Kolose 1:18 - Iaai Bible 1901 (New Caledonia)

¹⁸ Ke e thibi ban unyin, wale ekalesia: e thibi can, atöiny tavat ûhedra hnyi hna mok; me me he ka beönua hon ta je ûnyi hia thithö.

Kolose 1:18 ပူးပေါင်းရင်းမြစ်များ

Salamo 89:27

Ke oge me he ka wia e me me nokuk a bân, At ae beönua hon je than eang hmeledrany.

Khumöng Hwanyi Solomona. 5:10

E hau me dra oûnykûmik, E beönua bon ta je ten thauzan.

Isaia 52:13

Wâ bi, ame he athnyabaik ka ânyâ ûnyi ae metâ, adre me he ka ogöranyâ e, me obeönua e, me e ame he ka gorany hmonyin.

Mataio 23:8

Ke haba öbun, ca he ka hawʼ öbun, ka habe, Kabi: anyin a khaca thibi at ûne köbun, ke öbun ka liamekeiny hia.

Mataio 28:18

Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Ioane 1:1

HABA hnyi can, me waleji Logo, e unyin Khong Logo, haba Logo, me Khong.

Ioane 1:16

Eke, ate me hia but ve kap jekhoû ûnyi hnyi anyin unöngöt, wale betenge bâu ke betenge bâu.

Ioane 1:27

wale at ame biliny hotuk, iny ca ûcû he ka thang hna hûkâlâ taben li hnyeûcan.

Ta je huliwa 26:23

ka habe, Ame he Keriso ka vec, ke ame he ka bân ka möt hmetu ûheny hnyi hna mok, me omanenâ melam ka tavat, me Aten ta je hnyei.

Roma 8:29

Anyin a haba tavat waleji e ame wâhmakhmetu ödra, me e ame ip ödra minya he ka tha bongudra me tulutiny Nokon, me me atö bi e unyin je liamekeiny ae se hia:

I. Korinito 11:3

Ke wek e me khanʼ öbun a haba Keriso, me ban obaga hia; ke haba obaga, me ban omomo; ke haba Khong, me ban Keriso.

I. Korinito 12:27

Ke haba öbun a unyin Keriso öbun, ke ve je outhunyin bi.

I. Korinito 15:25

Anyin ae ûca kâu he ka musi ke ne o but a hia but ip hmelen li can ta je iwahnaihmiöny më hia.

Efeso 1:10

hnyi hna penapena bekhötâ ta je ûen, me me khaca thibi ta je ûnyi hia ka Keriso, wale ta je ûnyi ethö hnyi drany, me ta je ûnyi eang hmeledrany; hnân hobi kâu,

Efeso 5:23

Anyin a ban momo baga, helâ me Keriso a ban ekalesia, ke e thibi omelen unyin.

Kolose 1:24

Ke walang ang inya oge me senyinâ anyik je vec hobi köbun, ke oge me obekhötâ hnyi unyik hounyin je vec anyin Keriso hobi kâu unyin e, wale a ekalesia;

Kolose 2:19

kʼ ame ca kât hmâ bi Ban, wale at a ûnyi gan unyin hia thithö, adre ûhûjâköuâ hnen ta je outhunyin me toiny, ame hûhûö, a öhûhûö hnen Khong.

I. Ioane 1:1

HABA ûnyi ae ûnyi hnyi can waleji öhmun e löng me wâ ge je emaköhmun, me wâ hmâ, me kâlâ ge je hnyamöhmun, hnyi Hofucin Möt

Hna Omanenâ 1:18

ke at ae Möt; ke oge hia but mok, ke wâ bi iny möt nyiele nyiele balua, ke e hu gak je kiiny mok me Hedis.

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;

Hna Omanenâ 1:8

Inya ang Alefa me Omega, haingen Than a Khong, a inya ang, ke inya kâû adrem, ke inya at ame he ka o, At ae khana hia.

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 21:6

Ke haingen könya, ka habe, Adre hia but ânyâ. Inya Alefa me Omega, wale hwân me obiny. Oge me he ka ham bâûâ köien möt ame pupua ka at ame beic.

Hna Omanenâ 22:13

Inya Alefa me Omega, wale bân me biliny, a can me obiny.

Hna Omanenâ 3:14

Ke sihnalimen ju ka angela anyin ekalesia hnyi Laodikea, ka habe, Walang ta je ûnyi ame ha hnen Amen, at ohnatho ae hnathu me wisa, waleji a at a hwân ta je ûnyi hia thithö a op hnen Khong: