Josua 24:20 - Iaai Bible 1901 (New Caledonia)

²⁰ Ke öbun ka he ka hna degeci Iehova, me bi athnyahabainy je khong kanyua, awe, e ame he ka hwio me okongu öbun, me ohi öban, hwaban ta je ûnyi ae so e ame ânyâ köbun.

Josua 24:20 ပူးပေါင်းရင်းမြစ်များ

I. Man Ûlabainy Je Than. 28:8

Ke walang ang, inya oge me ba hnyi hnyimakan at Isaraela hia, a ûkhacaköu anyi Iehova, ke ame long minya Khongutin, ka habe, Wâ wia ju, me elâm dö ta je hnanyibu anyi Iehova Khongubun; me me hu gabun hnyei ang ae so, me hnân iny lakubun hwaböbun nyiele balua.

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

II. Man Ûlabainy Je Than. 15:2

me e ame he ka ûkhanö me Asa, me ha kâu, ka habe, Asa lö, long ju öbun könya, Juda me Beniamina hia: e bala bi Iehova unyibun hnyi ûen öbun e tha öbun më; ke öbun e ne elâm me öbun e he ka wâ e; ke öbun e ne degec, me e ame he ka digic öbun minya.

Ezera 8:22

Anyin a iny hmehma he ka sumâtâ ge than je soje me tavat tabô hors he ka badruʼ öhmun can je iwahnaihmiony eû hnyi gethen: anyin a öhmun e hia but ha ka than, ka habe, E bala bi hnyamen Khonguhmun hnân so ködrin a hnyat adre me elâm e; ke haba maniny man me anyin hmonyin me e bala bi hudrin hia thithö tavat adre me hna degecâ.

Salamo 89:31

Adre me ne hanyâûâ hnok je hna otilâ, Me ca tuö anyik ta je hnanyibu;

Isaia 1:28

Ke ame he ka tha hnaûhango tavat hanyâûâ me tavat ae kong, kʼ ame he ka hia but tavat adre me hna degeci Iehova.

Isaia 63:10

Ke adre me ûkhin fuc, me ovecâ banon ae kap: anyin a wale e ame hwio but me ame iwahnaihmiony mödra, ke e ame ka hamen bi vat mödra.

Jeremia 17:13

Iehova gejon Isaraela lö, adre me he ka hmehma ödra hia adre me hna degeci u; ke haba tavat adre me digic nya, me adre me he ka sihnalimen hnyi kânâ, anyin adre me hna degecâ köiöiny mot ame pupua, wale a Iehova.

Ezekiela 18:24

Ke ame ne hmetu at ae wisa ûnyi hnyi anyin hwakecin ae wisa, kʼ ame ânyâ bi hulo, kʼ ame ânyâ hia je ûnyi ae ikiki wale ame ânyâ at ae kong, hawa, e ame he bi ka möt? Haba ta je hwakecin hia ae wisa waleji e ame ânyâ, me adre me ca he hmetu ka ha: ke haba anyin monu waleji e ame monu hnyin, ke anyin hulo waleji e ame hulo hnyin, me e ame he ka moko.

Ta je huliwa 7:42

Haba Khong ame hwio thö me hnʼ ödra but he ka bi athnyabainy ta je ûnyi hnyi drany; helâ me hna sihnalimen hnyi tusi anyin je perofeta, ka habe, Hawa, öbun e hudo könya ta je meno adre me hlingâ me ta je hut Hnyi hnyebuba hnyi je huna a fâte, lap anyi Isaraela?

Deuteronomi 4:25

Ke e ka hu lakom me laöbem, ke beû ulabaibun hnyi hnyei, kʼ öbun ka okongu öbun bi, me bi hnatheat, he ka oûco ke ûnyi, me ânyâ ûnyi ae kong hnyi hnyimakö Iehova Khongom, me ohmönyinâ:

Deuteronomi 4:26

awe, oge me hawâ drany me hmeledrany he ka ohnathoâ gabun hnyi bong ang, a gʼ adre me he ka ie ohiʼ öbun ûnyi hnyi hnyei wale öbun e hanyâûâ Joridano he ka hu gabun; kʼ ame ca he ka se hia bongubun je bong hnyin, kʼ adre me he ka ti ohiʼ öbun.

Heberu 10:38

Ke ame he ka möt atök ae wisa hnen labageju: Ke ame ne hmetuhmetu but, me ame ca he bi hnyekuk ka senyin kâu.

Josua 24:21

Me ame ha tavat kö Josua, ka habe, Ohe, öhmun e he bi ka bi athnyabai Iehova.

I. Samuela 12:15

ke öbun e ne ca long hoton hofuc ho Iehova, kʼ öbun e ne hanyâûâ hnanyibu anyi Iehova, awe, ame he ka iwahnaihmiony möbun hnyamö Iehova, helâji me ka je lakamöbun.

I. Samuela 12:25

Ke öbun e ne be bala ka ânyâ hwakecin ae kong, awe, adre me he ka tha ohiʼ öbun me tuhöbun.