Josua 6:17 - Iaai Bible 1901 (New Caledonia)

¹⁷ Kʼ adre me he ka ke ip taun, me ta je ûnyi hia eû hnyin hobi kö Iehova: ke Rahaba thiju momo hnyi gethen a gʼ ame he ka möt, e me hnyat hia thithö unyin hnyi uma, anyin a e ame ikhâlâ li metâ otin e kunâ.

Josua 6:17 ပူးပေါင်းရင်းမြစ်များ

Genese 12:3

ke oge me he ka ohnahici ödra adre me ohnahici u, ke haba at ame hangö u oge me he ka hangâ: ke ame he ka hnahic ut ûnyi gam ta je hnyei hia eang hmelen.

Ezera 10:8

ke haba ödrin hia tavat adre me ne ca o hnyi kun ta bong, hoton hofuc hwan than me wahingat, adre me he ka ohia anyidrin ta je ûnyi hia, me oûsakâû ödrin me ûkhacaköu anyin hoûbâ.

Isaia 34:6

A sekon dut ge dra hele vat anyi Iehova, adre me opipikhenya e hnen dren lakon ta je mamoe me ta je got, me pipikhenyainy je wagien je mamoe baga: anyin ae hu hut kö Iehova hnyi Bozera, me ûhlingö ae gan hmâ hnyi knyei Edoma.

Jeremia 46:10

Anyin a bong bongon Than Iehova tuhan sabaoth bong eling, a bong bi hwaban, he ka bi hwaban ka je iwahnaihmiony më: ke ame he hele vat ka an, me sekon, ke ijem drödra me me sekon: anyin ae hu hut ka Than Iehova tuhan sabaoth hnyi hnyei hnyi hwadro hnyi wagewe Euferate.

Ezekiela 39:17

Ke haba u, nokon at lö, walang hna ha hnen Than Iehova, ka habe, Ha thö ka je meno hia ame gâ, me je menoiny hnyot hia, ka habe, Ûkhacaköu thö, ke ai öbun; ûkhacaköu ûhebun hnyi je ke keihen hia ka hnyi anyik hut wale oge me hudo hobi köbun, a hut ae gan hmâ walethö hon je bucen Isaraela, mʼ öbun e he ka an utiö me ijem dra.

Levitiko 27:21

ke ödra ka hna hnyei hnyi jubeli, me ame he ka kap kö Iehova, helâ me hnyei adre nyibo; kʼ ame he ka iny at bihut.

Mika 4:13

Todrö, huje, u hluiny Ziona: anyin oge me he ka wia ânyâm fao meno me me fao bi, ke oge me he ka wia je boûjimen je bacam me me bras: mʼ u me he ka kot omomono je hnyei ae se: ke u me he ka ham kö Iehova hnödra je hna söh, ke je omjehedra ka Thaniny hmeledrany hia.

Mataio 25:40

Me ame he Than ka thu ködrin, ka habe, E hnathu inya oge me ha köbun, habaji ge hnobun hna ânyâ ka ke at gadra ae ûhnyûkong hmonyin a je liamekeiny mönya, me öbun e ânyâ ling könya.

I. Korinito 16:22

A ne ca hnyok bi ke at ka Than Iesu Keriso, e so he ka anathema e. Maranatha.

I. Korinito 2:7

ke ohmun e ha metâ anyin Khong ûnyi ae iyong, waleji adre me ikhâlâ, ke a ip hnen Khong adrem ke tiga hia bi hmeledrany hnân ogânʼ öta:

Galatia 3:10

Anyin a haba tavat adre me laba hnyi ta je huliwainy hnanyibu, me ödra but hnyi hmelen hnaûhango: anyin adre hia but sihnalimen, ka habe, E ve hnaûhango but ödra hia adre me ca tethmâ hnyi ta je ûnyi hia thithö adre me sihnalimen hnyi tusiny hnanyibu he ka ânyâ.

Galatia 3:12

ke haba hnanyibu me ca hanen bi labageju; ke, Haba at ame he ka vheno e, me e ame he ka möt kâu.

Deuteronomi 20:17

ke u me he ka ti ohiʼ ödra; wale at Heth, me Amora, me Kanana, me Perizi, me Hivi, me Jebusi; helâ me Iehova Khongom ame hûna köu:

Heberu 11:31

Hnen labageju ame ca tha mok Rahaba, a momo hnyi gethen, me tavat adre me ca ûling, anyin a e ame kap soâ li at adre kunâ he ka ecmak.

Heberu 6:10

anyin a ca hwakecin ae ca wisa Khong, me me he ka hnying anyibun huliwa, me ibetengiö öbun e omanenâ ka hnyi ien, wale hnyi hnobun hna bi athnyabainy wakap, me labö bi athnyabaidra.

Iakobo 2:25

He helâe minya, adre ca haiwisai Rahaba momo hnyi gethen ge ta je huliwa hnyi hnen hna kap soâ li at ecmak me kunʼ ödru hnyi ke gethen bi?

Josua 2:1

KE haba Josua nöku Nuna ame kunâ duöngâ ûheny Sitima li at he ka ecmak, me ha, ka habe, He thö ka wâ hnyei, me Jeriko. Me ödru me he me o ka hnyi uma umen momo hnyi gethen, Rahaba ien, me mokut eling.

Josua 2:22

Ke ödru me he but me o ka hnyi bucen me laba eling hnyi kun ta bong, ke ne o but ame hmetu tavat ûhnûhnû: ke adre elöm ödru hnyi gethen hia ge tavat ûhnûhnû, me ödrin e ca wâ bi.

Josua 7:1

KE kong hwakecin lakon Isaraela hnyi ûnyi adre nyiboâ: anyin a haba Akana nöku Karemi, nöku Zabedi, nöku Zera, ûnyi hnyi tribu Juda, ame hom ke je ûnyi adre nyiboâ; me ame ubâhlâ hmonyin anyi Iehova ka lakon Isaraela.

I. Samuela 15:3

Ke he thö walang ang, me kuc Amaleka, me tha ohia anyidrin ta je ûnyi hia, ke ca he ka betenge gadrin: ke so bi kot hia thö obaga me omomo, je mendreng me at ame i, je bolok me mamoe, je kamela me asina.

I. Samuela 15:6

Ke haba Saulo ame ba ka at Keni, ka habe, E, kec dö öbun, utut ge at Amaleka, wâ oge ne he ka tha ohiʼ öbun mödrin: anyin a öbun e betenge ge lakon Isaraela hia waleji hnyi ûhedrin jem ûheny Aigupito. Me ame he but at Keni ge at Amaleka.