Josua 23:15 - Iaai Bible 1901 (New Caledonia)

¹⁵ Ke e hwâdâ köbun ta je ûnyi hia ae so a ha köbun Iehova Khongubun, awe, helâe ame he Iehova ka oātâ köbun ta je ûnyi hia ae kong, ke ne o but e ame hiʼ öbun hia but ûnyi hnyi hnyei eang ae so a ham köbun Iehova Khongubun.

Josua 23:15 ပူးပေါင်းရင်းမြစ်များ

I. Je Than 14:15

Anyin ame he Iehova ka kot Isaraela helâ me hna jijingâ sa hlowe hnyi an; ke e ame he ka oc me wân Isaraela ûnyi hnyi hnyei ang ae so, waleji e ame ham ka je lakam-ödrin, me ovesei ödrin ka hnyi ke keihen hoton Wagewe; anyin a ödrin e hia but theati Aseira, me okûâ hmonyin anyi Iehova.

I. Je Than 8:56

Ole kö Iehova at ame omenâ lakeiny a at Isaraela, helâ me hnen hna ha bânâ hia: e ca haû bi ke hofuc a khaca hnyi hwan ta je hofuc hia ae so, waleji e ame ha a deny Mose athnyabainy.

Isaia 24:6

Anyin a wale ame an hnyei hnen hnaûhango, ke adre wâ joniny tavat adre me labā e; anyin a wale adre me thong degecâ tavat adre me labā hnyei, ke ödra wakhalet biju je kolon.

Jeremia 32:24

wâ bi je kânâ adre hlu goranyai, adre me o but hnyi taun he ka hûgûnâ e; ke adre me hna taun ka at Kaledaia, tavat adre me vat më, can hele vat, me hmiâ, me mok ae cap: ke ame hwâdâ thö hnâm hna ha; ke, wâ bi, u je wâ.

Jeremia 32:42

Anyin a walang hna ha hnö Iehova, ka habe, Oge me he ka oâ ködra ta je so hia oge hia but ha bânâ ködra, helâji me hnok hna oâ ta je ûnyi hia eang ae kong ka tavat ang.

Jeremia 35:17

anyin a wale walang hna ha hnö Iehova Khongon sabaoth, Khongu Isaraela, ka habe, Wâ bi, oge me he ka oâ ka at Juda, me aten Jerusalema, hia ta je ûnyi ae kong waleji oge ha gadra: anyin a oge hia but fuc ködra ke adre me ca löng bi: ke oge hia but hongot ködra ke adre me ca ieû bi.

Levitiko 26:3

Öbun ka he ka vheno hnok je hna otilâ, me tuö anyik je hnanyibu, me ânyâ;

I. Thesalonika 2:16

kʼ adre me thawʼ öhmun he ka fuc ka Aten ta je hnyei, wale me me ca he ka hu möt gadra; kʼ adre me obekhötâ bala anyidra hulo: ke ame o but kodra hmonyin he ka oumo.

Owisa 13:1

KE haba lakon Isaraela adre me ânyâ hmetu hwakecin ae kong hnyi hnyimakö Iehova; me Iehova ame hnʼ ödra ka hnyi hnyamen at Filisiti hnyi je huna a fâte.

Owisa 3:12

Ke ame ânyâ hmetu bi ûnyi ae kong hnyi huyimakö Iehova lakon Isaraela: ke Iehova ame siwhegiö Egelona than Moaba ka at Isaraela, can ödrin e ânyâ ûnyi ae kong hnyi hnyimakö Iehova.

Owisa 3:8

Anyin a wale ame ubâhlâ hmonyin anyi Iehova ka at Isaraela, me e ame ûcû ödrin ko Kusani-risathaima than Mesopotamia: me lakon Isaraela adre me bi athnyabai Kusani-risathaima eit ta huna.

Owisa 6:1

KE haba lakon Isaraela adre me ânyâ ûnyi ae kong hnyi hnyimakö Iehova: me Iehova ame hnʼ ödra ka hnyi hnyamen at Midiana hnyi je huna a seven.