Josua 22:28 - Iaai Bible 1901 (New Caledonia)

²⁸ Anyin a wale ohmun e ha, ka habe, Ödrin ka he ka ha helâe kohmun me anyihmun je dö nyiele, ohmun e he ka ha bi, ka habe, Wâ bi tulut taben hut kö Iehova a ânyâ lakamöhmun, a ca hnân leû hut me bi hut bon e; ke so bi hnân ohnathoâ kohmun möbun.

Josua 22:28 ပူးပေါင်းရင်းမြစ်များ

Genese 31:48

Ke Lab na ame ha, ka habe, At hnân ohnatho kötu hna khon e hnyi bong ang. Anyin a wale adre hwenyi ien e Galeed:

II. Je Than 16:10

Ke ame he Ahaza than Damaseko ai he ka ûkhanö me Tigelathi-pilesera than Asuria, ke e ame wâ taben hut hnyi Damaseko: me Ahaza a than ame kunâ uthumetu kö Uria at bihut he ka ha bongon e, me tulutiny, hoton hia hna huliwan.

Esodo 25:40

Ke wâ bi, me u me he ka ânyâ ta je ûnyi e helâ me tulut adre omanenâ köu hon bucen.

Isaia 19:19

Hnyi bong eling ame he ka hu taben hut kö Iehova hnyi wanben hnyei Aigupito, me haten adre otilâ kö Iehova hnyi hnyigöulen e.

Heberu 8:5

tavat adre me bi athnyabainy haten me hmenon ta je ûnyi ethö, helâji me hna nö Mose ge Khong hnyi ûen e ame he ka oumo but uma menâ: anyin a haingen, ka habe, O u âu me ânyâ ta je ûnyi hia thithö hoton tulut adre omanenâ köu hon bucen.

Josua 22:27

ke so bi hnân haten e wanböhmun möbun, me anyitin je dö hwabötin, mʼ ohmun he ka ânyâ huliwa anyi Iehova hnyi hnyimakan hnyi je hudiny leû, me je hut, me je hudiny ûsoköu; me me ca he lakubun ka ha nyiele ka lakuhmun, ka habe, E ba jekhöûbun unyi Iehova.

Josua 22:29

Ohmun na ca he ju ka khikhin ga Iehova, me hmetu ga Iehova hnyi bong ang, he ka otilâ taben hut hnân leû, me hudiny han, me ke hut, hnân he ka hanen taben hut kö Iehova Khongutin cicö umen uma mano.

Josua 24:27

Ke Josua ame ha ka tavat hia thithö, ka habe, Wâ bi, haba veto aug, me, hnân ohnatho köta, anyin a e at ame long hia je hofuc a ha köta Iehova: anyin a wale hnân ohnatho köbun, wâ öbun nye he ka ivinoâ Khongubun.