Josua 7:26 - Iaai Bible 1901 (New Caledonia)

²⁶ Me adre me khon gânâ je veto ethö hon, a wale bi e ke ne o but hnyi bong ang; me haba Iehova ame hwiö ûnyi hnyi anyin hmönyin ae hwege. Anyin a wale adre me hwenyi ien dok eling, me, Hnyigöulen bucen Akora ke ne o but hnyi bong ang.

Josua 7:26 ပူးပေါင်းရင်းမြစ်များ

II. Samuela 18:17

Ke ödrin e hum Abasoloma me khûâ ka hnyi thop ae gan hnyi hnyot, me ti khon gânâ je veto hon: ke Isaraela hia ödrin e ve kec ka hnyi umödrin je uma mano.

II. Samuela 21:14

Ke ödrin e konâm je jeiö Saulo me Jonathana a nokon hnyi hnyei Beniamina hnyi Zela, hnyi hu Kiso a kamen: ke ödrin e ânyâ ta je ûnyi hia hnen than hna hûna. Ke hwaban e Khong ame long hodrin ge hnyei.

II. Man Ûlabainy Je Than. 29:10

Ke walang ang ame mokut eû hnyi hnyekuk he ka ânyâ ke ûhihinyköu me Iehova, Khongon Isaraela, me me he ka hia but gatin anyin hmonyin ae gan hmâ.

Ezera 10:14

E so adre me otilâ je tuhöhmun hobi kâu ûkhacaköu hia, ke ödrin e he hia thithö tavat adre hok momo kanyua hnyi anyihmun je lap ka he but hnyi ûen adre thu, ke tha e mödrin wahingatiny je taun, me tavat owisa, ke ne o but adre wia hmonyin anyin Khonguhmun gahmun hnyi unyi eling.

Salamo 85:4

Khong at ame omeli ohmun lö, hwiʼ ohmun ju, Ke oumo ânyâm hmönyin kohmun,

Esodo 32:12

Ieû ge at Aigupito tavat adre me he ka ha, ka habe, E a hum odra me me he ka hlingʼ odra hnyi je bucen, me ohiʼ odra ûnyi hnyi hon kânâ? Ö u ikhâlâ ju hmönyininy hnyekom ame ubâhlâ, me ietra monu a o ka je lakem.

Isaia 40:2

Ha thö hofuc ae kaukahwa kö Jerusalema, ke hongot dö kâu a ga um dö bonginy vec, ke adre hia but thang degecâ anyin hulo; a hia but kap ûnyi ga Iehova hna olo bi hwaban anyin ta je hulo hia.

Isaia 65:10

Ke ame he Sarona ka hnân hnyeuleiny ta je mamoe, ke haba, hwatapkoluiny Akora me hnân mokut hnen je hna hat meno, hobi kâu lakeik waleji tavat adre me elom nya.

Je tenge anyi Jeremi 3:53

Adre hia but subâ degecâ anyik möt hnyi thop, me khûö veto huk,

Hosea 2:15

Ke oge me he ka ham kâu iny je hnyei vine ûheny e, me hnyigöulen bucen Akora hnân gethen deny gejon: ke e ame he ka thu hmetu eling helâ me ehac ke tiga hlu, ke helâji me ehac hnyi ûheny hnyi hnyei Aigupito.

Hosea 2:17

Ke oge me he ka hom but ien je Baala ûnyi hnyi hnyimen, ke adre me ca he hmetu ka ûnykûmi ödrin hoton je iödrin.

Joela 2:13

kia but je hnyekubun, ke ca kia je ûkhaû bi, me hwio thö kö Iehova Khongubun: anyin a e at ame betenge baû, ke betenge vec, ke bec he ka hmonyin, ke gan hmâ anyin ibetengiö, kʼ ame ka ietra hulo.

Joela 2:18

Me Iehova ame ciâ ge iny hnyei, me betenge ge lakeiny.

Jona 1:15

Me ödrin e hum Jona me khûâ hnyiköiöai: me ame ta but hau hnyi köiö hwaban hna ûkhutukhaû.

Zakaria 6:8

Ke e ame hongot könya, me ha könya, ka habe, Wâ bi, haba tavat adre me he ka hnyi hnyei ka hnyi hwadrö, me adre hia but okatebo anyik hmonyin hnyi hnyei ka hnyi hwadrö.

Numera 25:8

me e ame he hoton at Isaraela eling ka hnyi hak, me dâoâ li hnyekudru, wale at Isaraela me momo. Me ame todru mok ae cap unyin lakon Isaraela.

Deuteronomi 13:17

Ke e so ame ca he ka kece ka hnyi hnyamâm ûnyi adre ohnauhangoâ: me me he Iehova ka degec ûbâhlâiny hmönyin, kʼ ame he ka betenge gam, me hnyok köu, me osehiö u, helâ me hnen hna khemanyin ka lakâmâm;

Deuteronomi 13:18

u ka he ka löng hoton hofuc ho Iehova Khongom, he ka tuö anyin je hnanyibu, wale oge me hûna köu hnyi bong ang, he ka ânyâ ûnyi ae wisa hnyi hnyimakö Iehova Khongom.

Josua 10:27

Ke ame he bi seûno ka dit, me haba Josua ame hûna, mʼ adre me hum ödrin hnyikânâi ûnyi hnyi je ûö, me khûʼ ödrin ka hnyi op, wale ödrin e lubaduöng hnyin, me ip je veto ae gan ka hnyi hnyimen op ke ne o but hnyi bong ang.

Josua 7:24

Ke haba Josua me lakon Isaraela hia, adre me hum Akana, nöku Zera, me sileva, me ûkhaû, me ong gol, me lakon baga me hlu, me haleny je bolok, me haleny je mamoe, me umen uma mano, me anyin ta je ûnyi hia thithö, ke adre me hum ödrin ka hnyi hnyigöulen bucen Akora.

Josua 8:29

Ke e ame uhno thaniny Ai hon ûö ke ne o but hnyi sahac: ke hnyi ûen ame didrut seûno Josua ame ûkhûnöng he ka hom but hnyikânâi unyin ûnyi hnyi ûö, me khûâ e hnyi homagouleny taun, me khon veten hon e ae gan hmâ, ke ne o but hnyi bong ang.