Josua 24:18 - Iaai Bible 1901 (New Caledonia)

¹⁸ ke Iehova ame obâ tavat hia thithö hnyi hnyimakötin, wale at Amora tavat adre me labā hnyei: anyin a wale ohmun e he minya ka bi athnyabai Iehova; anyin a e Khongutin.

Josua 24:18 ပူးပေါင်းရင်းမြစ်များ

Salamo 116:16

Than lö, e hnathu inya athnyabaem: Inyʼ athnyabaem a nokon athnyabaem a momo; U je hia but thang hna cö nya.

Esodo 10:2

mʼ u ma he ka ha hnyi li hnyikönyen nokom, me öbem, ta je ûnyi oge hia but ânyâ ka Aigupito, me ta je hatök oge hia but ânyâ hnyi wanbödra; me me khanʼ öbun dö a inya Iehova.

Esodo 15:2

Ja, a tang hwegiök me anyik khumöng, Ke e thibi ûhömelik: Wale thibi e Khonguk, ke oge me he ka haisoâ; Khongu cica, kʼ oge me he ka ogöranyâ.

Esodo 23:31

Ke oge me he ka si hnyigöulâm hwân hnyi Köiö ae Dra ke ne o but ka hnyi köien at Filisiti, ke hwân hnyi hnyebuba ke ne o but hnyi Wagewe: anyin oge me he ka hna ka hnyi hnyamöbun tavat adre me labâ hnyei; kʼ u me he ka obʼ odra hnyi hnyimâkâm.

Mika 4:2

Ke ame he ka o ta je hnyei ae se hia me ha, ka habe, Ai öbun mʼ ate me he ka ölö ka hnyi bucen anyi Iehova, me uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, ke hofuc ho Iehova ûheny Jerusalema.

Zakaria 8:23

Walang hna ha hnö Iehova tuhan sabaoth, ka habe, Hnyi je bong eling, me ame he hnyat a ten ka kât obiny ûkhaû anyin at Juda, walödrin hnyi ta je hwen hnyei hia, me ha, ka habe, Ohmun e he ka tha he möbun, anyin ae khanʼ ohmun dut a e unyibun Khong.

Ta je huliwa 7:45

Ke haba lakamöta unyi Josua, me adre me hom ûnyi eling hnyi ûen adre me kap hnyei iny Aten ta je hnyei, waleji hnen Khong hna obâ hnyi hnyimakan lakamöta, ke ne o but hnyi ta je bong bongu Davita;

Deuteronomi 10:21

E thibi at u me he ka ogânâ, ke e thibi Khongom, at ame ânyâ ta je ûnyi ae gan me hnân outen hobi köu, waleji ame wâ li emakâm.

Deuteronomi 33:27

Haba hnyabam, me, Khong a nyiele balua; Ke eû hmelâm li benyin a nyiele balua; E ame obâ iwahnaihmiony hnyi hnyimâkâm, Ke haingen, ka habe, Ohia but.

Josua 23:9

Anyin a hia but Iehova obâ hnyi hnyimaköbun je hnyei ae gan me hwege: ke haba öbun, me ba at ame tot hnyi hnyimaköbun ke ne o but hnyi bong ang.

Josua 24:17

anyin a Iehova Khongutin wale at ame hum otin me lakamötin ûnyi hnyi hnyei Aigupito, ûnyi hnyi hnyaba ae ûthaluo, me ânyâ je haten ae gan hnyi hnyimaköta, me tuʼ öta eû hnyi gethen hia waleji otin e vheno, wanben tavat waleji otin e he wanbödrin:

Josua 24:19

Ke Josua ame ha ka tavat, ka habe, E ca khanʼ öbun he ka bi athnyabai Iehova; anyin a e Khong ae kap; me Khong ame ciâ; e ame ca he ka hna anyibun hulö me anyibun je monu.