Kolose 1:13 - Iaai Bible 1901 (New Caledonia)

¹³ waleji at ame hûgûnʼ öta ûnyi hnyi maniny menekholom, me wiʼ öta ka hnyi dokhu dokhon Nokon a oûnykûminy;

Kolose 1:13 ပူးပေါင်းရင်းမြစ်များ

Isaia 42:1

WÂ bi ang athnyabaik, at o ge me cö; ûcanök, ame senyin kâu hnyekuk: oge hia but ip hanuk hon e; e ame he ka oâ hna owisa ka je Ethen.

Isaia 53:12

Anyin a wale, oge me he ka khene jekhon me tavat ae beönua, ke e ame he ka tha khenâ je hna söh me tavat ae hwege: anyin a e ame hingâlâ anyin möt ka mok, ke adre me tha lelö e me tavat hanyâûâ: ke so bi e ame vadren hulo anyin tavat ae se hia, kʼ ame khöûâ tavat hanyâûâ.

Isaia 60:2

Anyin a wâ bi, ame he ka tube hmeledrany hnen lit, ke ame he ka tube ta je hnyei hnen menekholom: ke ame he Iehova ka o hom, ke ame he ka manen hmanenanginy hom.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Mataio 17:5

Ke e ame tiga ha, me wâ bi ûlâ ae hadröngöc ame tubi ödrin: ke wâ bi, hwan hofuc ûnyi hnyin ûlâ ame ha, ka habe, Walang Nökuk a oûnykûmik oge me senyin kâu; long ju öbun kâu.

Mataio 25:34

Haba Than ame he ka ha kodra hnyi ke keihen a metân, ka habe, Ai öbun, öbun hia tavat a ohnahicâ hnen Kamök, hu hwajekhöûbun ju dökhu adre penapena hobi köbun hwân hnyi hna bi taben hmeledrany:

Mataio 3:17

ke wâ bi ke hwan ûnyi hnyi drany, ame ha, ka habe, Walang Nokuk a oûnykûmik, at oge me ti senyin gan.

Luka 13:24

Hwege thʼ öbun he ka dit hnyi homagöule ae hnek: anyin a inya oge me ha köbun, ka habe, e se hia tavat adre me elâm he ka didro hnyin, kʼ ame ca he ka khanʼ ödra.

Luka 22:53

Oge tha e möbun hnyi je bong hnyi uma kap, ke öbun e ca hinöbeny könya: ke ûöbun eang, me man maniny lit minya.

Ioane 17:24

Cica lö, haba wek, a gʼ me he ka tha ödra mönya bi hnyi hnök, tavat u je hia but ham könya; mʼ adre me be bi ka wâ anyik hmanenang, waleji u je hna könya; anyin a u je hnyok könya kâû adrem kʼ adre tiga ca bi taben hmeledrany.

Ioane 3:35

Haba Kamen ame betenge ka Nokon, kʼ ame hna ta je ûnyi hia ka hnyi li hnyamen.

Ioane 5:24

E hnathu, e hnathu, inya oge me ha köbun, ka habe, Haba at ame long hok ta je hofuc, kʼ ame labageju ka at a kunö nya, me hu but gan möt ame ca ba balua, kʼ ame ca he bi ka hnaûhango, ke e ame he but ûheny hnyi mok ka hnyi möt.

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

Roma 14:17

anyin a haba dokhon Khong, me ca he ka hnyi han me ic, ke so bi hwakecin ae wisa, me hnahic, me senyin hnyi Hanu Kap.

II. Korinito 11:14

Ke ca hnân bi lâiâ e, anyin a Satana ame ka hamen wia e me hnân angela ae melam.

II. Korinito 4:4

wale tavat ame owadruâ je oûnykûmenödra bi, ke adre me ca labageju bi, ûnyi ge khongon hmeledrany eang, wâ e nye melam! kodra melaminy ûthumetu ae so ae hmanenang anyin Keriso, wale ae we Khong.

Efeso 1:6

hnân ogânâ hmanenanginy anyin ibetengiö baû, waleji a betenge baû köta ûnyi ge Oûnykûminy:

Efeso 4:18

adre me olidrâ je ûnykûmenödra, me atkanyua but ge ûhomeli anyin Khong anyin ae ca khanʼ ödra, anyin adre ohnâkâ je hnyekudra;

Efeso 5:5

Anyin ae ti khanʼ öbun ang, a haba at ame bi ûnyi monu, ke ikiki hwakecin, ke behnyekon, a at khudrung ka je hnatheat, me ame ca he ka hu hwajekhon hnyi dokhu dokhon Keriso me Khong.

Efeso 5:8

anyin a öbun menekholom ehac, ke walang ang öbun e melam but hnyi Than: vheno bala ju helâ me ta je lakon melam,

Efeso 6:12

Anyin ate me ca ûsöu bi me at, ke ta je musi bi, me ta je man, me ta je tuhan hmeledrany eang ae menekholom, me ta je hanu ae kong hnyi ta je dok ethö hnyi drany.

I. Thesalonika 2:12

mʼ öbun e he bala ka ûcû ka Khong, at a hawʼ öbun ka hnyi dokhon dokhu me anyin hmanenang.

Heberu 2:14

Ke haba lakon, me adre me khaûʼ ödra ge viny me dren, awe, helâe minya e ame munyi helâe; me me he ka ohia hnen mok at ae tren maniny mok, wale diabolo;

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

II. Peteru 1:11

anyin a helâe adre me he ka ti hnʼ öbun he ka dit ka hnyi dokhu ame ca ba balua a dokhon Tuhöta At a omeli öta, a Iesu Keriso.

I. Ioane 2:8

Wale hmetu ang, inya oge me set köbun hnanyibu a teb ûnyi, wale ae hnathu gan me gabun; anyin ame hia tot menekholom, ke ame umumelam walang ang melam ae hnathu.

I. Ioane 3:14

E khanʼ öta, a ate me hia but didro ûnyi hnyi mok ka hnyi möt, anyin ate me betenge ge je liamekeiny. Haba at ame ca betenge, me e bala bi hnyi mok.

I. Ioane 3:8

ûnyi ge diabolo at ame ânyâ hulo; anyin ame ânyâ hulo diabolo ûnyi hnyi can. Kʼ a manen dut Nokon Khong, me me he ka ohia ta je huliwa anyin diabolo.