Josua 24:25 - Iaai Bible 1901 (New Caledonia)

²⁵ Me haba Josua ame ûhihinyköu me tavat hnyi bong eling, me otilâ hobi ködra hnanyibu me hna owisa hnyi Sekema.

Josua 24:25 ပူးပေါင်းရင်းမြစ်များ

Genese 35:4

Ke ödrin e ham kö Jekob ta je hnatheat kanyua hia unyidra, me je wen ûnyi hnyi ta je hnyikonyödrin; ke Jekob ame ikhâlâ je ûnyi e hmelen iwajo hnyi haten Sekema.

II. Je Than 11:17

Haba Jehoiada ame ânyâ ke ûhihinyköu wanbö Iehova me than me tavat, me me lakei Iehova ödrin; wanben than me tavat minya.

II. Man Ûlabainy Je Than. 15:12

Ke ödrin e ûhihinyköu he ka elöm Iehova Khongon lakamödrin ge hnyekudrin ae bekhot me hanudrin ae bekhot;

II. Man Ûlabainy Je Than. 15:15

Ke haba at Juda hia ödrin e senyinâ hna khemanyin: anyin ödrin e khemanyin ge hnyekudrin ae bekhot, me elâm e ge wedrin ae bekhot; me ödrin e wâ e: ke haba Iehova ame omenʼ ödrin igigilo.

II. Man Ûlabainy Je Than. 23:16

Haba Jehoiada ame ânyâ anyin ûhihinyköu me tavat hia me than, mʼ ödrin e lakei Iehova bi.

II. Man Ûlabainy Je Than. 29:10

Ke walang ang ame mokut eû hnyi hnyekuk he ka ânyâ ke ûhihinyköu me Iehova, Khongon Isaraela, me me he ka hia but gatin anyin hmonyin ae gan hmâ.

Nehemia 9:38

Ke so bi ûnyi hnyi ta je ûnyi hia eling ohmun e ânyâ ûhihinyköu ae hnathu, me sihnalimen; ke haba tuhöhmun, me at Levi unyihmun, me tavat bihut unyihmun, me ödrin e ohmâ haten.

Esodo 15:25

Me ame tenge kö Iehova, ke Iehova ame omanenâ kâu ke ûö, me ame khûâ ka hnyi an, me ame hnam but an. Ke waleling e ame otilâ hobi ködra hnanyibu me hna owisa, kʼ ame cubic odra eling;

Esodo 24:3

Ke Mose ame he me thumeto ta je hofuc ho Iehova, me ta je hna owisa hia; ke ame thu hnen tavat hia hnyi hofuc a khaca, ka habe, Ohmun e he ka ânyâ ta je hofuc hia a ba hnö Iehova.

Deuteronomi 29:1

WALANG je hofuciny ûhihinyköu, waleji Iehova ame hûna kö Mose he ka ânyâ me lakon Isaraela hnyi hnyei Moaba, ke ca ha bi hna ûhihinyköu mödra hnyi Horeba.

Josua 24:1

KE haba Josua ame ûkhacaköuâ je tribu Isaraela hia hnyi Sekema, me hawâ wahingatiny at Isaraela, me je ban, me je hnyat owisa, me je homakan gadra; me adre me o hnyi hnyimakan Khong.

Josua 24:26

Ke Josua ame sihnalimen ta je hofuc ang hnyi tusiny hnanyibu anyin Khong; ke e ame hom ke veto ae gan me otilâ eû hmelen iwajo hnyi baten dok ae kap anyi Iehova.