabun, helâ me hnyi ke keihen Aten ta je hnyei.

Roma 15:19

hnen maniny ta je haten me ûöman, me man maniny Hanu Kap; wale a hwân hnyi Jerusalema igigilo ke ne o but hnyi Iluriko oge me khetâ ûthumetu ae so anyin Keriso;

Roma 15:28

Anyin a wale, iny ka hia but umo e, me ohmâ kodra wan eang, me oge me he ka he unyibun iny ka he Sepania ai.

Roma 16:26

ke manen dut walang ang, ke adre hia but omanenâ, ûnyi hnyi hna sihnalimen hnen ta je perofeta, ke hoton hna hûna hnen Khong a nyiele balua ka ta je hnyei hia, madre me he ka long hoton labageju;

II. Korinito 10:14

Anyin a öhmun e ca tuluto beönua, helâke a ca o köbun: anyin a öhmun e o but köbun tha öhmun me ûthumetu ae so anyin Keriso:

II. Korinito 6:1

KE öhmun ang hnyat öhmun e tha huliwa më, me öhmun e ûjongi öbun, wâ öbun nye kap bâûâ ibetengiö anyin Khong,

Efeso 3:2

öbun e ne hia but long hanymök, wale ibetengiö baû anyin Khong adre ham könya hobi köbun:

Efeso 4:21

öbun e ne long kâu, me ûne unyin helâ me hnathu unyi Iesu:

Efeso 4:23

me ohâtʼ öbun hmetu hnyi ûnykûmenen je hnyekubun,

Efeso 5:9

(anyin a haba wan melam, hwakecin ae so hia, ke hwakecin ae wisa me hnathu),

Filipi 1:11

mʼ öbun e unöngöt ge je wan hwakecin ae wisa ûnyi ga Iesu Keriso, hnân ogânâ me haisoâ Khong.

Filipi 4:17

Ke oge me ca elâm bwihlany; ke oge me heleû wan bi, me me se hia but troban köbun.

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

Kolose 1:23

öbun e ne tethmâ hnyi labageju, adre bi taben, me ohmʼ öbun, ke ca bwebwet ûnyi hnyi gejon ûthumetu ae so öbun e löng, waleji adre khetâ ka tavat hia thithö eang hmeledrany; ke inya Paulo adre wiö nya me me at huliwan.

I. Thesalonika 1:5

a ga ca o köbun anyihmun ûthumetu hnyi hofuc thibi, ke so bi hnyi man minya, me Hanu Kap, me ti kap wia; anyin ae khanʼ öbun hwakecihmun unyibun hobi köbun.

I. Thesalonika 2:13

Waleling mʼ öhmun e ca menâ ole ka Khong, anyin a öbun e kap hofuc hwan ûthumetu ûnyi gahmun, waleji hofuc hwan Khong, me öbun e ca kap helâ me hofuc hwan at, ke hofuc hwan Khong wale ae hnathu, kʼ ame huliwan minya je hnyekubun tavat labageju.

II. Thesalonika. 2:13

Ke hamöhmun he ka oleâ bala bi gabun, hnyat me lakeiny a laoûnykûminy Than, anyin a Khong ame ûcʼ öbun ûnyi hnyi can he ka möt, hnyi hna okabâ hnen Hanu, me he ka kap hnathu.

I. Peteru 5:12

Oge hia but sihnalimen okhulitâ köbun ûnyi ge Silevana, ke oge me ûnykûme ae liamekeiny ae hnathu, hnân he ka sihwegi öbun me ohnatho, ka habe, wale ibetengiö baû ae hnathu anyin Khong; tethmâ ju öbun hnyin e.