Josua 8:31 - Iaai Bible 1901 (New Caledonia)

³¹ helâji me Mose athnyabai Iehova ame hûna ka at Isaraela, helâ me hna sihnalimen hnyi tusiny hnanyibu anyi Mose, ka habe, Taben hut je veto ae bekhöt, adre ca inâ goranyai utfao hon: ke ödrin e hudo hon e je hudiny leû ko Iehova, me hudo je hudiny ûsoköu.

Josua 8:31 ပူးပေါင်းရင်းမြစ်များ

II. Je Than 14:6

ke e ame ca hlingâ lakon li at ûhüngö: helâ me hna sihnalimen hnyi tusi hnanyibu anyi Mose, waleji a hûna Iehova, ka habe, Adre me ca he ka hlingâ je kamen can je nokon, ke haba khaca adre me ca he ka hlingâ je lakon can je kamen; ke adre me he ka ve hlingâ at can anyin bi hulö.

II. Je Than 22:8

Ke haba Hilekia at bihut ae nua ame ha kö Safana at sihnalimen, ka habe, Oge me wâ tusiny hnanyibu hnyi uma umo Iehova. Ke Hilekia ame ham tusi kö Safana, me e ame aû.

II. Man Ûlabainy Je Than. 25:4

Ke so bi e ame ca hlingâ lakudru, ke e ame ânyâ hoton hna sihnalimen hnyi tusi hnanyibu anyi Mose, waleji a hûna Iehova, ka habe, Ame ca he ka mok je kamen can lakon, kʼ ame ca he ka mok je nokon can je kamen; kʼ ame he tavat hia ka ve moko anyidrin bi hulo.

II. Man Ûlabainy Je Than. 35:12

Me ödrin e hom je hudiny leû me ham hoton jekhon je lap anyin je lakamen tavat, he ka hudo kö Iehova, hoton hna sihnalimen hnyi tusi anyi Mose. Ke ödrin e ânyâ helâe minya ka je bolok.

Ezera 6:18

Ke ödrin e otilâ tavat bihut ka hnyi je hanymodrin, me at Levi hnyi anyidrin je dö, hobi kâu huliwa anyin Khong, wale hnyi Jerusalema; hoton hna sihnalimen hnyi tusi anyi Mose.

Nehemia 13:1

KE haba hnyi bong e adre me aû hnyi tusi anyi Mose, ke haba tavat adre me long; ke adre me wâ hna sihnalimen hnyin, a ame ca he at Amona me Moaba ka hnyi dit hnyi ûkhacaköu anyin Khong nyiele balua;

Esodo 18:12

Ke Jethero, ûngu Mose, ame hom hut adre le me je hut ka Khong: ke ame o Arona me wahingatiny Isaraela hia he ka tha han me ûngu Mose hnyi hnyimakan Khong.

Esodo 24:5

Ke e ame kunâ wahidröu a je lakon Isaraela, mʼ odrin e hudo ta je hut adre le, me hudo kö Iehova je kau hnân hudiny ûsoköu.

Mataio 12:26

ke a ne Satana ame obâ Satana me ame imouköu but; ke ame he ka kâmâu ka tethmâ dokhon dökhu?

Deuteronomi 27:2

Ke haba hnyi bong öbun e he ka hanyâûâ Joridano ka hnyi hnyei a ham köu Iehova Khongom, me u me he ka khon je veto ae gan, me botru dröuiny:

Deuteronomi 27:8

Ke u me he ka sihnalimen manenâ hon je vetoiny ta je hofuciny hia hnanyibu eang.

Josua 1:8

Haba tusiny hnanyibu eang, me ame ca he ka hia ûnyi hnyi hnyimâm, ke u me be ka ûnykûme e hnyi lany me lit, me tuö me ânyâ hia helâ me hna sihnalimen hnyin: mʼ u me he ka so hnyi dem je gethen, mʼ u me he ka hnahic.