Josua 22:22 - Iaai Bible 1901 (New Caledonia)

²² Haba Iehova Khongon ta je khong, Iehova Khongon ta je khong, me e at ame wâhmakhmetoâ, ke ame he at Isaraela ka wâhmakhmetoâ bi; a gʼ adre ne ânyâ ûnyi hnyi khikhin, ke ame ne ûnyi hnyi hwakecin ae kong kö Iehova, (ca he ka omeli öhmun hnyi bong ang,)

Josua 22:22 ပူးပေါင်းရင်းမြစ်များ

I. Je Than 8:39

awe, u na long ju hnyi drany, a hnyabam, me hna monu bi, me ânyâ, me ham ka tavat hia hoton dedrin je gethen, ke u je wâhmakhmetoâ hnyekudrin; (anyin a hake u thibi at ame wâhmakhmetoâ hnyekon lakon at hia;)

Jobu 10:7

Ke so bi e khanö u a inyʼ ca at ao kong; Ke ba at ame he ka hûgûnâ ûnyi hnyi hnyamâm?

Jobu 23:10

Ke so bi e ame wâ dek gethen; E ka hia but cubic nya me oge me he ka o helâ me gol.

Jobu 31:22

Awe, e so he ka kolu but benyik ûnyi hnyi bajebenyik Me thu benyik ke ne o but hnyi jeien.

Salamo 136:2

Oleâ ju ka Khongon ta je khong: Anyin a nyiele balua anyin ibetengiö.

Salamo 37:6

Me e ame he ka oâ hwakecâm ae wisa hela me melam, Ke je hna owisa u helâ me jebigö.

Salamo 40:9

Oge hia but khetâ hwakecin ae wisa hnyi ûkhacaköu ae gan; Wâ bi, oge me ca he ka behânâ li esongodik, E manen köu e, Iehova.

Salamo 44:21

Hawa, ame ca he Khong ka elâm e? Anyin ae khana ta je ûnyi ae iyong eû hnyi hnyok.

Salamo 44:22

Eke, can iâm adre me hlingʼ öhmun hnyi je bong hia; Kʼ âdre me öû öhmun helâ me je mamoe hnân hlingâ.

Salamo 50:1

HABA Khong, a Khong Iehova ame hia but fuc, Me hawâ hmeledrany ûnyi hnyi hna o hnen seûno ke ne o but hnyi hnen hna dit.

Salamo 82:1

KHONG ame tot hnyi ûkhacaköu anyin Khong; E ame owisa hnyi wanben ta je khong.

Salamo 95:3

Anyin a Khong ae gan hmâ Iehova, Ke Than ae gan hmâ hon ta je khong hia thithö.

Salamo 97:7

E so e hmehma but hia thithö tavat adre me bi athnyabainy je hnatheat, Me hobeluʼ ödra bi ge ta je idola: Khudrung ju kâu, öbun ta je khong hia thithö.

Esodo 18:11

E khanö nya walang ang ae gan hmâ Iehova hon ta je khong hia: eke e beönua hudrin hnyi ûnyi ödrin e bi gânâ.

Jeremia 12:3

Ke haba u Iehova lö, u je wâhmakhmetu nya: u je ö nya, me cubec hnyekuk gam: lili ödra but helâ me je mamoe hnân he ka hlingâ, me penapenʼ ödra hobi kâu bong he ka hlingâ hnyin.

Jeremia 17:10

Inya Iehova at ame elâm hnyok, oge me cubec ta je hna ûnykûme, he ka ve ham ka tavat hia helâ me dedra ta je gethen, me helâ me wan anyidra ta je huliwa.

Daniela 11:36

Ke ame he than ka ânyâ hoton weny; ke e ame he ka ogânâ e bi, me ogöranyâ e bi hon ta je khong hia, me ha ta je ûnyi hnân outen ge Khongon ta je khong: ke e ame he ka sot ke ne o but ame hwâdâ but hmonyin; anyin adre me he ka ânyâ hna mou hnyok ka hnyin.

Daniela 2:47

Ke haingen than kö Daniela, ka habe, E hnathu, haba Khongubun me Khongon ta je khong, ke Tuhan ta je than, ke at ame omanenâ ta je ûnyi ae iyong, anyin ae khanö u he ka omanenâ ûnyi e ae iyong.

Mika 7:9

Oge me be ka hok hnyokâ hmonyin anyi Iehova, anyin oge hia but monu kâu; ke ne o but e ame he ka ivino hobi könya, me owisa hobi könya: e ame he ka su nya ka hnyi melam, ke oge me he ka wâ hwakecin ae wisa gan.

Malaki 3:18

Me öbun e he ka hmetu me wâhmakhmetoâ at ae wisa me at ae kong, ke at ame bi athnyaba ka Khong ke at ame ca ânyâ.

Ioane 21:17

E ame ibi okun ba kâu, ka habe, Simona nöku Jona, u me hnyok könya? Peteru ame hmak hnyekon anyin a e okun dut ha kâu, kahabe, U me hnyok könya? Me e ame ha kâu, ka habe, Than lö u at ame wâ ta je ûnyi hia; u je wâ but a inya oge me hnyok köu. Iesu ame ha kâu, ka habe, Hān biju halek je mamoe.

Ta je huliwa 1:24

Me adre me hic me ha, ka habe, Taböny Than lö, u at ame wâhmakheto ta je hnyok hia thithö, omanenâ thö kohmun at u me he ka ûca ge li at ang,

Ta je huliwa 25:11

Ke a ne hu anyik monu, me ke ûnyi oge ânyâ ae ûcû könya he ka mok hnyin, iny ca höcö bi he ka mok: ke e ka ba hnathu hnyi ta je ûnyi adre me bi fuci nya hnyin, e ba minya at ae khana he ka hnö nya kodra. Inya oge me hawo Kaisara.

II. Korinito 11:11

Anyin a ieû? hawa, anyin oge me ca betenge gabun? E khana Khong.

II. Korinito 11:31

E khana but Khong a Kamen Tuhöta Iesu Keriso, wale a hnân he ka haisoâ nyiele balua, a oge me ca thoi.

II. Korinito 5:11

Anyin ae khanʼ öhmun ûnyi hnân ootâ unyin Than, wale me öhmun e ûjeogö tavat, ke öhmun e manen dut ka Khong; ke ogeʼ me ûnykûme a öhmun manen dut minya hnyi je ûnykûmenöbun.

Deuteronomi 10:17

Anyin a haba Iehova Khongubun, me Khongon je khong, me Thaniny je than, e Khong ae gan, me man, me hnân outen, kʼ ame ca wâhmakhmetoâ at, kʼ ame ca kap hwaban.

I. Timoteo 6:16

e thibi ame tren möt balua, at ame laba hnyi melam ae ca hnân ûhakekeny kâu; waleji ame ca wâ hnen at, ke ca khana minya wâ: e so he ka e unyin bi hna ogânâ me man nyiele balua. Amen.

Heberu 4:13

Ke ca iyong bi ke unyi adre op hnyi hnyimakan: ke ame ve he thu me manen wia but ta je ûnyi hia thithö ka hnyi li emakan at, wale ate me he ka ve omanenâ kâu hwakecita.

Josua 22:21

Me haba laku Reubena, me laku Gada, me hafiny tribu Manase, ödrin e thu me ha ka je ban je thauzaniny at Isaraela, ka habe,

Hna Omanenâ 19:16

Ke e ame khavâ khaûen, ke adre set ke ien hnyi jevan, ka habe, TUHAN TA JE TUHAN ME THANINY TA JE THAN.

Hna Omanenâ 2:23

Ke oge me he ka hlingâ lakon ge mok; ke ame he ta je ekalesia ka khanʼ ödra, ka habe, inya ang at ame elâm ta je ûnykûme me ta je hnyok: ke oge me he ka ve ham köbun hoton anyibun ta je huliwa.

I. Samuela 15:23

Anyin a haba hanyâûâ, me helâ me ûkongon bi khong, ke haba ûjöng, me helâ me ûkongon hmi ka hnatheat, me je idola. Anyin a u je hia but hna degecâ hofuc ho Iehova, awe, e ame hia but hna degeci u, me u me ca than dut.

I. Samuela 2:3

Ca he hmetu bi ka ha hofuc ae bi gan; Ke so ame ca gâ hofuc bi gan ûnyi hnyi je hnyimöbun; Anyin a Iehova, me e Khongon metâ, Ke e ame tuluto je hna ânyâ.