Josua 22:29 - Iaai Bible 1901 (New Caledonia)

²⁹ Ohmun na ca he ju ka khikhin ga Iehova, me hmetu ga Iehova hnyi bong ang, he ka otilâ taben hut hnân leû, me hudiny han, me ke hut, hnân he ka hanen taben hut kö Iehova Khongutin cicö umen uma mano.

Josua 22:29 ပူးပေါင်းရင်းမြစ်များ

Genese 44:17

Ke haingen, ka habe, Ohe, ame ca he ka helâe: ke haba at adre wâ unyin kaia e ame he ka hwenbâ unyik; ke haba öbun, he thʼ öbun me hmanenang ka kamöbun.

Genese 44:7

Ke haingödrin kâu, ka habe, Than j ame ha hofuc eling geû? Ohe e ca khanʼ öhmun je athnyabaem he ka ânyâ ûnyi e.

I. Je Than 21:3

Haba Nabotha ame thu kö Ahaba, ka habe, Ohe, e kap ga Iehova a oge me he ka ham iny lakamök köu.

II. Je Than 18:22

Ke öbun e ne ha könya, ka habe, Öhmun e labageju kö Iehova Khonguhmun; hawa, ame ca ohia ga Hezekia anyin je dok ae görany me je taben hut, me ha ka at Juda me Jerusalema, ka habe, Walang taben hut hnyi Jerusalema öbun e he ka khudrung hnyi hnyimakan?

II. Man Ûlabainy Je Than. 32:12

Hawa, a ca hom Hezekia anyin je dok ae gorany, me anyin je taben hut, me hûna ka at Juda me Jerusalema, ka habe, Öbun e he ka hic cicö taben hut a khaca, me leû utö ae bo so hon e?

Roma 3:6

Ohe; a ne helâe ame he Khong ka kâmâu ka hnö hmeledrany?

Roma 6:2

Ohe. Öta tavat a mok ka hnyi hulo, kʼ ate me he ka kâmâu he ka möt bala hnyin?

Roma 9:14

Anyin a wale, ieû ate me he ka ha? Hawa e hu unyin Khong hwakecin ae ca wisa bi? Ohe.

Deuteronomi 12:11

awe, haba dok ame he Iehova Khongubun ka ûca hnân umen ien bi; me öbun e he ka hom kâ e ta je ûnyi oge hûna köbun; wale je hudiny leû, me anyibun je hut, me anyibun je ke keihen a libenyitainy, me je hudiny kap goranyai hnyi hnyamöbun, me anyibun ta je khöbi hia ae ûnyi hnathu kö Iehova:

Josua 22:23

wale ge hnöhmun hna otilâ taben anyihmun hut, me hna degeci Iehova; ke ame ne hnân he ka hudo je hudiny leû, me hudiny han, ke ame ne hnân hudo je hudiny ûsoköu hon e, hamö Iehova he ka elâm;

Josua 22:26

Anyin a wale haingöhmun, ka habe, Otin a hwân walang ang he ka otilâ taben hut, a ca hnân leû hut me bi hut hon e:

Josua 22:28

Anyin a wale ohmun e ha, ka habe, Ödrin ka he ka ha helâe kohmun me anyihmun je dö nyiele, ohmun e he ka ha bi, ka habe, Wâ bi tulut taben hut kö Iehova a ânyâ lakamöhmun, a ca hnân leû hut me bi hut bon e; ke so bi hnân ohnathoâ kohmun möbun.

Josua 22:30

Ke long ut Fineasa at bihut, me je thaniny ûkhacaköu, wale je ban je thauzaniny at Isaraela unyin, ta je hofuc ame ha laku Reubena, me laku Gada, me laku Manase, me ame so ködrin.

Josua 24:16

Ke haba tavat ödrin e thu me ha, ka habe. Ohmun na ca he ka hna degeci Iehova me bi athnyabainy ke je khong;

I. Samuela 12:23

Ke haba inya bi, ö iny ca he ka monu kö Iehova, he ka degec hiji öbun: ke oge me he ka nʼ öbun ge gethen ae so me wisa.