Josua 24:14 - Iaai Bible 1901 (New Caledonia)

¹⁴ Ke walang any ot ju kö Iehova, me bi athnyabainy ge hnyok me hnathu minya: ke degec ut je khong wale a athnyabainy lakamöbun hoton Wagewe me e Aigupito; ke bi athnyabai Iehova.

Josua 24:14 ပူးပေါင်းရင်းမြစ်များ

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Genese 35:2

Ke Jekob ame ha ka anyin lap, mʼ ödra hia a tha e më, ka habe, Hna but ta je hnatheat kanyua unyibun, me obosoi öbun, me khaû ju öbun:

II. Je Than 20:3

Iehova lö, oge me khöû köu, Ö u ûnykûme ju walang ang hnok hna he hnathu hnyi hnyimâkâm, me hnyok ae wisa, me ânyâ ûnyi ae so hnyi hnyimâkâm. Ke Hezekia ame tenge hwege.

Ezera 9:11

waleji u je hûna a deny lathnyabaem a je perofeta, ka habe, Haba hnyei öbun e he ka he ka hnyin me hu, hnyei ae bo kong ge bokonginy aten je hnyei, hnen je hwakecidrin ae ikiki wale ame öunöngötâ je ke keihen hnyei ge hwakecidrin ae ikiki.

Jobu 1:1

E HU ke at hnyi hnyei Uza, Jobu ien; ke bekhot me wisa hwakecin, e at ame outen Khong me ûsâkâûö me hulo.

Jobu 28:28

Ke e ame ha ka at, ka habe, Wâ bi, haba hna outen Than, me wale metâ; Ke adre me ne degec hulo, me wale wâ ûnykûme.

Salamo 111:10

Haba hwân metâ wale he ka ot kö Iehova; Ke adre me wâhmakhmeto wia hnen tavat hia adre me ânyâ hoton e: Ame tethmâ hna ogânâ e nyiele balua.

Salamo 119:1

HNAHIC hnen tavat adre me fofâ hnyi gethen, Tavat adre me vheno hnanyibu anyi Iehova.

Salamo 119:80

E so e ba hnyikongon hnyekuk hnyi ânyâm ta je hnanyibu; Me inye ca he ka hmehma.

Salamo 130:4

Ke u thibi at ame thang degecâ, Mʼ adre me he ka outö u.

Salamo 81:10

Inya thibi Iehova Khongom, At ame hum u but ûnyi hnyi hnyei Aigupito: Memang gan hmâ but hnyimâm, me oge me he bi ka öunöngötâ e.

Ezekiela 20:18

Ke oge me ha ka lakudra hnyi hnyebuba, ka habe, Ca vheno bi öbun whakecin lakamöbun, me ânyâ hnödra je hna owisa, me okongu öbun ge anyidra je idola:

Ezekiela 23:3

ke ödru me bi ûnyi monu hnyi Aigupito; ödre bi ûnyi monu kʼ ödru tiga li hlu: kʼ adre hlec eling li basidru, kʼ adre ken eling li baisdru kʼ ödru tiga li hlu.

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Levitiko 17:7

Ke adre me ca he hmetu ka hudo anyidra je hut ka je khong waleji adre me bi ûnyi monu mē. Wale hnanyibu nyiele balua ködra hnyi anyidra ta je dö.

Mika 6:8

At lö, e ame hia but omanenâ köu ûnyi ae so ke ie ke ûnyi ame we Iehova gam, ke so bi he ka ânyâ wisa, me hnyokâ ibetengiö, me tha he me Khongom ke hnyok ae hnyikânâ?

Luka 8:15

Haba keihen hnyi kânâ ae hoso, wale tavat adre me long hofuc me hnyok ae so me hnathu, me kât hmâ, me wa wan a deny hok hnyok.

Ta je huliwa 9:31

Ke hnahic ut ekalesia hnyi je ke keihen Juda hia, me Galilaia, me Samaria, kʼ ame khulelau bi; ke adre me labö he me ot ka Than, kʼ ame kahwa je hnyekudra ûnyi ge Hanu Kap, kʼ adre me osehia but.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

Efeso 6:24

E so e unyibun hia ibetengiö baû, wale a tavat a wedra hnathoâ ka Tuhöta Iesu Keriso.

Deuteronomi 10:12

Ke haba walang ang Isaraela lö, ieû we Iehova Khongom ûnyi gam, ke wale thibi ang, he ka outö Iehova Khongom, he ka vheno deny je gethen hia, me hnyok kâu, me athnyabai Iehova Khongom ge hnyekom ae bekhöt, me hanom ae bekhöt,

Deuteronomi 18:13

U me he ka ti wisa kö Iehova Khongom.

Deuteronomi 6:13

U me he ka outö Iehova Khongom; me bi athnyabainy, me khemanyin hnyi ien.

Filipi 1:10

mʼ öbun e he ka haisoâ ta je ûnyi ae so; mʼ öbun e he ka hnyok hnathu, ke ba hnyikongon gabun ke ne o but hnyi bong bongon Keriso;

Josua 24:2

Ke Josua ame ha ka tavat hia thithö, ka habe, Walang hofuc ame ha Iehova, Khongon at Isaraela, ka habe, Haba kâû adrem ame laba lakamöbun hnyi hoton Wagewe, wale Tera kamö Aberahama, me kamö Nahora: kʼ ödrin e bi athnyabainy ke je khong.

Josua 24:23

Anyin a wale he thʼ öbun walang ang ka hna degecâ but je kong kanyua uny Ibun, me hna je hnyekubun kö Iehova, Khongu Isaraela.

I. Samuela 12:14

Öbun e ne he ka outö Iehova, me bi athnyabainy, me long hwan hofuc, me ca ûkhin fucâ hnanyibu anyi Iehova, ke öbun e ne he bala bi me than minya a musi köbun ka hnu hotu Iehova Khongubun, awe, e so eling:

I. Samuela 12:24

Ke hamöbun bi he ka outö Iehova, me bi athnyabainy hnyi hnathu me hnyekubun ae bekhöt: ke me ûnykûme thʼ öbun ta je ûnyi ae gan e ame hia but ânyâ hobi köbun.

I. Samuela 7:3

Ke Samuela ame ha ka lap anyin at Isaraela hia, ka habe, Öbun e ne hmetu kö Iehova me hnyekubun a khaca, awe, degec ut je khong kanyua me Aseira unyibun, me penapena je hnyekubun kö Iehova, me bi athnyaba thibi kâu: ke e ame he ka omeli öbun ûnyi hnyi hnyamen at Filisiti.