Josua 23:11 - Iaai Bible 1901 (New Caledonia)

¹¹ Anyin a wale wâ wia bi öbun he ka hnyok kö Iehova Khongubun.

Josua 23:11 ပူးပေါင်းရင်းမြစ်များ

Esodo 20:6

ke ame omanenâ tang ibetengiö ka ta je dö a thauzan tavat adre me hnyok könya, me tuö anyik je hnanyibu.

Ta je Vejec 4:23

Ti tuö wia ju hnyekom; Anyin ame o but möt ûnyi e.

Luka 21:34

O ʼbun âu, wâ e nye hmak je hnyekubun ge hna han gânâ, me hna ijem gânâ, me hna ûnykûme möt ang, me ame he ka o bong eling me outhmoki öbun helâ me hnewe:

Roma 8:28

Ke e khanʼ öta a gʼ ame tha huliwa ta je ûnyi hia me me so ka tavat adre me hnyok ka Khong wale tavat ame hawʼ ödra helâ me hnen hna ûnykûme.

I. Korinito 16:22

A ne ca hnyok bi ke at ka Than Iesu Keriso, e so he ka anathema e. Maranatha.

I. Korinito 8:3

a ne ke at ame hnyokâ Khong, awe, e ame wâ ûnykûme at eling.

Efeso 5:15

Anyin a wale, wâ wia ûhebun, ca he bi ka helâ me tavat ae monu, ke so bi helâ me tavat ae metâ;

Deuteronomi 30:16

anyin a inya oge me hûna köu hnyi bong ang, he ka hnyok kö Iehova Khongom me vheno deny je gethen, me tuö anyin je hnanyibu, me hnen je hna otilâ, me hnen je hna owisa, mʼ u me möt me osehia, me ame he Iehova Khongom ka ohnahici u hnyi hnyei u me he ka hnyin he ca labā.

Deuteronomi 30:20

me hnyok ju kö Iehova Khongom, me löng hoton hwan hofuc, me kece kâu; anyin a e melam, ke at ame osehia bongom je bong: mʼ u me he ka labā hnyei Iehova ame khemanyin ka lakâmâm, jia Aberahama, me Isaaka, me Jekob, he ka ham ködrin.

Deuteronomi 4:15

Ke wâ eâu ju öbun; anyin ae ba unyin öbun e wâ hnyi bong ame fuc köbun Iehova e Horeba hnyi meic:

Deuteronomi 4:9

Ke so bi o u âu, me tuö u wia, wâ u nye hnying ta je ûnyi u je wâ, ke wâ e nye hia ta je ûnyi e hnyi hnyekom, hnyi ta je bongon ânyâm möt; ke u me he ka ûnö e ka lakom me laöbem;

Heberu 12:15

ke wâ wia ju, wâ e nye hu ke at ame ca o ka hnyi ibetengiö baû anyin Khong; wâ e nye kû thö iwân ae hiny he ka oveci Öbun, me ame he ka kong ut tavat ae se hia hnen e;

Josua 22:5

Ke wâ wia ju öbun he ka ânyâ hna hûna me hnanyibu, waleji a hûna köbun Mose athnyabai Iehova, wale he ka hnyok kö Iehova Khongubun me vheno je gethen hia thithö ûnyi gan, me tuö anyin je hna hûna, me kece kâu, me huliwa kâu ge je hnyekubun ae bekhöt me ta je hanubun ae bekhöt.

Josua 23:10

Ame he at a khaca gabun ka hnu thauzan: anyin a Iehova Khongubun ame vat hobi köbun, helâ me hnen hna ha köbun.

Josua 23:12

Ke öbun e ne hmetu ju, me kece ka je kolon je hnyei eling, wale je kolon unyibun, me faipoipo mödrin, me he ködrin, ke ödrin, ödrin e he köbun: