Josua 6:21 - Iaai Bible 1901 (New Caledonia)

²¹ Me ödrin e ti ohia ta je ûnyi hia hnyi taun, je baga me momo, me wanakat, me hingat, me bolok, me mamoe, me asina, ge hele vat.

Josua 6:21 ပူးပေါင်းရင်းမြစ်များ

I. Je Than 20:42

Me haingen kâu, ka habe, Walang hna ha hnö Iehova, ka habe, Anyin a u je hna at oge me hangâ ûnyi hnyi hnyamâm, me ame he ânyâm möt ka bi hwaban anyin möt, me lakem ka bi hwaban lakeiny.

Jeremia 48:18

Hlu ame laba hnyi Dibona lö, utut ûhem hnyi ânyâm hmanenang, ke laba biju hnyi dok ae atgec; anyin ame o köu at ame söh Moaba, e ame ohia ânyâm je hnabâ.

Deuteronomi 13:16

Ke u me he ka khon ta je ûnyi hia adre hûgûnâ ka hnyi wanben gethen, me le degecâ taun ge meic, me ta je ûnyi hia adre hûgûnâ, hobi kö Iehova Khongom: kʼ ame be ka hna digic thatûnyi nyiele balua, kʼ adre me ca he hmetu ka op e.

Deuteronomi 2:34

Me ate me hûgûnâ anyin ta je taun hia hnyi ûen eling, me ti ohia je taun adre labā, tha e me je momo me tavat ae ûhnyûkong; ke ba kolon:

Deuteronomi 7:16

Ke u me he ka ohia ta je hnyei hia ame he Iehova ka hna köu; kʼ ame ca he emakâm ka betenge gadra: ke u ma ca bi athnyabainy anyidra je khong; anyin â wale hnân nuc u.

Josua 10:28

Ke Josua ame hûgûnâ Makeda hnyi bong eling, me kot e ge hele vat, me thaniny e; e ame ti ohiʼ ödrin me tavat hia thithö hnyin, e ame ca hna bi ke kolon a khaca: ke e ame ânyâ ka thaniny Makeda helâ me hnen hna ânyâ ka thaniny Jeriko.

Josua 10:39

ke e ame hûgûnâ e, me thaniny, me je tauniny hia thithö; ke adre me kuc ödrin ge hele vat, me ti ohia tavat hia thithö hnyin; e ame ca hna but ke kolon: helâji me hnen hna ânyâ ka Heberona, helâe minya e ame ânyâ ka Debira me thaniny; ke helâji me hnen hna ânyâ ka Libena me thaniny.

Josua 11:11

Ke adre me kot tavat hia thithö hnyin ge hele vat, adre me tha ohiʼ ödra: ke ba kolon ame menâ: ke e ame le degecâ Hazora ge meic,

Josua 11:14

Ke haba ta je omjeû hia hnyi je taun eling me omeno, me lakon Isaraela adre me hom hobi ködrin bi; ke so bi adre me hlingâ tavat hia thithö ge hele vat ke ne o but ame hiʼ ödra, ke ba but kolon ame menâ.

Josua 8:2

ke u me he ka ânyâ ka Ai me thaniny, helâ me hnâm hna ânyâ ka Jeriko me thaniny: ke so je omjeûiny me je menoiny öbun e he ka hom hobi köbun bi: u me he ka ip mokut ke je aten vat hoton e.

Josua 8:22

Ke haba ke keihen tavat ödrin e didrut ködrin ûheny hnyi taun; me ödrin bi hnyi wanben at Isaraela, keihen hnyi ke keihen, ke keihen hnyi ke keihen: ke ödrin e kuc ödrin me ame ba but thelidrin me at ame kec möt.

Josua 9:3

Ke a long at Gibeona ûnyi a ânyâ Josua ka Jeriko me Ai,

Hna Omanenâ 18:21

Ke haba ke angela ae hwege ame hom veto helâke me veto adre omomono ae gan me khûâ ka hnyi köiö, me ha, ka habe, Helâe minya adre me he ka hagutâ Babulona taun ae gan, ge hna khûâ ae hwege, ke adre me ca he hmetu ka wâ e bala.

I. Samuela 15:3

Ke he thö walang ang, me kuc Amaleka, me tha ohia anyidrin ta je ûnyi hia, ke ca he ka betenge gadrin: ke so bi kot hia thö obaga me omomo, je mendreng me at ame i, je bolok me mamoe, je kamela me asina.

I. Samuela 15:8

Ke e ame hom meli Agaga thaniny at Amaleka, ke adre me tha ohia tavat hia ge hele vat.