Kolose 1:23 - Iaai Bible 1901 (New Caledonia)

²³ öbun e ne tethmâ hnyi labageju, adre bi taben, me ohmʼ öbun, ke ca bwebwet ûnyi hnyi gejon ûthumetu ae so öbun e löng, waleji adre khetâ ka tavat hia thithö eang hmeledrany; ke inya Paulo adre wiö nya me me at huliwan.

Kolose 1:23 ပူးပေါင်းရင်းမြစ်များ

Salamo 125:5

Ke haba tavat adre me saû ka hnyi ta je gethen ae hwali, Ame he Iehova ka hum ödra he ka tha he me tavat adre me ânyâ hulo. E so e e hon Isaraela hnahic.

Je tenge anyi Jeremi 3:66

U me he ka hnu ödra hnyi hmonyin, me ohiʼ ödra eang hmeledrany anyi Iehova.

Ezekiela 18:26

E ka hmetu thö at ae wisa ûnyi hnyi hwakecin ae wisa, kʼ ame ânyâ bi hulo, ke moko e; me e ame he ka, mok hnyi anyin hulo waleji e ame hia but ânyâ.

Zefania 1:6

ke tavat adre me hmetu unyi Iehova; ke tavat adre me ca elöm Iehova, me ca hnö e.

Mareko 16:15

Ke haingen ködrin, ka habe, He thʼ öbun ka hnyi hmeledrany hia thithö ka khetâ evangelia ka tavat hia adre op.

Luka 22:32

ke oge me hic hobi köu, me me ca he bi lea hia ânyâm labageju: ke u ka hmetu thö, sihwegiâ je liamekeiny möu.

Luka 6:48

E ûcû me at ame hötilö uma, kʼ ame hiny dilâ, ke a bi taben ge veto, ke ame o but di, kʼ ame khutukhavâ uma eling, me ame ca bwebwet bi: anyin adre me otilâ wia e.

Ioane 15:6

A ne ca laba ke at eû hnyi hnyik, adre me he ka degec ut helâ me vheiny, me ame he ka meleca thö; ke adre me ûkhacaköuâ thö, me khûâ ka hnyi meic, me adre me thong degecâ but.

Ta je huliwa 1:17

Anyin adre tha aû e möhmun, ke adre khene hanymen hnyi huliwa eang.

Ta je huliwa 1:25

me me he ka hnyi hanen huliwa eang, me hanymen aposetolo, waleji a degec Juda, me he ka hnyi hnen bi.

Ta je huliwa 1:8

E ka o but köbun Hanu Kap, me öbun e he ka tren man: mʼ öbun e he ka ohnathu nya hnyi Jerusalema, me Juda hia me Samaria ke ne o but hnyi je can hmeledrany.

Ta je huliwa 11:23

ke ame o but me wâ ibetengiö baû anyin Khong, me e ame senyin, me khöu kodra hia he ka kece ka Than ge hnyok ae tethmâ:

Ta je huliwa 14:22

ödru me ohmâ je hnyekon laten, me sihwegi ödra he ka tethmâ hnyi labageju, me ha, ka habe, hamöta he ka dit ka hnyi dokhu dokhon Khong deny ta je vec ae se hia.

Ta je huliwa 2:5

Ke e hu tavat Juda adre me outen Khong, adre me laba hnyi Jerusalema, ûhedra hnyi ta je hnyei hia eang hmeledrany.

Ta je huliwa 20:24

Ke oge me ca oûnyihnathoâ anyik möt, me me ûnyi hnathu könya, me inye he ka umo hnok hna ûölogot, me hanymök oge me kap ûnyi ge Than Iesu, wale he ka ohnathoâ ûthumetu ae so hnyi betenge baû anyin Khong.

Ta je huliwa 26:16

Ke höhöi thö, me tot ge li cam: anyin a walang can me inye manen dut köu, mʼ adre me he ka wiö u hnân athnyaba me at ohnatho ta je ûnyi u je wâ, me ta je ûnyi oge me he ka manen hnyin köu;

Ta je huliwa 4:12

Ke ba ûhomeli ge ke at bi: anyin ae ba ke ien eang hmeledrany adre ham ka at, ae khana he ka omeli öta.

Roma 10:18

Ke inya oge me ha, ka habe, Adre me ca löng? Eke, e hnathu, Ame he but ifucidra ka hnyi hmeledrany hia, Ke hodra ta je hofuc ka hnyi je can hmeledrany.

Roma 15:16

me inye he ka bi athnyabai Iesu Keriso ka Aten ta je hnyei, he ka ânyâ hanymen at bihut hnyi ûthumetu ae so anyin Khong, me me he ka kap soâ hut wale Aten ta je hnyei, me okabi ödra hnen Hanu Kap.

Roma 2:7

wale, möt ame ca ba balua ka tavat adre me tethmâ hnyi huliwa ae so, me elâm hmanenang me hna ogânâ, me hna ca bobot bi:

Roma 5:5

ke haba gejon ame ca ohmehma bi; anyin adre hia but hingâlâ ka hnyi je hnyekuta ibetengiö anyin Khong ûnyi ge Hanu Kap waleji adre ham köta.

I. Korinito 15:58

Anyin a wale, hnyat a oûnykûmik lö, tethmâ ju öbun, ca bwebwet, ke hwege bala thö hnyi huliwa anyin Than, anyin ae khanʼ öbun a gʼ ame ca ûnyi baû anyibun huliwa ka Than.

I. Korinito 3:5

Anyin a ieû Apolo? ke ieû Paulo? a li athnyaba a deny anyibun labageju; helâji me hnen Than hna ve ham köhmu.

II. Korinito 10:1

HABA inya Paulo, at ae hnyikânâ e tha inya mʼ öbun, ke kwege e ka hiö nya mʼ öbun, me oge me khöû köbun ûnyi hnyi hwakecin ae menyik me ilemuk anyin Keriso:

II. Korinito 11:23

Hawa, ödra tavat huliwa ka Keriso? (inya oge me hwen monu) iny beönua bi nya; beönua hnyi huliwa; ke se hia hmönyin hna labö cö nya, e se hia hmönyin hna labö osoi nya, ke iny osehia he ka mokcu.

II. Korinito 3:6

waleji at ame oûcû öhmun he ka bi athnyabainy ûhihinyköu a teb ûnyi; ca ge tusi, ke hanu bi: anyin a haba tusi, me at ûhlingö, ke at ûhomeli hanu.

II. Korinito 4:1

E HU but gahmun huliwa eang, ke adre me betenge gahmun, me waleling öhmun e ca sënyin:

II. Korinito 6:1

KE öhmun ang hnyat öhmun e tha huliwa më, me öhmun e ûjongi öbun, wâ öbun nye kap bâûâ ibetengiö anyin Khong,

Galatia 4:11

Inya oge me ot gabun, wâ e nye ûnyi baû anyik huliwa köbun.

Galatia 5:5

Anyin ate me halubahingen gejon hnyi hwakecin ae wisa hnen labageju unyi hnyi Hanu.

Galatia 5:7

Öbun e hia but wadring so; ia ovheli Öbun mʼ öbun e ca he bi ka long hoton hnathu?

Galatia 6:9

E so ate me ca sënyin hnyi huliwa ae so: anyin ate me he ka meno hnyi ûen cici, at ka ca sënyin bi.

Efeso 1:18

me obwela li emakan je hnyekubun, me me khanʼ öbun dö gejon hnyi hnen hna hawâ, me ûnyi hnathuiny hmanenanginy jekhon unyin wakap,

Efeso 2:21

kʼ adre me ve thaûhûjâköuâ ta je uma hia ûnyi gan, me ogöranyâ hnân uma kap unyin Than;

Efeso 3:17

me me he Keriso ka laba eû hnyi je hnyekubun hnen labageju; me me he ka hu iwânibun me taben hnyi ibetengiö,

Efeso 4:16

ûnyi gan unyin hia adre tretrao wia, me ûhûjâköuâ wia, hnen onyen ta je hna hûjö hia, hoton huliwa hnyi tulutiny je ke keihen unyin, me ame gan tot unyin, mʼ adre me op e göranyai hnyi ibetengiö.

Deuteronomi 2:25

Ke oge me he ka hwân hnyi bong ang he ka okûâ outö u, me me he ka öbubuny gam hnen ta je hnyei hia eang hmeledrany, a tavat adre me löng ânyâm lung, kʼ adre me he ka öbubuny, me hleûhleû gam.

Deuteronomi 4:19

ke wâ u nye bwele thö hnyi drany ai, ke u je wâ seûno, me tehi, me je okhû, a je ûnyi ae se hia hnyi drany, kʼ adre me hum u he ka khudrung me bi athnyabainy ta je ûnyi e, waleji Iehova ame ip hobi kâu ta je hnyei hia eang hmeledrany.

Kolose 1:25

ke adre wiö nya he ka huliwan ka hnyi hoton hna penapena hnen Khong, wale adre ham nya hobi köbun, he ka ohwâdâ hofuc hwan Khong,

Kolose 2:7

ke bi wân dut me up öbun goranyai unyin, ke ohmâ ju anyibun labaʼ geju, helâ me hna nʼ öbun, ke ti ole gan hmâ.

I. Thesalonika 3:3

me me ca he ka bwebwelâ ke at hnen je vec eling; anyin ae khanʼ öbun a gʼ adre kunʼ öhmun hobi kâu e.

I. Thesalonika 3:5

Can thibi e, ke ca khanö nya hmetu bi he ka hok hnyok, me oge ûkhûnöng he ka wâ anyibun labageju, wâ e nye cubic öbun hnen at ûcûbic, me ame he ka ûnyi baû but anyihmun huliwa.

I. Thesalonika 5:8

Ke haba öta aten melam, me so ate me metâ, me khavâ ûkhaûen ûlainy labageju me ibetengiö; me gejon möt hnân hnabicen vat.

II. Thesalonika. 2:16

Ke hanymen Tuhöta Iesu Keriso, me Khong a Kamöta at ame betenge gata me ham köta hnahic ame ca ba balua me geju ae so hnyi ibetengiö baû,

I. Timoteo 1:12

Ke inya oge me ole ka Keriso Iesu a Tuhöta, at ame ömani nya, anyin a e ame ûnykûme a iny hnathu, me ame ham könya anyin huliwa;

I. Timoteo 2:7

kʼ adre me ûco nya he ka khetâ e, ke hnân aposetolo (inya oge me ha hnathu oge me ca thoi), ke inya at ûne ka Aten ta je hnyei ka hnyi labageju me hnathu.

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

Tito 3:7

me me hwajekhöûta hoton gejon ka hnyi möt ame ca ba balua, anyin adre me haiwisʼ öta ûnyi ge anyin ibetengiö baû.

Heberu 10:38

Ke ame he ka möt atök ae wisa hnen labageju: Ke ame ne hmetuhmetu but, me ame ca he bi hnyekuk ka senyin kâu.

Heberu 3:14

anyin adre me wiʼ öta mʼ ate me lahanen Keriso, öta ka he ka kât hmâ hwakecin anyita labageju hnyi can ke ne o but hnyi obiny:

Heberu 3:6

ke so bi Keriso ame musi hnyi hnyaban, helâ me nokon; ke haba öta bi hnyaban eling, öta ka he ka kât hmâ ke ne o but obiny tang hwege me senyin hnyi geju.

Heberu 4:14

Ke hu but gata hing at bihut ae nua, at ame hia but vheno drany ethö, wale Iesu a Nokon Khong, anyin a wale e so ate me kât hmâ anyita hmi.

Heberu 6:19

wale gejon ate me hu, helâ me iuniny hanu, ame hnathu me hmâ ke ame dit eiö hnyin hnyeule adre bi singiny;

I. Peteru 1:3

E so he ka haisoâ Khong me Kamen Tuhöta Iesu Keriso, at a hnöku öta hmetu, hoton anyin ibetengiö ae gan, ka hnyi geju ae möt, hnen möt hmetu thö a Iesu Keriso ûnyi hnyi hna mok,

I. Peteru 1:5

kʼ adre me tuʼ öbun hnen man maniny Khong deny labageju ka hnyi möt adre me penapena he ka omanenâ hnyi ûen a biliny.

I. Ioane 2:27

Ke haba öbun, me ame tethmâ unyibun hna osûâ waleji öbun e kap ûnyi gan, ke ca ûnyi hnathu köbun ame he ke at ka nʼ öbun; ke haba hnen hna osûâ ame nʼ öbun hnyi ta je ûnyi hia, ke e hnathu e, kʼ ame ca thoi bi, ke helâe, e ame nʼ öbun, ke so öbun e tethmâ hnyin.

Hna Omanenâ 2:10

U ma ca outen ta je ûnyi ame he ka oveci u: wâ bi, ame he diabolo ka khûâ keihen gabun ka hnyi uma ceat, mʼ adre me he ka cubic öbun: ke ame he ka libenyita je bonginy vec a öbun. U ma hnathu ju ke ne o but ka hnyi mok, me oge me he ka ham köu koronainy möt.