Josua 9:20 - Iaai Bible 1901 (New Caledonia)

²⁰ Walang ûnyi otin e he ka ânyâ ködrin, me omeli ödrin; wâ e nye takû ota ge hmönyin, can hnöta hna khemanyin ködrin.

Josua 9:20 ပူးပေါင်းရင်းမြစ်များ

II. Man Ûlabainy Je Than. 36:13

Ke haba khaca e ame ûkhin fuc kö Nebukaneza than, at a hia but kunâ e he ka khemanyin kö Iehova: me e ame hwegiâ nyin, me okhötâ hnyekon me me ca hmetu kö Iehova Khongon Isaraela.

Ta je Vejec 20:25

Hnân hnewe ka at ame ie ha okabâ ke ûnyi, Ke e ka hia but bi khöbi, me ame he bi ka hnö.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Roma 1:31

me tavat ae monu, me tavat adre me hanyâûâ hna ûhihinyköu, me tavat adre me ca hnyokâ je liamekeiny mödra, me tavat adre me ca betenge:

I. Timoteo 1:10

ke tavat bi ûnyi monu, ke tavat adre me hwen Sodoma, ke tavat venöu at, ke tavat thoi, ke tavat khemanyin thoi, ke ame ne hu ke hwakecin ae ca ûcû me hna ûne ae wisa;

Josua 9:19

Ke ame ha hnen je taben hia ka ûkhacaköu hia, ka habe, Öhmun e hia but khemanyin ködrin me haiö Iehova Khongu Isaraela: anyin a wale, e ca khanʼ öhmun he ka kalʼ ödrin.

Josua 9:21

Me ame ha ködra je taben, ka habe, Hnʼ ödrin ju he ka möt, mʼ ödrin e bi hnyat höcö me hnyat soû köiö hobi kâu ûkhacaköu hia, helâ me je taben ame ha ködrin.