Josua 6:24 - Iaai Bible 1901 (New Caledonia)

²⁴ Ke ödrin e thong taun ge meic, me ta je ûnyi hia eû hnyin: ke haba sileva me gol, me bras, me fao, ödrin e ip hnyi tang omjeû hnyi uma umö Iehova.

Josua 6:24 ပူးပေါင်းရင်းမြစ်များ

II. Samuela 10:5

Ke adre hia but thumetu Davita, me e ame ûkhûnöng he ka ûkhanö mödrin: anyin ae hmehma gan hmâ tavat. Ke haingen than, ka habe, Laba ju öbun hnyi Jeriko, ke ne o but ame kû thö je waibun, me hmetu but jem.

II. Je Than 25:9

me e ame thong degecâ uma umo Iehova, me uma umen than; me je uma hia hnyi Jerusalema, wale je uma ae gan, e ame thong degecâ ge meic.

I. Man Ûlabainy Je Than. 18:11

Ke haba Davita than ame okabâ je ûnyi e kö Iehova, a tha e me je sileva me gol, waleji e ame hûgûnâ ûnyi hnyi ta je hnyei; ûnyi hnyi Edoma, me Moaba, me lakon Amona, me at Filisiti, me at Amaleka.

Numera 31:10

Ke adre me thong degecâ ge meic anyidra je taun hnyi je dok adre me laba hnyin.

Deuteronomi 13:16

Ke u me he ka khon ta je ûnyi hia adre hûgûnâ ka hnyi wanben gethen, me le degecâ taun ge meic, me ta je ûnyi hia adre hûgûnâ, hobi kö Iehova Khongom: kʼ ame be ka hna digic thatûnyi nyiele balua, kʼ adre me ca he hmetu ka op e.

Deuteronomi 13:17

Ke e so ame ca he ka kece ka hnyi hnyamâm ûnyi adre ohnauhangoâ: me me he Iehova ka degec ûbâhlâiny hmönyin, kʼ ame he ka betenge gam, me hnyok köu, me osehiö u, helâ me hnen hna khemanyin ka lakâmâm;

Deuteronomi 20:16

Ke haba aten je taun ang a ham köu Iehova Khongom hnân em, me u me ca he ka omelö ke ûnyi ae hu homenâiny:

Josua 11:11

Ke adre me kot tavat hia thithö hnyin ge hele vat, adre me tha ohiʼ ödra: ke ba kolon ame menâ: ke e ame le degecâ Hazora ge meic,

Josua 6:19

Ke haba je sileva hia me gol, me je kaia bras me fao, adre me okabâ kö Iehova: adre me he ka oâ ka hnyi tang omjehe Iehova.

Josua 6:25

Ke Josua ame omeli Rahaba momo hnyi gethen, me lap anyin kamen, mödrin hia a tha ödrin mē; ke e ame laba hnyi Isaraela ke ne o but hnyi bong ang; anyin a e ame ikhâlâ li metâ waleji Josua ame kunâ he ka ecmâkâ Jeriko.

Josua 8:28

Me Josua ame thong degecâ Ai, me wia e hnân ve ta ûnyi nyiele balua; me obâ wan ke ne o but hnyi bong ang.

Hna Omanenâ 17:16

Ke haba je faoiny a ten u je wâ, ke meno, me wale hnyat ödrin e he ka hûkotiâ momo hnyi gethen, me söh e, me ohethuâ, me an viny, me thong degecâ hnyi meic.

Hna Omanenâ 18:8

Anyin a wale ame he ka o kâu anyin je mok hnyi bong a khaca, wale mok, me hlöuhlöu, me hmiâ; ke adre me he ka thong degecâ e hnen meic; anyin ae hwege Than a Khong at ame bi hwaban kâu.