Josua 23:13 - Iaai Bible 1901 (New Caledonia)

¹³ awe, wâhmakhmeto ju öbun a gʼ ame ca he hmetu bi Iehova Khongubun ka obâ je hnyei eling hnyi hnyimaköbun; ke ödrin e he ka hnân je hnewe me je ofific köbun, me je osö hnyi je vhaköbun, me ûdö hnyi je li emaköbun, ke ne o but ame hiʼ öbun ûnyi hnyi hnyei ae so a ham köbun Iehova Khongubun.

Josua 23:13 ပူးပေါင်းရင်းမြစ်များ

I. Je Than 11:4

Anyin ae ka hingat ut Solomona, haba laâiân ödrin e wia thö hynekon he ka hnu hoton je khong me monu: ke e ca bekhot bi hnyekon kö Iehova a Khongon, helâ me hnyeku Davita a kamen.

II. Je Than 17:18

Anyin a wale Iehova ame hmonyin gan hmâ kö Isaraela me kunʼ ödrin dut ûnyi hnyi hnyimakan: e ba köluidrin, ke hake so thiju tribu anyi Juda.

II. Je Than 17:20

Haba Iehova ame hna degecâ je mâtrâni Isaraela hia, me oveci ödrin, me hnʼ ödrin ka hnyi hnyamen tavat sei, ke ne o but e ame obʼ ödrin ûnyi hnyi hnyimakan.

II. Je Than 25:21

Ke haba than Babulona ame hlingʼ ödrin hnyi Ribela, hnyi hnyei Hamath. Me adre me hom hwenbâ Juda ûnyi hnyi idrin hnyei.

II. Je Than 25:26

Me ame todru tavat hia thithö ae ûhnyûkong me gan, me je taben vat, me o hnyi Aigupito: anyin a ödrin e outen at Kaledaia.

Salamo 69:22

E so e hnân hnewe anyidra laulau hnyi hnyimakodra; Ke ödra ka laba khötkic, e so ame ofific ûnyi eling.

Esodo 10:7

Ke haingen je lathnyabai Farao kâu, ka habe, Ame he ka hnân knewe köta at eang ke ne o but kehö? hna but tavat mʼ adre me he ka bi athnyabai Iehova Khongudrin: hawa e ca khatö u bala a ga kong ut Aigupito?

Esodo 23:33

Adre me ca he ka laba hnyi em hnyei wâ odra nye bi jönâm könya: anyin a u je ne he ka bi athnyaba je khongudrin, wale thibi e hnân nuc u.

Esodo 34:12

Wâ wiö u bi, wâ u nye ânyâ ûhihinyköu me aten hnyei u me he ka hnyin, wâ e nye he ka nuc u helâ me hnewe unyâm:

Esodo 34:16

ke wâ u nye he ka hom lakudra je hlu hobi kâu lakom je baga, me ame he lakudra je hlu ka bi ûnyi monu me anyidra je khong, kʼ ame he minya lakom je baga ka bi ûnyi monu me anyidra je khong.

Ezekiela 28:24

Ke ame ca he hmetu lap anyi Isaraela ka hu iwadekong ame dâ ke ûdö ae ocen ûnyi gadra igigili ödra, wale hnyat hûköti ödra; ke adre me he ka wâ a inya Than Iehova.

Numera 33:55

Ke öbun e ne ca obâ aten hnyei hni hnyimaköbun, awe, ame he je kolon gadra ka helâ me wajua hnyi je emaköbun, ke helâ me ûnyi hnân ûdö je vhaköbun, ke adre me he ka oveci öbun hnyi hnyei öbun e he ka labā.

Luka 21:24

Ke adre me ke ka ta ge homakan hele vat, me he ka hom hwenbʼ ödra ka aten ta je hnyei: kʼ ame he ka uto Jerusalema hnen aten ta je hnyei, ke ne o but ame bekhöt ut ûen aten ta je hnyei.

Deuteronomi 29:28

ke Iehova ame oc degeci ödra hnyi könödra kânâ hnyi hmönyin me hnyi û, me hmönyin ae gan, kʼ ame obʼ ödra ka hnyi ke hnyei bi, helâ me hnyi bong ang.

Deuteronomi 30:18

awe, inya oge me ha hwegiâ köbun hnyi bong ang a öbun e he ka mok; kʼ öbun e ca he bi ka laba beû hnyi hnyei öbun e he ka hanyâûâ Joridano me he ka hnyin he ka labā.

Deuteronomi 4:26

awe, oge me hawâ drany me hmeledrany he ka ohnathoâ gabun hnyi bong ang, a gʼ adre me he ka ie ohiʼ öbun ûnyi hnyi hnyei wale öbun e hanyâûâ Joridano he ka hu gabun; kʼ ame ca he ka se hia bongubun je bong hnyin, kʼ adre me he ka ti ohiʼ öbun.

Deuteronomi 7:16

Ke u me he ka ohia ta je hnyei hia ame he Iehova ka hna köu; kʼ ame ca he emakâm ka betenge gadra: ke u ma ca bi athnyabainy anyidra je khong; anyin â wale hnân nuc u.

II. Timoteo 2:26

mʼ adre me he ka möt ûnyi hnyi hnewe anyin diabolo, me omelö ge at huliwa ka Than ka hnyi weny Khong.

Owisa 2:21

awe, oge me ca he hmetu ka obâ je hnyei hobi ködrin a je kolon hnyi ûen mok a Josua: