Josua 24:31 - Iaai Bible 1901 (New Caledonia)

³¹ Ke haba at Isaraela adre me bi athnyabai Iehova hnyi je bong hia bongu Josua, me je bong bongon wahingat a ûtangköu me Josua, hnyat adre hnyi wâ je huliwa hia anyi Iehova hobi kâu at Isaraela.

Josua 24:31 ပူးပေါင်းရင်းမြစ်များ

Genese 14:10

Ke unöngöt Sidima hnyigöulen bucen ge ta je op hmudra; ke a kec ut li than Sodoma me Gomora, ke adre me ta ju eling, ke haba je kolon adre me kec ka hnyi bucen.

II. Man Ûlabainy Je Than. 24:2

Ke haba Joasa ame ânyâ ûnyi ae wisa hnyi hnyimakö Iehova, hnyi je bong hia bongu Jehoiada at bihut.

II. Man Ûlabainy Je Than. 34:33

Ke haba Josea ame ohia ta je ûnyi ae ikiki hnyi ta je hnyei iny lakon Isaraela, kʼ ame musi ödrin hia adre me wâ hnyi Isaraela he ka bi athnyaba, wale he ka bi athnyabai Iehova Khongudrin. Ke haba hnyi bongon je bong hia ödrin e ca saû, kʼ ödrin e hnu hotu Iehova, Khongon lakamödrin.

Ta je huliwa 20:29

E khanö nya a hwaban dö ûhek, ame he ka didro köbun ta je luko ûhûlû, kʼ ödrin e ca he ka ihulo hnahat mamoe;

Deuteronomi 11:2

Khanʼ öbun ju hnyi bong ang: anyin a oge me ca fuc ka lakubun, tavat ae ca khana ke ca hnyi wâ hna bi hwaban ûnyi ga Iehova Khongubun, ge ûganiny, me hnyamen ae hwege, me benyin adre hai,

Deuteronomi 11:7

ke so bi öbun e hia but wâ ge je emaköbun ta je huliwa ae gan hia anyi Iehova, waleji e ame ânyâ.

Deuteronomi 31:13

me me löng hnen lakudra á hnyat adre tiga ca löng, we nâ he ka outö Iehova Khongubun, hnyi je bong hia öbun e laba hnyi hnyei öbun e he ka hanyâûâ Joridano ka hnyin he ka hu e.

Deuteronomi 31:29

Anyin ae khanö nya a iny ka mokcu, me öbun e he biju ka oikiki öbun, me sâû ûnyi hnyi gethen waleji oge hûna köbun; ke ame he ka o kong köbun hnyi ta je bong a biliny; anyin a öbun e he ka ânyâ ûnyi ae kong hnyi hnyimakö Iehova, he ka ohmönyinâ e ge je huliwa ae kong anyin li hnyamöbun.

Filipi 2:12

Anyin a wale, je oûnykûmik lö, helâji me hnobun hna labö long gak, ca hake e thibi waleji ke inya unyibun, ke ti gan hmâ walang ang ke hiö nya, awe, huliwan dö hna omeli öbun ke ot me öbubuny;

Owisa 2:10

Ke ame ûkhacaköu dö eling hia me lakamödrin: ke ame kû ke dö hwabodrin ae ca khanʼ ödrin Iehova, me je huliwa e ame ânyâ hobi kâu at Isaraela.

Owisa 2:6

Ke Josua ame kunâ tavat, me haba lakon Isaraela ödrin e ve he ka hnyi je idrin he ka labā hnyei.

Owisa 2:7

Ke ame bi athnyabai Iehova tavat hnyi je bong bongu Josua hia, me hnyi je bong hia thithö bongon je hingat ae ûtangköu me Josua, tavat adre hia but hnyi wâ ta je huliwa hia thithö ae gan hmâ anyi Iehova, waleji e ame ânyâ hobi kâu at Isaraela.