Josua 6:13 - Iaai Bible 1901 (New Caledonia)

¹³ Ke haba hnyat bihut a seven, me ödrin e hom tilâ je trutruiny jubeli a seven hnyi hnyimakan tang anyi Iehova, ödrin e he bala me tûö trutru tot, kʼ ame bân tavat adre hom omjehen vat; kʼ ame he hoton tang anyi Jehova obiny bunyen, me tûö trutru tot.

Josua 6:13 ပူးပေါင်းရင်းမြစ်များ

I. Man Ûlabainy Je Than. 15:26

ke ame hadruâ at Levi hnen Khong hnyat vadren tangen ûhihinyköu anyi Iehova, me ödrin e hudo je bolok a seven, me je mamoe baga a seven.

Numera 10:25

Ke ame hwân haten lap anyi Dana ka he, wale obiny je lap hia, hoton anyidra je utbavat, ke haba at ame musö anyin vat, me Ahiezera, nöku Amisadai.

Mataio 24:13

Ke haba at ame he ka tethmâ ke ne o but obiny, me e ame he ka möt.

Galatia 6:9

E so ate me ca sënyin hnyi huliwa ae so: anyin ate me he ka meno hnyi ûen cici, at ka ca sënyin bi.

Josua 6:12

Ke Josua ame vesâ hnyi hnyomakatu, ke hnyat bihut ödrin e hom tang anyi Iehova.

Josua 6:14

Ke hnyi bong a loiny ödrin e okaca he igigilö taun, me hmetu ka hnyi hna hunuma: ke adre me ânyâ helâe hnyi je bong a siks.

Josua 6:4

Ke ame he tavat bihut a seven ka hom tilâ je trutruiny jubeli hnyi hnyimakan tang: ke haba hnyi bong a seveniny, hamöbun he ka oseven he igigilö taun, ke ame he tavat bihut ka tûâ tilâ je trutru.

Josua 6:9

Ke ame bân tavat adre me hom omjehen vat hnyi hnyimakan hnyat bihut ödrin e tûâ je trutru, ke ame he hoton tang obiny bunyen, ke adre me tûö trutru tot.