Josua 6:18 - Iaai Bible 1901 (New Caledonia)

¹⁸ Ke öbun e he ka tuʼ öbun bi ge ta je omjeû ae kap; wâ öbun nye hia but ke ip, me hom ûnyi adre ke ip; me ham hnaûhango ka lap anyin, at Isaraela hia, me okongoâ e.

Josua 6:18 ပူးပေါင်းရင်းမြစ်များ

II. Samuela 21:1

KE e hu hmiâ hnyi ûö Davita a kun hunainy, ke huna me ke huna; ke Davita ame elâm hnyimakö Iehova. Ke Iehova ame thu, ka habe, Ga Saulo me anyin lap ame hingâlâ dra, anyin a e ame hlingâ at Gibeona.

At Khet 9:18

E so metâ hon je omjehen vat; ke haba at hulo a khaca, me ame okongoâ so ae gan hmâ.

Jona 1:12

Ke haingen kodra, ka habe, Hum nya thö, me khûö nya but hnyiköiöai; me me he ka ta but hau hnyi köiö köbun: anyin ae khanö nya ame o but weneû ang ae gan hnyi köiö köbuo, cak thibi.

Roma 12:9

E so betenge ke ba thoi hnyin. Ikikiâ thö ûnyi ae kong; kece ju ka ûnyi ae so.

II. Korinito 6:17

Anyin a wale, haingen Than, ka habe, Didrut öbun gadra, ke ve laba but, Ke ca kâlâ bi ûnyi ae ikiki; Ke oge me he ka köp öbun,

Efeso 5:11

ke ca hnyi hanen öbun ta je huliwa hnyi menekholom ae ba wan, ke so bi he ka thawâ;

Deuteronomi 13:17

Ke e so ame ca he ka kece ka hnyi hnyamâm ûnyi adre ohnauhangoâ: me me he Iehova ka degec ûbâhlâiny hmönyin, kʼ ame he ka betenge gam, me hnyok köu, me osehiö u, helâ me hnen hna khemanyin ka lakâmâm;

Deuteronomi 23:10

A ne hu ke at unyâm ame ca bo so can ûnyi a o kâu hnyi hnyinghet, me hamen he ka he ka hnyi hoton hna hunuma, kʼ ame ca he ka hmetu ka hnyi hna hunuma:

Deuteronomi 7:26

ke u me ca he ka hom ûnyi ae ikiki ka hnyi umâm uma, wâ adre nye obnaûhangö u helâ me; ke u ma he ka ti ikikiâ e, me ti hûkötiâ, anyin a e ûnyi adre ohnaûhangoâ.

Iakobo 1:27

Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.

Josua 7:1

KE kong hwakecin lakon Isaraela hnyi ûnyi adre nyiboâ: anyin a haba Akana nöku Karemi, nöku Zabedi, nöku Zera, ûnyi hnyi tribu Juda, ame hom ke je ûnyi adre nyiboâ; me ame ubâhlâ hmonyin anyi Iehova ka lakon Isaraela.

Josua 7:13

Höhöi thö me okabâ thö tavat, me ha, ka habe, Okabi öbun dö hobi kâu nyi: anyin a walang ame ha Iehova Khongu Isaraela, ka habe, Isaraela lö, e hu ûnyi adre nyiboâ unyâm: ke ca kbanö u he ka tot hnyi hnyimakan je iwahnaihmiony mou, ke ne o but öbun e hom degecâ ûnyi adre hake ip unyibun.

Josua 7:15

Ke haba at adre me hom ke e unyin ûnyi adre hake ip, me adre me he ka thong degecâ e ge meic, e me anyin ta je ûnyi hia: anyin a e ame hia but hanyâûâ ûhihinyköu anyi Iehova, ke can e ame hwen monu hnyi Isaraela.

Josua 7:25

Ke haba Josua ame ha, ka habe, Ieû gam u me oveci ohmun? ame he Iehova ka oveci u hnyi bong ang. Me haba at Isaraela hia adre me lûâ e ge veto; ke ödrin e thong degeci ödrin ge meic, me luʼ ödrin ge veto.

I. Ioane 5:21

Je wanakat lö tuʼ öbun ju ge ta je hnatheat.

I. Samuela 15:9

Ke Saulo me tavat ödrin e omeli Agaga, me je mamoe ae so, me bolok, me je meno ae pipikenya, me je nokon mamoe, me ta je ûnyi hia ae so, ke ca wedrin he ka tha ohia ta je ûnyi e: ke haba ta je ûnyi hia ae kong me ûnyi baû adre me tha ohia.