Josua 23:14 - Iaai Bible 1901 (New Caledonia)

¹⁴ Ke wâ bi, oge me he ka vheno hnyi bong ang gethen deny aten hmeledrany hia: ke e khanʼ öbun dut hnyi ta je hnyok me je hanubun, ae ca haû ke ûnyi hnyi ta je ûnyi hia ae so a ha Iehova Khongubun gabun; e hwâdâ hia köbun, he ca haû bi ke ûnyi a khaca.

Josua 23:14 ပူးပေါင်းရင်းမြစ်များ

Genese 47:29

Ke hakekeny jut ûen ame he Isaraela ka mok; ke e ame baö Josefa e nokon, me hûna kâu, ka habe, U je ne betenge gak, ö u inâ ju hnyamâm hmelen jevak, me ânyâ ûnyi ae so me hnathu könya; u na ca he ju ka könim nya eang Aigupito:

I. Je Than 2:2

Oge me he ka vheno gethen deny aten hmeledrany hia: bethe hwege ju u, me hnyok baga thö;

I. Je Than 8:56

Ole kö Iehova at ame omenâ lakeiny a at Isaraela, helâ me hnen hna ha bânâ hia: e ca haû bi ke hofuc a khaca hnyi hwan ta je hofuc hia ae so, waleji e ame ha a deny Mose athnyabainy.

Jobu 30:23

Anyin ae khanö nya a u me he ka lili nya ka hnyi mok, Me uma adre penapena hobi kâu tavat hia ae möt.

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

At Khet 12:5

eke, adre me he ka outen ûnyi ae gorany, ke e bi eû hnyi gethen ta je ûnyi hnân outen; kʼ ame he saked ka vhong, kʼ ame he ka hmak ge wahamon, ke ba hmetu hna weny: anyin ame he at ka hnyi umen uma a nyiele balua, kʼ ame vheno gethen hnen tavat adre me hnyamok:

At Khet 9:10

Haba hna wâ hnen li hnyamâm he ka ânyâ, ânyâ thö hnen hwegiâm; anyin ae ba huliwa, me ûnykûme, me wâhmakhmeto, me metâ, hnyi erkemok, u me he ka hnyin.

Ezekiela 20:28

Anyin a hnyi ûen oge me hum ödra ka hnyi hnyei, waleji oge me hinöbeny göranyai he ka ham kodra, kʼ adre me wâ je hut hia ae beû, ke je ûö hia ae hlau, me adre me hudo eling anyidra je hut, me ham eling anyidra bwihlany at ame okûâ hmonyin, ke adre me obosoâ anyidra bo so, ke adre me hingâlâ eling hudiny anyi dra ic.

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Luka 21:33

Ame be ka hia drany me hmeledrany: ke ame ca he bi ka hia hok ta je hofuc.

Heberu 9:27

Adre me ip ka tavat he ka okhaca mok, ke hwaban e ûhnei;

I. Samuela 3:19

Ke ame gan tot Samuela, ke tha Iehova mê, ke e ame ca hna he ka kolu ka hnyi kânâ khaca hnyi hwan je hofuc.