Josua 24:26 - Iaai Bible 1901 (New Caledonia)

²⁶ Ke Josua ame sihnalimen ta je hofuc ang hnyi tusiny hnanyibu anyin Khong; ke e ame hom ke veto ae gan me otilâ eû hmelen iwajo hnyi baten dok ae kap anyi Iehova.

Josua 24:26 ပူးပေါင်းရင်းမြစ်များ

Genese 31:45

Ke Jekob ame hom veto me otilâ hnân haten.

Genese 35:4

Ke ödrin e ham kö Jekob ta je hnatheat kanyua hia unyidra, me je wen ûnyi hnyi ta je hnyikonyödrin; ke Jekob ame ikhâlâ je ûnyi e hmelen iwajo hnyi haten Sekema.

Genese 35:8

Ke a mokcu Debora at ame hat Rebeka, kʼ adre konâm hmelen Bethela, eû hmelen iwajo: kʼ adre hwenyi ien e Alona-bakota.

Esodo 24:4

Ke haba Mose ame sihnalimen je hofuc ho Iehova, me vesâkong, me otilâ taben hut hmelen bucen, me je veto ame tot a twelv hoton je tribu a twelv anyin at Isaraela:

Owisa 9:6

Ke ame ûkhacaköu at Sekema hia, me lap anyi Milo hia, me he me otilö Abimelek me me than, hnyi iwajo, baten veto ame tot hnyi Sekema.

I. Samuela 7:12

Ke Samuela ame hom ke veto, me otilâ wanben Mizepa me Seni, me hwenyi ien Eben-eza, haingen, ka habe, Iehova ame hadruʼ ota ke ne o but eang.