Josua 24:19 - Iaai Bible 1901 (New Caledonia)

¹⁹ Ke Josua ame ha ka tavat, ka habe, E ca khanʼ öbun he ka bi athnyabai Iehova; anyin a e Khong ae kap; me Khong ame ciâ; e ame ca he ka hna anyibun hulö me anyibun je monu.

Josua 24:19 ပူးပေါင်းရင်းမြစ်များ

II. Man Ûlabainy Je Than. 36:16

Ke so bi ödrin e hluma je uthumetu anyin Khong, me hûkotiâ hwan hofuc, me hiâ anyin je perofeta, ke ne o but ame okûâ hmonyin anyi Iehova ka lakeiny, ke ne o but ae ba ûnyi hnân omelö.

Salamo 99:3

E so adre me he ka ogânâ iâm ae gan me hnân outen: E kap thibi e.

Salamo 99:5

Ogöranyi Iehova thö a Khonguta, Ke khudrung ju hnyi taben li hnyeûcan: E kap thibi e.

Salamo 99:9

Ogöranyi Iehova thö a Khonguta, Ke khudrung ju hnyi anyin ong bucen ae kap: Anyin ae kap Iehova a Khonguta.

Esodo 20:5

u ca he ka khudrung ju ködra me bi athnyabaidra: anyin a inya Iehova Khongom, Khong ame ciâ, at ame bi hwaban monu anyin je kamen ka ta je mâtrân ke ne o but dö a kuniny me dö a vakiny adre me hûkötiö nya;

Esodo 23:21

Wâ wia e bi, me löng hoton hwan hofuc: ca he ka ohmönyinâ: anyin a e ame ca he ka hna degecâ hnâm ta je hna hanyâûâ; anyin a eû hnyi hnyekon iök.

Esodo 34:14

anyin a u me ca he ka khudrung ka ke khong: anyin a Khong ame ciâ Iehova, Ciâ ien:

Esodo 34:7

at ame tuö ibetengiö hobi kâu ta je thauzan, me degecâ monu me hna hanyâûâ me hwakecin ae monu: kʼ ame ca he ka ha me ba hulö anyin tavat ae kong; kʼ ame bi hwaban monu anyin je kamen ka lakon, me laöbiny, ke ne o but hnyi dö a kuniny me vakiny.

Isaia 2:9

Ke ame nom ju hoûmonu, ke ame hnyikânâ but at ae ûnyi hnathu: anyin a wale u me ca he ka kot degecâ anyidra hulo.

Isaia 27:11

Ke e ka meleca ta je vheiny, me adre me he ka thu degecâ; ame he omomo ka he bi, me thong ut ge meic: anyin a e hnyei ame ca wâhmakhmeto; anyin a wale ame ca he ka betenge gadra at ame up ödra, ke haba at ame otilʼ ödra, me ame ca he bi ka ânyâ so ködra.

Isaia 30:11

kec dö ûnyi hnyi gethen, saû but ûnyi hnyi deny, ohia but ûnyi hnyi hnyimaköhmun Kabi Isaraela.

Isaia 30:15

Anyin a walang hna ha hnen Than Iehova, Kabi Isaraela, ka habe, Adre me he ka omeli öbun, öbun ka hmetu me menâ; ke haba tang hwegiöbun, me ame he ka e bi hnyi labawia me labageju: ke so bi e ca webun.

Isaia 5:16

ke adre me oganö Iehova tuhan sabaoth ge hna owisa, kʼ adre me okabâ Khong at ae Kap ge hwakecin ae wisa.

Levitiko 10:3

Ke haingö Mose kö Arona, ka habe, haba ûnyi ang waleji ame ha Iehova, ka habe, Ame he ka okabi nya ge tavat adre me hakekeny könya, kʼ adre me he ka oganö nya hnyi hnyimakan tavat hia. Ke haba Arona ame ca fuc.

Levitiko 11:44

Anyin a inya Iehova Khongubun: okabi öbun dö, mʼ öbun e he ka kap: anyin a iny kap: ke ca obokongi öbun bi ge ta je ûnyi ame iyâû eang hmelen.

Levitiko 11:45

Anyin a inya Iehova at ame hum öbun ûnyi hnyi hnyei Aigupito, me me he ka Khongubun: anyin a wale öbun e he ka kap, anyin a iny kap.

Levitiko 19:2

Ha thö ka ûkhacaköu hia anyin lakon Isaraela, me ha ködra, ka habe, Okabi öbun ju, anyin a inya Iehova Khongubun ae kap.

Levitiko 20:26

Mʼ öbun e he ka kap bi könya: anyin a inya Iehova ae kap, kʼ oge hia but ucʼ öbun ûnyi hnyi ta je hnyei hnân hobi könya.

Levitiko 20:7

Okabi öbun ju, mʼ öbun e kap: anyin a inya Iehova Khongubun.

Nahuma 1:2

Haba Iehova, me e Khong ame ciâ ke bi hwaban: Iehova ame bi hwaban, ke tren hmonyin; Iehova ame bi hwaban ka je iwahnaihmiony më, ke e ame ip hmonyin hobi kâu je iwahnaihmiony më.

Habakuka 1:13

E kalaöt hmonyin li emâkâm, me u je ca bewâ hulö, ke u je höcö wâ hwakecin ae hwali, anyin a ieû u je wâ tavat iyawö, me laba hnyibû hnyi ûen ame he at ae kong ka utâ at ae wisa hon e bi;

Mataio 6:24

E ba at ae khana be ka athnyabainy li tuhan a lo: anyin a e ame he ka hûkötiâ khaca me weny khaca; kʼ ame ne be ka kece ka khaca me hociâ khaca. E ca khanʼ öbun he ka bi athnyabainy Khong me mamona.

Josua 24:18

ke Iehova ame obâ tavat hia thithö hnyi hnyimakötin, wale at Amora tavat adre me labā hnyei: anyin a wale ohmun e he minya ka bi athnyabai Iehova; anyin a e Khongutin.

Josua 24:23

Anyin a wale he thʼ öbun walang ang ka hna degecâ but je kong kanyua uny Ibun, me hna je hnyekubun kö Iehova, Khongu Isaraela.

Rutha 1:15

Me haingen momo, ka habe, Wâ bi, a hmetu but liamekeiny möu ka ta je lahanen, me khongon: bethe hmetu minya ju hoton liamekeiny möu.

I. Samuela 3:14

Anyin a wale oge hia but khemanyin ka lap anyi Eli, a oge me ca he ka ohia hulöiny lap anyi Eli ge hut me bwihlany nyiele balua.

I. Samuela 6:20

Me ame ha at Bethe-semes, ka habe, Ie at ae khana he ka töt hnyi hnyimakö Iehova, Khong ae kap eang? Ke e ame he ka ölö kö ia gatin?