Josua 8:35 - Iaai Bible 1901 (New Caledonia)

³⁵ E ba ke ong hofuc a hûna Mose a ga ca aû bi Josua hnyi hnyimakan ûkhacaköu anyin at Isaraela hia thithö, a tha ödra me omomo, me tavat ae ûhnyûkong, me je atkanyua hnyat adre imetenyimwi mödra.

Josua 8:35 ပူးပေါင်းရင်းမြစ်များ

Ezera 10:1

Kʼ AME tiga hic Ezera, me omanenö hulo, me tenge, me ta hnyikânâi hnyi hnyimakan uma umen Khong, me ame ûkhacaköu kâu tavat ae ti se hia ûhedrin Isaraela, obaga me omomo me je wanakat: anyin ame tenge hwege tavat.

Nehemia 8:2

Me haba Ezera at bihut ame hom hnanyibu ka hnyi hnyimakan ûkhacaköu obaga me omomo, me tavat hia ae khanʼ ödra he ka lönghma-khmeto, hnyi bong a bâniny tehi a seveniny.

Nehemia 8:3

Me e ame aû tusi e, hnyi dok ae lau cicö homagouleny an, hwân hnyi haolany ke ne o but hnyi jebigö, hnyi hnyimakan obaga me omomo, me tavat ae khanʼ ödra he ka lönghmakhmeto; ke ame tevehlöng je hnyi-könyen tavat ka hnyi tusiny hnanyibu.

Esodo 12:38

Kʼ ame tha he mödra tavat ae se hia ae ve bongon bi, me ta je hnahat mamoe me kau, a omeno ae se hia hmönyin.

Jeremia 26:2

Walang hna ha hnö Iehova, ka habe, He thö ka tot hnyi hnyeuleny uma umö Iehova, me ha ka ta je tauniny Juda hia, tavat adre me o he ka hnyi khudrung hnyi uma umö Iehova, ta je hofuc hia thithö wale oge hûna he ka ha kodra; ca ikhâlâ bi ke hofuc.

Joela 2:16

ûkhacaköuâ thö tavat, okabâ thö ûkhacaköu, hawâ thö wahingat, ûkhacaköuâ thö ta je wanakat, me tavat adre me i: hamen at a tep faipoipo ka he ûnyi hnyi hnyeuleny, me hlu a tep faipoipo ûnyi hnyi ong hnyeuleny.

Zakaria 8:23

Walang hna ha hnö Iehova tuhan sabaoth, ka habe, Hnyi je bong eling, me ame he hnyat a ten ka kât obiny ûkhaû anyin at Juda, walödrin hnyi ta je hwen hnyei hia, me ha, ka habe, Ohmun e he ka tha he möbun, anyin ae khanʼ ohmun dut a e unyibun Khong.

Mareko 10:14

Iesu ame wâ, me ame vec hnyekon, ke haingen ködrin, ka habe, Hna but ta je mendreng mʼ adre me he könya; ca thawʼ ödra bi: anyin a helâ mʼ ödra dokhu dokhon Khong.

Ta je huliwa 20:27

Anyin oge me ca höcö omanenâ köbun ûnykûmânen hia Khong.

Ta je huliwa 21:5

Ke ame um dö ta je bong e, me ohmun e didrut me he but; ke ödrin hia adre me su ohmun tha ödrin me lâiödrin me lakudrin, ke ne o but hnyi hoton taun: me ohmun e cibouca eû göny me hic,

Deuteronomi 29:10

Öbun e tha tot hnyi bong ang, a öbun hia hnyi hnyimakö Iehova Khongubun; a anyibun je taben, me je tribu, me wahingat, me je homakan, a tavat hia aten Isaraela,

Deuteronomi 29:11

lakubun, me laöiöbun, me atkanyaua unyâm hnyi hnâm je hna hunuma, hwân ge at ame höcö hlogom ke ne o but at ame soû belâm köiö:

Deuteronomi 29:9

Anyin a wale tuö ju ta je hofuciny ûhihinyköu eang, me ânyâ, mʼ öbun e hnahic hnyi ta je ûnyi hia öbun e ânyâ.

Deuteronomi 31:12

Ûkbacaköuâ tavat, obaga me omomo me tavat ae ûhnyûkong, me atkanyua unyâm hnyi ânyâm je lap, mʼ adre me löng, me nâ, me outö Iehova Khongubun, me wâ wia he ka ânyâ ta je hofucin hia hnanyibu eang;

Deuteronomi 4:2

Ca he öbun ka bi hanen ka hnyi hofuc oge me hûna köbun, ke ca ohia ke hanen, mʼ öbun e he ka löng hoton je hna hûna hnö Iehova Khongubun wale oge me hûna köbun.