Kolose 1:5 - Iaai Bible 1901 (New Caledonia)

⁵ ûnyi hnyi gejon adre ip ethö hnyi drany hobi köbun, waleji öbun e long ehac hnyi hofuc ae hnathu hnyi ûthumetu ae so,

Kolose 1:5 ပူးပေါင်းရင်းမြစ်များ

Salamo 31:19

Shaiba ge ûganiny ânyâm so, wale u je hitangen hobi kâu tavat adre me outö u, Waleji u me ânyâ hobi kodra adre me labageju köu, hnyi hnyimakan tavat!

Luka 12:33

Ûco thö anyibun ta je ûnyi me ham hnân ibetengiö; ânyâ ju je tang mone ae nâk hobi köbun, wale tang omjeû hnyi drany ame ca ba balua bi, ame ca hakekenyâ at ae venöu, kʼ ame ca okongoâ minya bi hnen nokon walelaba.

Ta je huliwa 10:36

Haba hofuc waleji e amo kunâ ka lakon Isaraela, kʼ ame khetâ ûthumetu ae so hnyi ûsoköu a deny Iesu Keriso, (e thibi Tuhan ae nua)—

Ta je huliwa 13:26

Hnyat me lakeiny lö, je lakon je mâtrâni Aberahama, me tavat adre me outen Khong unyibun, adre kunâ köta hofucin ûhomeli ang.

Ta je huliwa 23:6

Ke a wâhmakhmeto but Paulo a ta je Sadukaio keihen gadra, ke ta je Faresaio keihen, me e ame fuc hwege hnyi ûhnenamö, ka habe, Hnyat me lakeiny lö, iny Faresaio, nokon Faresaio: kʼ adre me hnei nya ge geju ka hnyi möt hmetu ûnyi hnyi hna mok.

Ta je huliwa 24:15

ke oge me geju ka Khong wale adre me kap minya, a gʼ ame he ka möt hmetu tavat ae wisa me tavat ae ca wisa bi.

Roma 10:8

Ke ieû ame ha? walang, E hakekeny köu hofuc, e hnyi hnyimâm me hnyekom; wale hofuciny labageju ohmun e khetâ:

I. Korinito 13:13

Ke walang ang e tethmâ kun ta ûnyi eang, ka habe, labageju, me geju, me ibetengiö; ke haba at ae beönua hnyi kun ta ûnyi eling, me ibetengiö.

I. Korinito 15:19

Ate ne geju Keriso hnyi möt thibi ang, awe, öta tavat ae hmak hnyok hon tavat hia thithö.

II. Korinito 5:19

waleji, a e unyin Keriso bi Khong, ame öûsoköuâ hmeledrany më, kʼ ame ca ip hnödra je hna hanyâûâ kodra bi, ke ame ham kohmun hofucin ûsoköu.

II. Korinito 6:7

me hnyi hofuc ae hnathu, me hnyi man maniny Khong; hnen omjehen vatiny hwakecin ae wisa hnyi ke keihen metâ me me,

Galatia 2:14

Ke oge me wâ a ödrin e ca he wisa hoton hnathuiny evangelia, inya oge me ha kö Kefa hnyi hnyimaködrin hia, ka habe, U at Juda, ke u je ne tha hwakecâm me Aten ke je hnyei, ke ca tha hwakecâm bi me at Juda, me ieû gam u me ûjengö Aten ke je hnyei he ka tha hwakecidra me at Juda?

Galatia 2:5

ke öhmun e ca mita bi ködrin hnyi awa a khaca; me me tethmâ unyibun hnathuiny evangelia.

Galatia 5:5

Anyin ate me halubahingen gejon hnyi hwakecin ae wisa hnen labageju unyi hnyi Hanu.

Efeso 1:13

waleji öbun minya, öbun e long hofuc ae hnathu, wale ûthumetu ae so hnân hobi kâu anyibun möt, —waleji öbun e labageju kâu, kʼ adre me otethmʼ öbun hnen Hanu Kap waleji adre me ha bânâ,

Efeso 4:21

öbun e ne long kâu, me ûne unyin helâ me hnathu unyi Iesu:

Kolose 1:23

öbun e ne tethmâ hnyi labageju, adre bi taben, me ohmʼ öbun, ke ca bwebwet ûnyi hnyi gejon ûthumetu ae so öbun e löng, waleji adre khetâ ka tavat hia thithö eang hmeledrany; ke inya Paulo adre wiö nya me me at huliwan.

Kolose 1:27

ke e weny Khong he ka omanenâ kodra ûganiny hmanenanginy ûnyi eling ae iyong unyin Aten ke je hnyei, wale Keriso eû hnyi je hnyekubun, a gejuiny hnahic:

Kolose 3:16

E so e he hofuc hwan Keriso ka laba hmâ hnyi je hnyekubun me metâ hia; ûnöbunköu öbun ju ge ta je salamo, me ta je khumöng, me ta je fehuâ ûnyi hnyi hanu, khumöng dö ka Than me ibetengiö eû hnyi je hnyekubun.

I. Thesalonika 2:13

Waleling mʼ öhmun e ca menâ ole ka Khong, anyin a öbun e kap hofuc hwan ûthumetu ûnyi gahmun, waleji hofuc hwan Khong, me öbun e ca kap helâ me hofuc hwan at, ke hofuc hwan Khong wale ae hnathu, kʼ ame huliwan minya je hnyekubun tavat labageju.

II. Thesalonika. 2:16

Ke hanymen Tuhöta Iesu Keriso, me Khong a Kamöta at ame betenge gata me ham köta hnahic ame ca ba balua me geju ae so hnyi ibetengiö baû,

I. Timoteo 1:15

Walang uthofuc ae hnathu, me ti ûcû he ka kap, ka habe, A o Keriso Iesu eang hmeledrany he ka omelö tavat ae monu; ke iny beönua bi hudrin:

II. Timoteo 4:8

ke wale bi ang adre ip hobi könya koronainy hwakecin ae wisa, wale ame he ka ham könya hnyi bong eling Than ae wisa, at ame owisa: ke ca hake könya thibi, ke kodra hia thithö minya adre me senyin hnyi hna omanenâ e.

Tito 1:2

hnyi hna gejon möt ame ca ba balua, waleji hna ha bânâ adrem balua hnen Khong at ae ca khana he ka thoi;

Heberu 7:19

(anyin ae ba ke ûnyi ame obekhotâ hnen hnanyibu), mʼ adre me oâ gejon ae beönua, wale deny mʼ ate me hakekeny ka Khong.

I. Peteru 2:2

beweny dʼöbun debai a cökiny hanu ae ba thoi hnyin, helâ me ta je mendring a teb o, mʼ öbun e he ka hûhûö thö gan ka hnyi möt;

I. Peteru 3:15

ke okabâ ju Keriso eû hnyi je hnyekubun me me Than bi: ke laba penapena bala öbun he ka thu kodra hia tavat adre me hnei öbun ge bongon labageju wale eû hnyibun, ke so bi hnyi menyik me ot;

II. Peteru 1:12

Anyin a wale oge me he ka laba penapena he ka oûnykûmi öbun ge ta je ûnyi e, ke so bi e khanʼ öbun, me tethmâ hnyi hnathu e unyibun.

I. Ioane 3:3

Ke haba ödra hia ae hu gadra geju eang, me, adre me okabi ödra bi, helâ më ae kap.