Josua 22:33 - Iaai Bible 1901 (New Caledonia)

³³ Ke so hofuc eling ka lakon Isaraela; me haba lakon Isaraela adre me ogânâ Khong, mʼ adre me ca ha hmetu he ka vat mödrin, he ka okongoâ hnyei ame laba hnyin laku Reubena, me laku Gada.

Josua 22:33 ပူးပေါင်းရင်းမြစ်များ

I. Man Ûlabainy Je Than. 29:20

Ke haba Davita ame ha ka ûkhacaköu hia, ka habe, Walang ang, oleâ thö kö Iehova Khongubun. Me haba ûkhacaköu hia adre me ole kö Iehova Khongon lakamödrin, me nom ju, me khudrung kö Iehova, me than.

Ta je Vejec 25:25

Helâ me köiö ae katebu ka at ame beic, Helâe uthumetu ae so ûnyi hnyi hnyei ae sâkâû.

Daniela 2:19

Me adre me omanenâ kö Daniela hnyi hna omanenâ huyi lit ûnyi eling ae iyong. Me haba Daniela ame haisoâ Khongon drany.

Luka 2:28

ke e ame kap e hnyi li benyen, me ogânâ Khong, me ha, ka habe,

Ta je huliwa 15:12

Me ame laba hnyibû but ûkhacaköu hia; me adre me vehling Banaba me Paulo ödru me ûthumetu ge je haten me je ûöman ame ânyâ Khong ûnyi gadru unyin Aten ta je hnyei.

Ta je huliwa 15:31

Ke adre hia but aû, me adre me senyinâ hna okahwʼ ödra.

II. Korinito 7:7

ke ca ûnyi thibi ge ioiny, ke so bi hnen kahwa Öbun e okahwa e kâu, ke a thumetu öhmun ge webun ae tethmâ, me anyibun tenge, me hnyekubun ae kahwa könya; wale me me ti gan anyik sēnyin.

Efeso 1:3

Haisoâ Khong me Kamen Tuhöta Iesu Keriso, at ame hia but ohnahici öta ge ta je hnahicin hanu hia hnyi ta je dok hnyi drany ûnyi ge Keriso:

Josua 22:30

Ke long ut Fineasa at bihut, me je thaniny ûkhacaköu, wale je ban je thauzaniny at Isaraela unyin, ta je hofuc ame ha laku Reubena, me laku Gada, me laku Manase, me ame so ködrin.

Josua 22:32

Me ame hmetu Fineasa nöku Eleazara at bihut, me je than, ûheny unyin laku Reubena, me laku Gada, ûnyi hnyi hnyei Gileada, ka hnyi hnyei Kanana, ka lakon Isaraela, me thumetu ödra.