Josua 6:23 - Iaai Bible 1901 (New Caledonia)

²³ Me ame didro li hidröu li at ecmak, me hum Rahaba kâû, me kamen me hinyen, me je liamekeiny mē, mödrin hia a tha ödrin mē, ke ödru me hom kâû anyin lap hia; me hnʼ ödrin ka hnyi hoton hna hunuma anyin at Isaraela.

Josua 6:23 ပူးပေါင်းရင်းမြစ်များ

Genese 12:2

ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic:

Genese 18:24

A ne hu fifte tavat ae wisa hnyi hnyei: hawa, u ma he ka ohia, me ca betenge ka hnyei can fifte tavat ae wisa hnyin e?

Genese 19:29

Ke e ka he Khong ka ohia li tauniny hnyei ae thahon, me Khong ame ûnykûmi Aberahama me kunö Lota ûnyi hnyi wanben ûohiö, hnyi ûen e ame ohia li taun ame laba hnyin Lota.

Numera 31:19

Ke öbun e he ka hunuma hoton hna hunuma hnyi seven ta bong; a je hnyat unyibun adre hia but hlingâ at, me hnyat unyibun adre hia but kâlâ komok, me obosoi öbun bi me anyibun je bâ hnyi bong a kuniny me bong a seveniny.

Ta je huliwa 10:28

me e ame ha ködra, ka habe, E khanʼ öbun a gʼ adre hnyiboâ at Juda he ka ûkhacaköu me ûhakekenyi me aten ta je hnyei; ke so bi Khong ame hia but omanenâ könya, a oge me ca he bi ka hâiâ at, ka habe, e kap, me ikiki:

Ta je huliwa 27:24

ame ha, ka habe, Paulo lö, ca ot bi; anyin a u me he bala ka tot hnyi hnyimakö Kaisara: ke wâ bi, a hia but Khong ham ödra hia köu, tavat adre me tha kec möu.

I. Korinito 5:12

Hnân eû könya he ka owisa tavat eû hnyöu? Hawa öbun e ca owisa tavat adre me laba eû hnyin,

Efeso 2:12

ke ca e unyibun Keriso hnyi ta je bong eling, ke ta je atkanyua öbun hnyi bongon at Isaraela, ke ta je atkanyua öbun hnyi je ûhihinyköu waleji adre me ha bânâ, ke ba geju unyibun ke ba minya Khong eang hmeledrany.

Heberu 11:31

Hnen labageju ame ca tha mok Rahaba, a momo hnyi gethen, me tavat adre me ca ûling, anyin a e ame kap soâ li at adre kunâ he ka ecmak.

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.

Josua 2:13

ke omeli cica, me bai, me lahanik, me je liamekeiny mönya, me ta je ûnyi hia unyidrin, ke: omeli öhmun, mʼ öhmun e ca he bi ka mok.

Josua 2:16

Ke e ame ha ködru ka habe, Kec dʼ öbu ka hnyi bucen, wâ e nye ûkhanö möbu tavat ûhnûhnû; me öbu me lubaduöng eling hnyi kun ta bong, ke ne o but ame hmetu tavat ûhnûhnû: ke hwa ban e, mʼ öbu he thö.

Josua 2:18

Wâ bi, öhmun ka e hnyi hnyei eang, hamâm he ka hûkâlâ tö ae dra eang hnyi mamalama u je hnʼ ohmu hnyin: ke u me he ka ûkhacaköuâ unyâm e hnyi hnyabam eang kâmâm me hinyâm, me je liamekeiny mou, me lap hia anyin kâmâm.

Owisa 1:25

Me e ame omanenâ ködrin homagöuleny taun, me odrin e kot taun ge hele vat; ke odrin e hna but at me anyin lap hia.